قال الكعاري وابدع القول فالطير=قصة سعيدة والمشاعر حكتها
يوم ن أبو بندر عيونه على القير=شد انتباهي فالحزوم احركتها
شيهانة ن حامت تبا تقطع السير=بس الوكاد أن الزريق اربكتها
هدت على الحظ الردي والمقادير=ما فكرت لين الزريق شبكتها
ثم ساقها قدام طير المجيدير=مثلوث والمثلوث يوم هلكتها
قفى عن الصيدة عقب جاه تذيير=والفضل للي ما حرمنا بركتها
ثم جال في نفسي روابع وتفكير=لونها عبطة مضن تركتها
لا تبلج المثلوث والفرخ والجير=طير العطاوي ننتظر معركتها
جساس قدم العين والفارس الزير=تغلب بدت فالحرب وبكر افركتها
وضفت شطرن قد سمعته عن الطير=يوم ن عبطه فالفضاء ما سكتها
(يا طير ما حدك نصيبك على خير)=مدام حول خمال جاء فبركتها

صح الله لسانك ياخالد الغنامي شاعر رائع
تقبل مروري