يابنت ياللي تطوي الثوب الارداف
في مرتع ٍ عشبه تغريف تغرياف
والعنق عنق مذير ٍ عقب ما شاف
بواردي ٍ لا قف ٍ له بضيحه
والعين عين موحش ٍ راس مشراف
يملا عيونه بالفجوج الفسيحه
يابنت مانرضى المهونه والاضعاف
ولنا علي روس المشاريف صيحه
فينا صفات الطيب يابنت الاوصاف
دخلينا يرقد وراء الوجه ما خاف
يامن وتحماه السلوم الصريحه
ناسم عصاه ولويبي حج واطاف
تحت الحما ما واحد ٍ يستبيحه
ونفوسنا دايم عفيفات وانظاف
صاحين صافين المشاريب واشراف
صلبين في وقت الشدايد وعراف
منا المشوره واختيار النصيحه
وان ثارت الهيجا لنا وسط واطراف
وجه الحريب نقنعه بالفضيحه
واكرام لو يلحق بنا نقص وخلاف
نملا الصحن ونلحفه بالذبيحه
يوم السنين الماضيه حيل وعجاف
ينقر لنا من هبة الريح ريحه
والعيشه اللي تدبل البد تنعاف
النفس عن ما تكرهه مستريحه
دنيا تموج ولا رسمنا لها اهداف
ياما تحتها من فعول ٍ قبيحه
ولا تنكف الا بالفلس والقميحه
الشاعر الكبير والقدير
شاعر الوطن
خلف بن هذال العتيبي
