ردي على الجرموزي الحوثي

رد سريع على الجرموزي الحوثي
أمل ان يكون قد المقام

يالله يامغني نفوسٍ فقيره=ياواحدٍوأمره على الانس والجان
اعوذ به وألوذبه وأستجيره=وارجوه لطفه يوم زوغات الاذهان
وأنخاه في رد النفوس الحقيره=ومن حاسدٍ حاقد ومن جاحدٍ خان
ياراكب اف افتين زرقاً مغيره=من قاعدة سلطان تحت أمرسلمان
في بطنها الموت الحمر والذخيره=وطيارها قلبه مليٍ بالايمان
يقلع بها ياجعل فالامر خيره=وينزل على صعده عقب ظلع دخان
ويدك بالحمله جبالٍ خطيره=كهوفها مليا قنافذ وفيران
فيها الكهوف النجسه المستديره=سكانها عاشو مذله وحقران
الحوثي اللي قام يشعب بعيره=جناء على نفسه عقب طاوع ايران
مامنه امان ولايقدر بجيره=ولاهو كفو انه يعاند كحيلان
مادام جرموزي نبت ريش طيره=نباء نخلي طايره دون جنحان
الله جعلنا للعقول الصغيره=معلمه ومدرسه طول الازمان
وان كان يالحوثي تباها قصيره=انحش وعود للخميني وطهران
من عندنا منته محصل شعيره=ياكود طلقه نيمسٍ بين حجان

الغنامي
صح الله لسانك يالجزل
كفيت وفيت وبيض الله وجهك على الرد الكايف
تقديري وتقييمي والنجوم لسموك
تحياتي لك
النجلاء

الله عليك يالغنامي صح لسانك ولاهنت ..
رائعه بروعة حضورك وتواجدك اخي الكريم ..
ودي وتقديري لك ..

صح لسانك وكلك يالغنامي رد كافي ووافي

ابدعت شاعرنا .. دمت بكل خير

اقتباس:

المشاركة الأصلية كتبت بواسطة النجلاء

الغنامي
صح الله لسانك يالجزل
كفيت وفيت وبيض الله وجهك على الرد الكايف
تقديري وتقييمي والنجوم لسموك
تحياتي لك
النجلاء

النجلاء
صح بدنك ولاهنتي على الوجود الطاغي

مرورك وتواجدك هو الدافع المعنوي لجميع

تقييمك وشهادتك وسام شرف على صدري

دمتي شلالً لاينضب

اقتباس:

المشاركة الأصلية كتبت بواسطة غزلان

الله عليك يالغنامي صح لسانك ولاهنت ..
رائعه بروعة حضورك وتواجدك اخي الكريم ..
ودي وتقديري لك ..

الشاعره غزلان

صح بدنك وصح كلك

وجودك انار متصفحي

فكوني بالقرب دوماً

لاهنتي

اقتباس:

المشاركة الأصلية كتبت بواسطة مـهـا

صح لسانك وكلك يالغنامي رد كافي ووافي

ابدعت شاعرنا .. دمت بكل خير

مهاوي

وجود هذا الاسم بمتصفحي شرف لي
صح بدنك وصح كلك ياذوق
شاكر لك حسن ردك
لاهنتي

لله درك يا بطل

ارجو من ادارة المنتدى تخصيص متصفح يتم فيه جميع الردود على الحوثي

ووضع بنر خاص فيه

ولي عوده يامحمد