هنا .. سجن القوافي !!

يعطيك العافيه يالغنامي انا كنت متوقعه ان المشكله من عند

ابو عبيد

ياعل قلب ما شكا الحب والتاع
تنهار من فوقه محاني ضلوعه
يا ما نهيت القلب لا شك ما طاع
ما طاع يد له والليالي تلوعه
أثر المولع دمعته تجرح القاع
وإلى ذكر ما فات هلت دموعه
يفز قلبي تالي الليل مرتاع
أخاف تبعد عن ربوعي ربوعه
الموت كان العرف عقب البطا ضاع
والمنتحى يا سعود صعب رجوعه
في غير شوف العين ما نيب طماع
حقه علي أمشي بدرب المطوعه
أبو عيون رمشها سود ووساع
في ذبحها العاشق فتون وبتوعه

الجليدي مساعد .. صح لسانك واعتلا شانك رد جميل كجمال حضورك
الهواوي ناصر ... صح لسانك ياريس . مبدع بكل حالاتك ..
صدود .. انتقاء جميل وحضور اجمل
الشيخه النجلاء .. دايم يروق لذائقتي انتقاءك . كوني كما انتي .

في غير شوف العين ما نيب طماع
حقه علي أمشي بدرب المطوعه
أبو عيون رمشها سود ووساع
في ذبحها العاشق فتون وبتوعه

راااائعه هالبيتين صراحه

الغنامي شاكره لك اطرائك الجميل وهذه من ذوقك ويسعدني ان ذائقتي تروق لك

االمشكله عندي مهي عند {ابو عبيد=الصبر مل الصبر والحض مايل
ياكيف ابا القا حلها ياالجاويد=ون قال قلت الشك عنك انت زايل
اجحد جروح القلب وكتاض وزيد=وغفر عن العيلات من كل عايل
ونا اعرف ان الفيد ماعاد من فيد=ولاني بشاكي له ولا نيب قايل
ياذاك يارع السهوم المواريد=هونك تراني من عيال الحمايل
ماني مثل زيدان وسعيد وعبيد=ولاني بشيطان وقوت القوايل
كان الهواء له عند شرواك تجديد=عجل ترا عمر المودين زايل
تراي غضيت النواظر عن الغيد=ونا الذي كنت اول الوقت اخايل

كيبورديه وليدة اللحظه

ياعل عينٍ شفتها فالصوره=اشوفها على الهواء ومباشر
في موقعٍ خارج عن المعموره=مافيه خوف ولا حشرنا حاشر
مال الثلاثه رابع ومقصوره=انا وهي واللي معانا مباشر
اشبع خفوقي لين يترك سوره=واقسم لغيره ماعشق واعاشر

صحت السنتكم
ودام ابداعكم الفااخر

تقديري,’’

صح الله لسانك ياولد روق ودام ابداعك
الغنامي صح الله لسانك
شاعرة نجد ياهلا والله وغلا بالطله الحلوه شرفتي ونورتي بوجودك الغالي علينا

واجد اللي بغو يغنون فالصوره ههههههههههههههه
صح الله لسانك يالغنامي
محمد الروقي رايعه هالابيات وراقت لي كثيرا صح لسانك
صدود رائعه تساليك وانتقاءاتك بيض الله وجهك
النجلا سلمتي ودمتي وثبت ان الخلل بالكمبيوتر بتاعي الان داخل بثاني
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
انجض الحمسه ودق البن واره الهيل=وصبها للسجين اللي يحوس الضرم راسه