بسباب من طوّل عليه زعلها

صح لسانك يالفراج
جزله من راس جزل

اقتباس:

المشاركة الأصلية كتبت بواسطة محمد الفراج

السلام عليكم

ارشييه تقبلوها كما هي :

ياهاجسي هرج المعاليق قلها=يكفي علي من العنا ما أحتملته
أما تحيزم للحموله وشلها=والا الحمل ياهاجسي عنك شلته
مشارك الشعار يحسب هللها=ماكل مايطري على البال قلته
أنق الجزل عن هزلها واعتزلها=واللي يجي من هزلها ماقبلته
ايامنا بذت خفاي بعملها=عسى ماهوب حساب ذنب عملته
أركت علي حمولها واحتملها=قلب على ميل الليالي عدلته
واقنعت نفس رزقها ثم أجلها=عند الولي رب العباد وسألته
لجل الهموم اللي ترادف كتلها=ولايخيّب اللي في زماني أملته
البارحه بين الهضاب وسهلها=اتعبت رجلي لين قلبي دبلته
بسباب من طول علي زعلها=ولافيه شي للوصل مافعلته
هذا جزايه يوم روحي دخله=ونوّخت حبه في حشاي وعقلته
وعشت الليالي كلبوها بأملها=وباب يجي من يمها ماقفلته

وسلامتكم :)

وأنت سالم وغانم
وصح الله لسانك يابو فيصل
ابدعت وامتعت كما تعودنا من سموك الابداع والامتاع والحضور الملكي
دمت ودام مداد قلمك ورقي حرفك الشامخ
تقديري لك
النجلاء

ارحب يا خالد
الله يبارك فيك يالغالي
وصح بدنك ولا عليك زود
تشرفت بمرورك لا عدمتك

سهيل
صح بدنك يالغالي
ولا هنت على المرور

ارحبي ارحبي يالنجلاء
وحمد لله على السلامه يالاميره
وصح بدنك
ولا هنتي على المرور

صح لسآنك محمد الفراج

ويعطيك العافيه على هالرآئعه

صح لسانك ياجزل

رآآق لي حرفك
واستهوتني تعابييرك
احساس جمييل مادونته عبر سطوورك
فسلمت بعدد حروفك وابجديات القلم
تقبل
احتراامي