يابنت ياللي تطوي الثوب الارداف

يابنت ياللي تطوي الثوب الارداف شط الحوار بدر بكر يميحه في مرتع ٍ عشبه تغريف تغرياف وامه هجل ماشملوها منيحه والعنق عنق مذير ٍ عقب ما شاف بواردي ٍ لا قف ٍ له بضيحه والعين عين موحش ٍ راس مشراف يملا عيونه بالفجوج الفسيحه يابنت مانرضى المهونه والاضعاف ولنا علي روس المشاريف صيحه فينا صفات الطيب يابنت الاوصاف ماتنطبق في غيرنا يامليحه دخلينا يرقد وراء الوجه ما خاف يامن وتحماه السلوم الصريحه ناسم عصاه ولويبي حج واطاف تحت الحما ما واحد ٍ يستبيحه ونفوسنا دايم عفيفات وانظاف وابداننا من كل عله صحيحه صاحين صافين المشاريب واشراف ماناكل الترديه والنطيحه صلبين في وقت الشدايد وعراف منا المشوره واختيار النصيحه وان ثارت الهيجا لنا وسط واطراف وجه الحريب نقنعه بالفضيحه واكرام لو يلحق بنا نقص وخلاف نملا الصحن ونلحفه بالذبيحه يوم السنين الماضيه حيل وعجاف ينقر لنا من هبة الريح ريحه والعيشه اللي تدبل البد تنعاف النفس عن ما تكرهه مستريحه دنيا تموج ولا رسمنا لها اهداف ياما تحتها من فعول ٍ قبيحه ولا تنكف الا بالفلس والقميحه الشاعر الكبير والقدير شاعر الوطن خلف بن هذال العتيبي

بحر الشوق
يسلم ذوقك واحساسك الراقي ياذوق
انتقاء جميل لشاعر غني عن التعريف
تحياتي لك
النجلاء

صح لسان الشاعر العلم شاعر الوطن ابو هذال

ولاهنت يابحر الشوق على الانتقاء الرائع


همسه : البيت الاخير ساقط منه شطر كامل يالقرم

موضوع في غاية الروعة
سلمت لنا وسلم ذوقك الراقي
لاعدم ولاخلا