آخر 10 مشاركات
|
|
|||||||
 |
| انشر الموضوع |
|
|
أدوات الموضوع | انواع عرض الموضوع |
06-03-2022, 11:44 PM
|
#36361 | |
 
|
اقتباس:
المشاركة الأصلية كتبت بواسطة شاعرة نجد
شعاني حمامٍ فوق خضر الجريد ينوح شعاه الولع مدري شعاني وهو سالم خضار المزارع مع هواها يرد الروح وكدّر مزاجي حسبي الله على الظالم عليه الله أكبر لامسامح ولامبيوح يبكي عيونٍ دمعها دايمٍ والم |
|
لو جيت ابا اردع هجوس الفكر ب هيامي = يكفخ كما الطير لو هي ربطت اسبوقه درب الموده يضيع بساحة احلامي= مزن الحيا في حياتي تكشف بروقه http://www.r111n.com/showthread.php?t=9220 
|
|
06-03-2022, 11:46 PM
|
#36362 | |
|
قبل لا يربطون ههههه
على الشاطي اللي فيه مرسى وله تذكار تكسّر به الامواج وتعوّد خلافي اتابع مسير الموج بمزاحم الافكار و قبل لا تغيب الشمس نظمت به قافي تعاندت انا و الطيف سافر بدون خمار و حلف لي ثلاث احلاف و اعطيته احلافي و عطاني من الالغاز ما يلفت الانظار و لا فيه رمعه حلّت اللغز يا كافي يسابقني الرمعه يمين و يروح يسار و اشوفه بعيدٌ عني بكل الاعرافي و اذا قلت تدري قال مدري ! وش اللي صار؟ اظنك كثير حلوم من مرقدٍ دافي !!! وحل الظلام ، وقلت ليلٌ سدل بستار و عودت من شط البحر و القدم حافي |
|
|
التعديل الأخير تم بواسطة كديميس السيحاني ; 06-03-2022 الساعة 11:50 PM
|
|
07-03-2022, 01:32 AM
|
#36363 | |
|
السلام عليكم .... مساء أو صباح الخير
صحت الألسن وطابت الأبدان مرور الكرام على الكرام .. مع التقدير والإحترام . |
|
|
|
|
07-03-2022, 01:43 AM
|
#36364 | |
|
اقتباس:
المشاركة الأصلية كتبت بواسطة شاعرة نجد
هدير البحر عقب العصر شاقني ياسعود وأنا والله اني قد لي أيام مشتاقه فوادي تهبه ويتكسّر هبوب النود تصبّر,وهو ما عاد له فـ الصبر طاقه أسامر مساي السرمدي والعيون رْقود معي دفتري واكتب جديدي على أوراقه قصيدٍ جديدٍ ما لقى به فوادي فود ولكن أصوغه لـ اجل ناسه وعشاقه صح لسانك شاعرتنا ودام تواجدك وجدايدك الدعوة الأولة ما حضرتها .... وبعزم نفسي ع الثانية ههه ^-^ عشقنا شعور الشعر والقافية يانْجود والإعجاب شوقنا نجاريه بأشواقه وشِعرك صياغة بالذهب ما عليه الزود ليا هلّ وبله م السماء شع براقه بيوتك على (القانون) متجوّده (بالكود) وعلى نغمة القانون يهواه طراقه ومعناه لو نلقط خوافيه بالسّفّود كمن في عميق البحر تاهت به أعماقه سنينٍ مضت والوقت يسحق بوزن الطود ونوّ الأماني شح والبخت ما ساقه وحوض المنايا في نهاياتها مورود ويا بخت من متّع فوآده ولا عاقه وهذا المجارا هب والجود م الماجود وناسة مشاعر لفّت الشعر في باقه .... ولكم أحلى باقة ورود |
|
|
|
|
07-03-2022, 11:35 AM
|
#36365 | |
حزب العاصفه
|
الخيال لاهنت ودمت وسلمت
اهلا بشاعرتنا وصح الله لسنتس على الابداع المنقطع النظير وصح بدنتس ودام تواجدتس ارحب يابو منصور وصح الله لسانك وبدنك ولاهنت ارحب يابو عامر وصح لسانك وبدنك ودام حضورك بصراحه انتم ثلاثه اثنين على بحر تلهمهم امواجه وسواحله والثالث على قمم السرواة والسحب والضباب يحفز القريحه وانا بوسط نجد الله يغيثه هالسنه ما جانا امطار وضعف الواهس يدوب ادرجه تدريج ضالع ههههههههه ــــــــــــــــــــــــــــــــــــــــــــــــــ ــــــــــــــــــــــــــــــــ لقطع الفيافي خابرك يالمغربل ذرب توصلني لو اتحول السباريت من دونه وانا وانت نبي نغرد اليوم برا السرب ولوم اللوايم ياسود اللون ياهونه انا للسفر ولشيلة الصوت فوقك طرب احاسيسي لفزعتك يالجيب ممنونه ياطول الطريق اللي له ايروح مابه قرب فلاشات ساهر فيه ماهي بمامونه قال اره اللوازم من وقود وطعام وشرب وانا اقداه لك في حفظ ربك وفي عونه انا حافظه حفظ الذكيه لجدول ضرب لو يغمض السايق ليا حرك عيونه مع خنت سيوري غن قافٍ يزيل الكرب عن مجنونةٍ بالمزرعه صح لمجنونه مادام انت لك عن شوفة اللي تبي ما يرب عن (شهور) وعيونك بلاماه مفتونه وتقول الجفن مع غفوته داخلٍ في حرب ابا اوصلك داره والاباليس ملعونه |
|
|
|
07-03-2022, 11:59 AM
|
#36366 | |
|
حزب العاصفه
|
هجوس الشعر ورطك به حظك المقرود
لو لك حظ ماجالك جمل به ولاناقه ليا ناحت الورقا الضحى فوق يابس عود بداخلك فوضى يحدث النوح خلاقه يجي برق في سحب الطواري وصوت رعود وتفتح لك سجلٍ فات وتبعثر اوراقه بعضها يزيد لهود من خاطره ملهود ويجي بعضها لجروح الايام ترياقه ولالمراجعة ما فات من وقتنا مردود على جاش صبٍ فيه الاشواق حراقه ــــــــــــــــــــــــــــــــــــــــــــــــــ ــــــــــــــــــــ وبس هههههههههه |
|
|
|
|
07-03-2022, 09:01 PM
|
#36367 | |
|
حزب العاصفه
|
شعارنا لو جيتوا بتالي الليل
قولوا وانا للرد لااصبحت جاهز خطو على الشاشه اجزال التماثيل اما تفوق العشر والا تناهز لي تستوي لا رحت يمه مواويل وهزيت راسي من طرب مثل ماهز كومار راسه لاذكر زول جيزيل وكظم على عبره لحلقه تلاهز |
|
|
|
|
08-03-2022, 12:12 PM
|
#36368 | |
|
حزب العاصفه
|
على طموم العود ما صار تغيير
ولاداج حوله من هل الدار دايج ياعونة الله يالعيون المطايير لاهبت رياح الهموم الهوايج هجسي يصوغ القاف حسب المعايير لو ما ظهر للقاف الاقشر نتايج من اول نسير وننطر مسايير واليوم لارقاب النضا ماش عايج |
|
|
|
|
«
الموضوع السابق
|
الموضوع التالي
»
العرض العادي
|
|
