قالوا عرب !

السلام عليكم وكل عام وانتم بخير
اقدم لكم قصيدتي ( قالوا عرب ) وارجو ان تحوز على رضاكم
مناسبة القصيده : عندما قام العراقي المدعو ( الزيدي ) بقذف ( جورج الابن ) بحذائه
اكرمكم الله ، في مؤتر صحفي . والعجيب ان بعض العرب فرحوا جدا وكأنهم حرروا
العراق او كأنهم انتصروا في معركه :)

في سوق ما أحد(ن) يفتح (السوم) بريال = والأرض (عُمله) والاوادم (عموله)
ناديت لـ (إثنينه وعشرين) دلاّل = من عالم إثنينه وعشرين دوله
معي بضاعه للعرب تُضرب امثال = لأوّل سلاح إستخدموه بسهوله
عقب السلاح المزدوج سيئ الفال = هذا (برخصة) ثابتة وامحموله
راعيه الأول من مشاهير الابطال = فايز على (بوش الولد) بالبطوله
يوم الامريكي قام يزهى ويختال = سدّد لخدّه وحدة(ن) من نعوله
وشفت العرب من كثر ماذاقوا إذلال = سمّوا على اسمه وارقصوا واهتفوله
(أمحق) عرب و(امحق) طموحات وآمال = ان كان هذا نصرنا اللي سعوا له
وش عاد اقول؟ وما بقى شيء ينقال؟ = الهرج يقصر والقوافي خجوله..
والحال مايل ..والعرب ليلهم طال = والوضع مزري ..والامور إمعفوله !
وحنا نقول انّا طحاطيح وإرجال = (حسَب) ، مقاييس العرب للرجوله
تثبت رجولتنا (بطاقات الاحوال) = والدّم راهي فيه : ( جين ) الفحوله
وكل(ن) على (ليلاه) يسري بموّال! = وكل(ن) على (عمياه) يشعب ذلوله!
متى تصير اوضاعنا عالي العال ؟ = ومتى الكلام اللي نقوله نطوله ؟
نحتاج حلّ ولو حصل بألف حلال = من راس (عبدالله) ترى الحل حوله
واللي يمينه دام عزّه ولا زال = (سلطان) سيف(ن) ماضيات(ن) فعوله
ان قام قمنا له خفيفين وإثقال = ناخذ على العدوان صوله وجوله
معه مثل سيل(ن) من الجال للجال = من ماه وديان الكبود مغسوله
أمّا انطلق منّا الوجع (طلقة إعقال)؟ = وما نرجع الاّ والأمور إمحلوله !
ولاّ تصير افعالنا دون الأقوال = ونبقى عن العالم شعوب امعزوله
رجّالنا .. ماعاد يشرب بفنجال = يصبح ويمسي عورة(ن) في إهموله
قلته وعندي حل واضح وفعّال = نتبع كتاب الله وسنة رسوله
وانزيّن النياّت وإتزين الاعمال = ويصير يوم بقوّة الله وحوله !
والمسألة لو هي على حذفة إنعال = تلقى العرب كل(ن) مضيّع نعوله!

والله مآقول الا صح لسآنك

آبدعت بآحرفك آلأجميله والرآئعه

تسلم آيآديك يآلغآلي

ودي وتقديري ... ~

صح لسانك وعلا شانك وجمل الله حالك اخوي

ولكن ايضا تعتبر شجاعة من شخص ان يلقى بحذائه وشيء ايضا يتفاخر به.
تحياتي وتقديري لك

عبد الله بن طلال
صح صح لسانك يالغلا
قصيدة رائعة كـــ روعتك ربي يعطيك الف عافية , والله انك
صدق بكل حرف يالنشمي,,
ننتظر جديدك الرائع فلا تحرمنا جمال حرفك
دمت بود

صح صح صح لسانك

وهذي قدرتنا لا تشره علينا ههههه


تقديري ياجزل

صح والله لسآنك وفكرك النّيّر ..

جزل يّ عبدالله .. بصرآحه أعجز عن الرد مقآبل هذآ النص المشع بـ الابدآع والتميز ..
معآني وكلمآآت .. وشعور لآيوصف


صح لسسآنك لين ترضى

كنت هنآآ

قصيدة روووووووووووووووووعة
وابياتها جميلة جدا
صح لسانك يالشاعر

عبد الله طلال

صح لسانك وعلا شانك

جزله بمعني الكلمه

صح لسانك ولاهنت يالجزل

مروري وتحياتي