دور لي الروقي شمالي جبل ظلم=وان ما لقيته دوره في دعيكان
هاته بقوه لو عصى يجي بالسلم=وفي ظلم تلقا لك من الشله اعوان
يعطيك ابو فيصل عن الروقي العلم=لاجيتهم ما كاد يالذيب لك هان
ربعٍ للافيهم تهلم الغنم هلم=بمحيطهم هياكل عظام قعدان
قولة هلا يامرحبا عندهم سلم=انصحك لا تستثني لهم وانت وجعان
ودارٍ تمر برجعتك خذ لها فيلم=مدينةٍ في خاطري شانها شان
اشتاقها واعي واهذري بها حلم=وحبي لها من حب مدعوج الاعيان
اهواه لو جفواه لي يا ولد ظُلم=ولا اسلى عنه يالقرم لو كان ما كان

يازعيم القمه اليوم ما فيها قمم=غير راسك فوق الاطلال بافكاره يهيم
انتدبت ابن عوض الله وفي سمعه صمم=ما ذخرت اعلانك الحزب وقع بالصميم
واجلدوا وانشيتو الحزب واذكيت الهمم=وموقفك ما زال ثابت ومرموق وسليم
لاتقرب عاصفتنا وتاكلك الحمم=المدمَر والجلاميد ذابو بالحميم
والرعد مثل السنون ان بدا فيها نمم=لو بقت يادوب فيها تعض الاسكريم
مشاركات القوم بين الكباير وللمم=المشارك لا يبرا ولاينقال اثيم