آخر 10 مشاركات
|
|
|||||||
 |
| انشر الموضوع |
|
|
أدوات الموضوع | انواع عرض الموضوع |
15-11-2022, 10:11 PM
|
#37497 | |
حزب العاصفه
|
يامن الحكمه بصمته مرحبابه
اكتب الحكمه كتابه لا تكلم بالادب بالعلم بعلوم الصبابه بما يسر وما منه قلبك تألم لجل من هو تابعك يبدي إعجابه ما يصير انك تمر ولا تسلم ينبسط خفيرنا ويطش كابه وكل راسيةٍ لزغروته تولم صح لســــــــــــــــــــــانك ,, يابوعبيد وبيض الله وجهك |
|
التعديل الأخير تم بواسطة خيال مطير ; 16-11-2022 الساعة 01:15 AM
|
|
16-11-2022, 01:23 AM
|
#37498 | |
|
الناس تفنى والمباني والاملاك
والقول يبقى والخبر للتوالي الشعر معنى حكمته بعد الادراك وما كل يلمع على النور غالي والشعر صور شاعر فيه تلقاك اما لبس لك جوخ ولا سمالي ويقول: بركات الشريف: احفظ حلال(ن) لك عن الناس يغنيك اللي الى بان الخلل فيك يرفاك اجعل دروب المرجله من معانيك واحذر تمايل عن درجها بمرقاك أدب ولدك كان تبغيه يشفيك واستسفعه من بعد مرباه يالاك الشاعر: سليمان بن شريم: وربعك الى بان الخلل فيك عافوك اقرب قريب لك من الناس يشناك ان كثر مالك اصدقولك وطاعوك وان قل ما بيدك شانت حلاياك لو تطلب الماء عندهم كان ما اسقوك ابعد مزارك عن وطنهم ومرباك وان طاب حظك اصدقولك وحبوك وان بار كل ما يبي غير فرقاك وهراجة المجلس الى جيت وروك منازل تطرب نظريك بدنياك والى قضوا منك اللوازم وخلوك تفرقوا وانت احتمل لحل ما جاك كنك سراج البيت للنور شبوك واللي انقضى اللازام حد الربع طفاك وقال: واصحى لخلان الرخا لو تغالوك اعرف ترى اطيبهم الى احتجت يجفاك كنك خوي مقيط دهووك واغووك وحقك عطاك رشاك واقفى وخلاك واحذر عن العيلة ترى الحق مدروك مثل العمل يدركك ما منه فكاك وان كان عدوانك على الضيق حدوك فاخصم طلابتهم بعجفاك وقداك وان كان هم لمشرف الحق ما شوك ناظر مطاليع الفرج قبل مبداك واحلم على الجاهل ترى الحلم مبروك وقم للضعيف اللي من الضيم ينخاك وادمح خطا جيران بيتك الى اوذوك ترى القصير وحرمة الجار بحماك وقم للضيوف اللي لفولك وضافوك اغلا كرامتهم حجاجك وبشراك ويقول الشاعر: عبدالله بن صقيه التميمي: ساس الردي لابد مبناه ينهال ولد الردي صاحبي تحطه بطانه تلقاه وقت الضيق لاصكك الجال الصفر لا يغريك زين لمعانه ترى الذهب من صافي جنيه واريال ما يختلف يا ذيب طيلة زمانه بستان غيرك لوبه الوان واشكال ما تنتفع من خوخه وبردقانه ما ينفعك ما فيه لو بالثمر مال لاصار بالغدراء جداره مخانه وقال ايضا: احرص عن الزلات في كل الاحوال لا تنخدع باللي يعلج اللبانه ما يفتري ويشين الناس رجال راع الحكي بالناس خله وشانه عليك باللي بالمهمات سردال ليث مثل من حط قوسه رهانه انت وانا نبعد عن القيل والقال كم واحدٍ يا ذيب ضره لسانه وقال الشاعر الكبير غازي بن دخيل الله بن عون الرفقه اللي مالها ساس ووصول اتلى تلياها تروح بسهوله مثل الذرور اللي على راس غرمول اول مهب يعترض له يزوله والفعل ما يطلع على مستوى القول يقول قول ما يطبق فعوله والفرق في الافعال, ماهوب في الزول والا ترى اطيب ما من الثور زوله لو غرّهم زوله, وحطوه مسئول صاروا مثل راع الغنم ومخيوله ثوب على جسم على شبه مخيول ودايعه يفرسهن الذيب حوله ويقول: عبدالعزيز الحسن بعض البشر مثل النجوم المراهيش انوارهم تزهي بالافراح بشه افكارهم ري العقول المعاطيش في الدين والدنيا للاخيار هشه وبعض البشر عقله من التبن والخيش لوزان شكله داخل الراس عشه وقال الامير تركي بن حميد ترك عشير عشرته يوم او دون ثم يبدل بك عشير وينساك شف لك قطامي على السد مامون درع القفا ما ينهض الراس لحذاك اللي الى اوحى الناس فيكم يهرجون حامي على عرضك ويدمح خطياك ويقول: عبدالله التميمي الشور ما ينفع قلوب المهابيل كالزند وان حرك تطاير شراره لو تأمره بالعدل يعرض على الميل يبتل على رايه بربح وخساره والطبع ما ينزال غيره بتبديل مثل الجدي مرساه ليله نهاره والحنظله لوهي على شاطي النيل زادت مرارتها القديمه مرارة وقال الشاعر راشد الخلاوي لا تستشير الا صديق يودك في الله صافي السر مامون عاقبه وترى شور ما لا يستشيرونه الملا شمعه نهار في ضيا الشمس دايبه وأرى النصايح في البرايا فضايح وكم ناصح اضحى له الناس عايبه وقال محمد عبدالله القاضي تكلفك بامر ما يخصك جهالة وتبعدك عما كان يلزمك له قافي ولا تصافي كود حيد صميدع غيور على الصاحب نصوح وميلافي ولا تلوم النفس في جاري القضا مالك عن المقسوم يالعبد مكافي يا شرهل المعروف منك بتواضع وهل الشر باشرهم بشر وتستافي وقال غازي بن مهنا الشيباني ما طار وقع من مطيره ولو حام والزود مثل النقص ينقص ولو زاد دنيا تغر الناس في طول الاحلام ولابد تاصل شرها بين الاجواد ياماشي بالدرب مسرى ومجهام لابد من عقب المراويح معواد احد قضى زامه واحد يمسك الزام واللي صدر منها يجي غيره اوراد وهنا قال محمد بن عايض بن هادي الحباني من رابع الخايب سكن دوم واياه لبس الدناسه عقب لبس الجدادي ومن طاوع الشيطان في دينه اغواه يصبح غريق بين الامواج غادي ومن عاشر الطيب ترى الطيب شرواه وبالطيب يرقى نايفات المبادي خلك مع الطيب وممشاك ممشاه ورافق على الربع القروم العوادي عز الفتى دينه وسلمه ومرباه وربعه عضوده عند قدح الزنادي تاقف معه وبقدر الامكان تحماه لا صار باطراف الحبال انعقادي ويقول محمد بن عقيل السويلمي اضرب طريق الخير واسلك مسيره ولا تلتفت للناس عوجاه واقداه ولو طال عمرك عارف وش مصيره ازبن ولي العرش واتعب على رضاه وأد الفروض الاوله والاخيرة واضف لهن مخافة الله ورجواه ويقول حمد بن هادي المسردي القحطاني من كثر ماله ساروا الناس برضاه ولو كان ناقص قالوا الناس وافي ومن قل ما بيده ترى الناس تشناه ولو كان يسقيهم عسل قنط صافي فالمال كم ساس طمان وعلاه والفقر كم حطم روابع سنافي لاشك ما للعبد عن حكم مولاه من خير ولا شر ولا عوافي وقال محسن بن ناصر المري قوموا بدين الله ورزوا شعاره واخشوا نهار فيه تخطيف الابصار دنياك مرجعها الفنا والقشاره لا تامن الدنيا ترى الوقت غدار لابد من قبر وحيش جداره من مات ياالمسكين خلي على الدار وهنا قال الشاعر مرشد بن سعد البذال لولا الردي ما صار للطيب سمعه لاشك لهذا ضد ذاك يصير والناس مثل الماء غدير ومالح هذا ملاح وذا زلال غدير والاجواد قربتهم تبيض وجودهم تنفع ولا من قربهم تأثير والاشرار نفعتهم مكافاة شرهم والا ترى قرب اللئيم خطير الرجل عقل ومرجله وديانه بلاشك راعي ها الثلاث ظهير وهنا قال على المفضي من طاول الدمعه تكدر شرابه والغت مرارة دمعته كل حالي وافنى عنا دنياه زهرة شبابه لو كان من بين الخلايق مثالي واللي يبي ياقف لوقته يجابه ينهد حيله,, والزمن ما يبالي ويقول الشاعر عبدالله العلي الحرير الى بغيت اتحط كلش على البال غديت صقار بساقه هداده تغثك الدنيا ولا ادركت به حال مثل البعير الى تقلد اشداده ويقول حامد بن مايقه الحبابي تخير اذا رافقت من الناس عارف رجل اذا شان الزمان يطيب رفيق على عسر الليالي ويسرها كما الزرع,, في وقت الدهور خصيب امين يحفظ السر عن ساير الملا حفيظ على ما في الضمير قطيب وقال محمد بن احمد بن محمد السديري قصر يذلك لا تقابل مبانيه خله عسى شامخ طويله هدامي خله عسى ما صاب اغادير يفنيه يودع منازله الطويله رجامي لو زان مدخاله وطالت حواميه شيد على الخيبه قليل الرحامي وحي يوريك المذله وتغليه انا اشهد انك ميت القلب عامي من لا يودك لا توده وترجيه ارفع مقامك يا عزيز المقامي ارفع مقامك عن عدوك وتوذيه ويلحقك من تركة رفيقك ملامي حق الرفيق وواجبه لا تخليه يلزمك مثل الوالدين الحشامي اختر عزيز الجار والحق يعطيه شبل على هرج يقوله يحامي ومن قارب الاجرب بالامراض يعديه عدواه تسطي باللحم والعظامي درب السلامه بينات مماشيه ودرب العطب يرث عليك اللكامي وقال اضيا لا خاب ظني بالرفيق الموالي مالي مشاريه على نايد الناس لعل قصرٍ ما يجيله اظلالي ينهد من عالي مبانيه للساس لا صار ماهو مدهل للرجالي وملجا لمن هو يشتكي الضيم والباس بحسناك يا منشي حقوق الخيالي يا خالق اجناسٍ ويا مفتي اجناس تجعل مقره دارس العهد بالي صحصاح دوٍ دارس ما به اوناس البوم في تالي هدامه يلالي جزاك يا قصر الخنا وكر الادناس متى تربع دارنا والمقالي وتخضر فياض عقب ماهيب يباس نشوف فيها الديدحان متوالي مثل الرعاف بخصر مدقوق الألعاس وقال السديري لا تقرب الأجرب بالامراض يعطبك يصير جسمك مثل جسمه عليلي ممشا الخطا من صافي العقل يسلبك ويصير لك يم الرذيله سبيلي وعن ما رد الانذال نزه مشاربك واشرب نظيف لو ورادك طويلي ولياك تنسى يا ابن الاجواد واجبك واللي يروم المجد حمله ثقيلي يالادمي وان كان كبرت مصايبك ازبن على محي البلاد المحيلي أزبن على رب بعرشه يراقبك وناجه وبعد العسر يسره جليلي تحــــــ خيال ـــــــياتي |
|
|
الخط يبقى زمنا بعد كاتبه ،،، وصاحب الخط تحت الأرض مدفون
التعديل الأخير تم بواسطة خيال مطير ; 16-11-2022 الساعة 01:34 AM
|
|
16-11-2022, 10:18 AM
|
#37500 | |
|
حزب العاصفه
|
صباح الهواء اللي نوب صلفه ونوبٍ دون
تومي بالجريد اوماي طفله بقذلتها شاشت للقصيد اللي لها ربعها يغنون كلامٍ مبالغ فيه مع حلو شيلتها من غرورها قامت تهز الجسم بجنون خطر وسطها ينقَصّْ من قو ميلتها ما تنلام قد وخد وكتف وردف وعيون من اوصافها تغار منها قصيرتها رخيصٍ مهرها لو تعدا نصف مليون اللي شافها يقول ماذي بقيمتها ــــــــــــــــــــــــــــــــــ ـــــــــــــــــــــــــــــــــــــــــ وبس ههههههههههه |
|
|
|
|
16-11-2022, 06:03 PM
|
#37501 | |
|
مساكم اجواء جميله
مع رشات مطر خفيفه الان صح لسانك يابو عبيد انا اقول مرحبا في حال لو جات ههههههههه صح ذوقك خيال |
|
|
مع احترامي وتقديري لمن هم هنا=ممنون انا واتشكر للزميله رحيل (ابو عبيد )
لو صار عن شكرها بالهجس ضعف ونا=الطيب الطيب اللي مبتدي بالجميل لفعولها الطيبه من قبل سامك بنا=بنت اصل عن ما عليه مربيه ما تميل
|
|
16-11-2022, 06:35 PM
|
#37502 | |
|
حزب العاصفه
|
اهلا يارحيل وصح بدنتس وكلتس ودام تواجدتس
تسالي ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــ يقال هذا المثل(يامال فرقا الحمام) واثر بهالايام هذي يفترق جمعنه يشتت الله شعبهن بين شرقٍ وشام ويبكن بنوحٍ حزين ولا نطف دمعهن ما درين ان جارهن لاسمعهن ما ينام هجس الشعر يدهر لوهو مصيبه وهن ذا عام يالورق يدفع عام مع درب عام وقلب العنى في يديكن كسب ما ادري رهن من اللسان العيون ادق وافصح كلام قريت ما كنت ما اعرفه من اول بهن ــــــــــــــــــــــــــــــــــــــــــــــــــ ــــــــــــــــــــــــ وبس هههههههههههههه |
|
|
|
|
16-11-2022, 08:23 PM
|
#37503 | |
|
بهن الله الله صح لسانك يا شاعرنا
———— ——— —— كل صوت يمر من ذكراك له عندي حكايه من بدايات الشغف للتيه في بحره وبرّه ياحبيبي ليت كل ايامنا سحر البداية لذّة اول أي حاجه تختلف عن كل مرّه |
|
|
|
|
16-11-2022, 08:30 PM
|
#37504 | |
|
يارب لا تحرم عيوني من الجنه
اكرمني بعطفك ولطفك وغفرانك مايغفر الذنب غيرك وانت ذو المنه سبحانك الواحد الغفار سبحانك |
|
|
|
|
«
الموضوع السابق
|
الموضوع التالي
»
العرض العادي
|
|
