يامرحبا ياسجن الابداع لاهنت=لو ان لك هجراننا في تمادي
اليوم سبت ويوم لك جيت ما خبت=لقيت رحوله ابـ بابك تنادي
تقول يالسجن اقبل العذر لو غبت=واسمعك قلت غيابكم شي عادي
بغيت معك اقول لكنني هبت=وحبيت اكون اليوم عضوٍ حيادي
ومن بعدها ياهاجسي طابت وطبت=من المفردات اكتب كلام امتقادي
اطرب لاساليبك لو انك تلاعبت=وحدَّرت بصياغة طلاسمك وادي
قريحتك مثلك تعاني من الكبت=لو ان لك معها سلوم ومبادي
جرتك وانت اهويت بي معك للخبت=بدوٍ خلا ما فيه توحي منادي
ما اذنبت انا اللي بالتسرع تسببت=وطعنت من جهلي برمحي فوادي
بنفسي على نفسي بما قلت كذَبت=لين اقبلت صكات بقعا عوادي
بشح المطر ياهاجسي يابس النبت=ويكرِّه الراس الجفا بالوسادي