يمه بقول لك شي بس لا تعصبين ..//

يمه بقول لك شي بس لا تعصبين ..//
يمه كتابي بالمدرسه نسيته ..!

ونسيت الالوان

ودفتر التلوين ..//

و دفتر الأملاء بالغلط شقيته ..!
و المريول يالغاليه لا تنسين ..//
بالالوان و المزيل وسخته ..!
وانا مع صاحباتي المزايين ..//
يمه صبعي بالمقص جرحته ..!

بس صدقيني ترى مايعور الحين ..//
لاني في المدرسه بالماي غسلته ..!
و نشفته وحطيت صبغة الايدين ..//
وبلزقه الجروح و الكلينكس لفيته ..!
اكلت العلكة وجبنه لوزين ..//
و العصير ما عجبني طعمة ورميته ..!

ايه يمه ابله العربي الي تعرفين ..//
يمه الجوال منها سرقته ..!

قريت الرسايل المرسله و الجايين ..//
وفيها كلامن كثير ما فهمته ..!
بس والله يايمه تصدقين ..//
بسرعه وبدون ما تحس رجعته ..!
يمه وبقول لك شي بس ابوي لا تخبرين ..//
شعري امس بالمكوى حرقته ..!
و روجك الوردي الي تحبين ..//
يمه خذته معي و في الباص ضيعته ..!
تكفين يا يمه لا تزعلين ..//
لاني روجة الباربي و العطرلك شريته ..!

يمه اسناني تعورني من الصبح للحين ..//
وضرسي الي يتخلخل بالغصب قبعته ..!
و غسلت فمي و بالماي وللحين ..//
القطن بفمي من الصبح ما شلته ..!
يمه حصة القران تدرين ..//
والرياضيات والعلوم ما حظرته ..!
جلست العب في الساحه مع صابرين ..//
وضيعت شرابي وللحين ما شفته ..!

ورحت مع احمد للمدرسه تصدقين ..//
وكل الي نسيته من هناك جبته ..!
ردفني بالسيكل وسرعنا مثل المجانين ..//
و شرابي الوردي وربي لقيته ..!

وفي طريقنا واحنا ع المحل مارين ..//
وقفته و من يده للمحل نزلته ..!
وهذا الكتكات و السنكرز لا تزعلين ..//
و االببسي والبونتي لك شريته ..!
وترى نص الكتكات لي لا تفرحين ..//
و البونتي والسنكرز لك مابغيته ..!
وهذي هي اللصقه و غرشة الايدين ..//
وترى من غرفة الارشاد سرقته ..!

يمه تعبت من الحكي وبنام هالحين ..//
وبكره اكمل لك الي سويته ..!
اووه صحيح الحليب الي شريتيه ..//
تراه انكب بالمطبخ وما غسلته ..!

والنيفيا وعلبه الفازلين..//
و المشط و الشرايط بالصندوق خشيته ..!
واخوي الصغير يبكي من جيت للحين ..//
مو راضي يسكت بالعصا طقيته ..!
يمه تكفين بالزعل لا تعاقبين ..//
لان ابوي توي من شوي راضيته ..!
هذا يايمه الي صار لا تكفين ..//
لا تزعلي ترى الزعل عمري ما قويته ..!
ودخلت الطفله في عالم الحالمين ..//
والدموع الي بعينها ما نسيته ..!
نامت الطفله و هي تتمتم الى الحين ..//
يمه السمك ترى للقطو حطيته ..!

يمه المريول اغسليه لا تنسين ..//
و علي واجب لبكره ما حليته ..!
اخذت يمه نجمتين بالدين ..//
واختفى صوتها والباقي ماسمعته ..!
مسحت دمعتها و قبلت الجبين ..//
و شعرها المنثور بيديني جمعته ..!
طفلتي جننت من البشر ستين ..//
و الميه الحين اتوقع وصلته ..

واتمنى
ان تروق لكم

تحيااتي لكم

لعبـــة الاقـــدار
كلمـٍآت رآئعـه بمآ تعنيه آلكلمه
خطت انآملك آلتميز والابدآع
يسلم قلبك حبيبتي على آلكلمآت وآلحروف آلرائعه
ودي لكِ تحيآتي

رائحة عطرك الزكي جذبتنا لك هنا
لكي نستنشق عطرك ونتمعن في مالذ وطاب في هذه الزاويه الفاخره


لعوبه سجلي الاعجاب والتقدير كله

اقتباس:

المشاركة الأصلية كتبت بواسطة طيور الجنة

لعبـــة الاقـــدار
كلمـٍآت رآئعـه بمآ تعنيه آلكلمه
خطت انآملك آلتميز والابدآع
يسلم قلبك حبيبتي على آلكلمآت وآلحروف آلرائعه
ودي لكِ تحيآتي

لك جبال شكرٍ بلا عد..
مٌكللةٌ بأكاليل ورد..
مغموسهـ بصادق الود..
أشكرك على روعة مانثرته هنا..’’
جنائن ورد تنشئ لعذوبة تواجدك..,,

اقتباس:

المشاركة الأصلية كتبت بواسطة محمد الروقي

رائحة عطرك الزكي جذبتنا لك هنا
لكي نستنشق عطرك ونتمعن في مالذ وطاب في هذه الزاويه الفاخره


لعوبه سجلي الاعجاب والتقدير كله

غردت حروفي بعطر وجودك

أضفتم جمالاً لموضعي بردك

الله لايحرمنا منك ولا من تواجدك