دام البقى للي لفانا ملبي = وعلمٍ بدى ماهو بذنبه وذنبي
على الوفا ندعيك وابليس يهبي = لو كان طبع الوقت يا بدر ميال

دام البقا والمباخر فايحٍ عودها = بوجود بدر الحميدي زان نظم القصيد
والناس يا بدر تعزي خارج حدودها = وانته حدودك حدودي منت عني بعيد

الله الله ..

صحت ألسنتكم ...ولاهنتم ....ماشاالله عيني عليكم بارده...

<<< تلميذه ...زيدي بقهوتك ...تراي راعية كيف .. هههههه

الله الله صح السانك

بعيدها يامرحبابك ياسامي=ونكان ذا قولك مشينا نضامي
لا جيت وافي لي عليك السلامي=هذي ضروف الوقت والوقت ميال

لا جيت كلك وفى عداك منقودها=يزين نضم القصيد ويومنا يوم عيد
حدد لنا وجهتك يالقرم ونرودها=دامك قريّب تدلل قلنا وش تريد

الحمد لله يوم ربي خلقني=عتيبيً من برقا بني عمنا روق
لطامة العايل بيوم التجنّي=ذباحة الحايل وحماية النوق
ومادمت أنا عتيبي مانيب أمتمني=يكفي الأسم اللي رفع روسنا فوق

بنصلي ياسامي وبكون موجود الساعه الحاديه عشره

تحياتي لك وللجميع

صحنت السنتكم ولاهنتم
مبدعين ياالذيابه
ولاهنتم

صح بدنك ياغازي وماعليك زود
والله لا يهينك

من زود الترحيب قلتله اتودم = ونشقى لجل شوفته يومن بعد يوم
عسى سماكم صافيه مابها غيوم = هذي ظروف الوقت والوقت ميال

اشوف بعض العرب تدفع لنا جنودها = لاكن ما للحديد الا صليب الحديد
وجهة هل الطيب ما يخفاك مردودها = من مد كف السلام ايعيش عمره سعيد

الله الله شعار عمالقه تقبلوو مروري