آخر 10 مشاركات |
|
انشر الموضوع |
|
أدوات الموضوع | انواع عرض الموضوع |
05-11-2017, 09:19 PM | #15361 |
حزب العاصفه
|
تسليه مسآئية متواضعة ~ يسعد مسآكم يا حزبنا ولكم أرقى التحآيا ~ ولايهون كل الروآسي لهم أجمل تحيه .. مايموت الشوق فيني لك ياعذب السجآيا~ جيتك وكل خطواتي توعدك يومي بجيه.. عطيتني من بوح شعرك ومن نبضك هدآيا ~ واعطيتك كل المحبه وجاتك من الله عطيه .. يبقى الوفا بيننا والوصل حبل العطآيا ~ وتبقى عهود الموده ومواثيق الحب وصيه .. لقيآك صعب بدنيتي وشوفتك كل المنايا ~ ونوح اللقى يدوي بمسمعي بألحان ن شجيه .. ياهاجسي بحرك نهر يروي بوحي وضمايآ ~ موجك هاج بخافقي ونثر لك اشواقي هديه .. وسلامتكم جميعا يالرواسي ~ بقلمي المتواضع ~ ودي وتقديري |
|
05-11-2017, 09:43 PM | #15362 |
|
السلام عليكم ورحمة الله وبركاته
يالغالين كيفكم بشروني عنكم اكيد صح السنتكم جميع وذائقتكم وحضوركم تسجيل دخول ولي تعقيب على مشاركاتكم لاهنتواا |
سبحان الله وبحمده ■ سبحان الله العظيم
|
05-11-2017, 10:17 PM | #15363 |
حزب العاصفه
|
انا ابا اسمي غزلان ليلى الاخيله صح لسانك يالعاصفيه
اهلا ياريم وحمدا لله على عودتك فاقدينك اهلا بالربع والربايع ــــــــــــــــــــــــــــــــــــــــــــــــــ ــــــــــــــــــــــــــــــــــــ ادز القدم لااقفيت عن وجهته وايقيف=واخذ في مكاني حول ساعه وانا واقف نعم بعد ما لي منه صاير لحقني حيف=وانا من تداعي ما جرالي منه خايف امرٍ صعب جفف ريق من كابده تجفيف=ولا عاد له رجلٍ تعدي به النايف |
|
05-11-2017, 10:50 PM | #15364 |
|
اقتباس:
حي الله الناقد وصح بدنك وحنا مجارياتنا بالسجن كلها مزح وتعليق
والظاهر اني بهجي حزبي تركني بين الرعد والعاصفه ههههه ينقد لنا الناقد وهو من حزب ماضين الفعول اللي فعايلهم نهار الحرب ضحك وطق طقه ليتك نقدت لحزبكم في كل فعل وكل قول قبل تبيع البيض يالناقد على اللي يسلقه ليا حضرنا الملعبه وليا دخلنا بكل مول مانجيب غير الغالي اللي كل جزل ً يعشقه وراع الصدق ياصاحبي غسان يلقاله قبول والظلم يدمر صاحبه والحق شمس ً مشرقه والناس اخاطبها على حسب القواعد والاصول يامال فرقا العين والله ياسلام ومفرقه وان كان فيها مشكله عندي لها عدة حلول اما تحل بطيب ولا بـ سنديان ومطرقه وان كان نقص ً في الفهم وان كان نقص ً فالعقول بالله عليكم هونو ياقوم طقه والحقه هههههه اقتباس:
اهلا بالعاصفيه ما شفت مشاركاتك الا بعدين وصح لسانك
مشكوره ياشيخه على الايضاح ولاهنتي ياما من زعيم وينفخ الذرب كرفسناه=عن غوجه وروح عرو ويسحب عنانه وكم شمطا تصيح لحزبها الاقشر وتنخاه=بصوتٍ جهوري ويتقطع عن اذانه وكم ناقدٍ غلت يساره على يمناه=وكم مدمرين فعلنا جنن جنانه ذا غشام يبحث عن زعيمه ولا يلقاه=لا رحيلهم بقيت بحزبه ولا دانه الا الرعد لاتقربونه اقتباس:
يا هلا بشيخة الغيد
منووره السجن لي يومين ما ذقت شي ههههه كل يوم تعالي زوريني هههه صح لسانك يابو عبيد شاعرة نجد يالله حيها انتي وين مختفيه شوي ونبلغ عنك ههههه وبعدين ما ابي شي منكم يالعواصف هههه بعد الضهر كنت طالع مشوار انا والشاعر ( سداح ) ويسألني عن جديدي قلت ما عندي شي انا مسجون في سجن رواسي نجد وعندنا بيوت مزح مع شعار وعلمته بطريقة السجن والرديات وعزمته في المنتدى وبعد ما رجعنا ارسلي بيوت على الجوال يقول ياهل رواسي نجد لشعر قانون يحكم طواريق القصيد ولحونه ـ في سجنكم وش لون الابداع مسجون امحمد الـفـراج لا تـسـجـنونـه ـ حطو بدالـه شلـةٍ فالـتلـفـزون ناسٍ مفاهيم الادب يرخصونه ـ ون كان اله ديان والدين مليون انا كـفـيـلـه لين اسـدد ديـونـه صح لسانك يابو عذبي وكفالتك شرف بس من يعلم ابو عبيد هههههه مبروووك يازعيم الخروج .. وكفالة سداح معد وراهااا اقتباس:
اهلا يابو فيصل
صح لسان ابو عذبي سداح وبيض الله وجهه هو كريم وانت تستاهل بس للمنتدى قانون وللاسف القانون والشروط ماتشمل ابو عذبي هههههه لذا كفالته مرفوضه وهذا ردي هههههههه تمون يامحمد وابو عذبي يمون لاكن نظام السجن لاتخلفونه السجن ماقفل عن اللي يغنون عدٍ مايمنع كل من ياردونه والشاعر اللي مع قصيده تهيمون الا انكم فالمنتدى تسجلونه القفل والمفتاح بيدين مامون وسجيننا يبطي تزالم عيونه هههههه واكلتها يالغنامي الحين تبطي عظم ياحرام اقتباس:
الشكوى لله
نفتك من سداح يجينا ابو عبيد امرنا لله وش عاد نسوي تبا لكم مليون يالعاصفيون=من يعترض للهيج ماترحمونه صحت الالسن جميع وصحت ابدانكم زعيمكم شايب وضالع ومجنون=ترامش عيونه وتبلص سنونه يضحك ولو انه من العام مغبون=ودوه لا اهل الطايف يعالجونه لا قامو الاجناب فينا يوطون=لحق على اللي عقبهم يتركونه خيال بيض الله وجهك ماوقف معي وقدر وضعي غير انت يالذيب اقتباس:
الله على الابداع شاعرنا والتواجد لاعدمانك اقتباس:
صح لسانك يالأمير إي بالله مزح ولاشك في ذلك يالقرم! طيب استلم من حزب الرعد يامدمري! خل المداحم يالحويشي لا تحرّش بالزمول=كم هاج قبلك شاعرٍ ثم عِقْبها راح امرقه النقد وضَّحْه الهواوي قال يازين الذلول=بس المدرعِم يَحْسِبِه من باب تجديد الثقه مانجلب التمر الحسا , كلَّا ولادار الرسول=ندري بسعره يختلف من منطقه لا منطقه ياصاحبي ترى الهدف ماهوب تسجيل الدخول=فالمنتدى من شان نَقْلبها طِلَاب ونقنقه كل الهدف من نقدنا صَف المعاني صَف لُول=يِخِيْطَهَا الشاعر على ديباجته واستبرقه وأنا تراني مااهتويت النقد لو عندي ميول=واليا اشتهيته أرسم أهدافه وأزَهِّب بندقه يمكن تكون أنت الهدف حتيش لو إنك زعول=انصبحِه عقب السَّحَر وآخر نهاره نَغْبقه اقتباس:
كـانـت تقابلـنـي وقابلـهـا عـلـى الـحـب الـشـريـف
ودلـــو المـحـبـه بـيـنـنـا مــحــدن يـعـكــر جـمـتــه ولا يـفـرقــنــا شـــتـــاء ولا يـفــرقــنــا خـــريــــف وعـلـى اللـقـاء كــلً مــن اللهفـــه يـجــدد هـمـتـه انـا وهـي طـول الزمـان الـرقـم الأول والوصـيـف اقـطـف لـهـا ورد الـغــلا ويـفــوح لامـــن شـمـتـه والـيـوم فرقـنـا الـزمـن راحــة ولطـفـك يالـطـيـف عقـب الصغيـر اللـي وهبـهـا الله وبسـمـي سمـتـه لـوكـان ابومشـعـل درى والله مايقـفـي باالـولـيـف مــار النصـيـب الشـيـن خـدرنــا وجـــاب مطـمـتـه هـاذي مقاسـيـم الحـيـاه وغلـطـة العـقـل النظـيـف الـلـي تـمـادى لـيـن عـســرات الـدعــاوي خـمـتـه ودك ليامـنـه جـمـعـك الـحــب بـاالـغـض العـفـيـف تـغـانـم الـفـرصـه مـــدام الــعــود بــــأول زمــتــه هـذا هـو اللـي جابـنـي لمعـانـق الضـلـع المنـيـف واســرار قلـبـي جعلـهـا مــن ذمـتــي فـــي ذمـتــه اقتباس:
اقتباس:
اقتباس:
ماتفقد غالي شاعرنا .. وياليت كل شي يزعل موضوع ويرضيني رد وجواب وهذا من طيبك والله الموضوع للجميع وللفائده وابد اخذ راحتك ومقدره لاعدمتك اقتباس:
اقتباس:
اقتباس:
https://youtu.be/6o4vhnhiwa4
تسليه ومشاركه بتكون رائعه سمعت شي منها وبرجع اكملها صح لسانك وصح صوت متعب الخيل اقتباس:
/
مساكم الله بالخير والسعادة وراحة البال صحت ألسنتكم جميعا .. إمتـــآع في روآســي الإبـــــدآع // تسآآلـــــــــــي == لك الصدر مسكان لو كان يرضيك وإن مابغيت الصدر تفداك الأجفان والقلب لك منزل يضمّك ويحويك تمش به وإرقى على الحال يافلان / ثنا عود نسيــــاني من الـــذاكــــرة ذعــذاع على طـــــاري اللي شتت الهـــاجـس ولمه ليـا هـــــب ذكـــرني غيــــاب بلا مــــرجاع وانا في غيــــــــابة اخطي العلــم واخمــــه ادور على درب الحـــــزن للفــــــرح مهزاع لكن ..القـــــدم تفكيــــري يســـــوقها يمـــه غياب فـــــرا الاضلاع واللي ورا الاضـــــلاع غدا اضيــــــــق من الخاتم وذمـــــــة ابو ذمة عفــــــــا الله عنه كثـــــر قـــاف لفكــــــره طاع وكثر مــــاتموت الهمـه ..ويحيـــــي الهمــــــه حصرت المشـــاعر فيه من باب(شي وضاع) بعـــد ماكشفــــت الذاكــــرة فيــه.. مهتمـــــه.. بكته المـــــــراجل والطـــــواريق بالاجمــاع ورجال بيبطــــي وهو مــــــــانشف كــــــمه.. وجيه الليــــــالي تلبـــس من الغيوب قنــاع وصكــــاتهــــا عجلــه ..وحنــــــا لهــا يمه يقــــــــولون ... مابه قمة تستـــوي بالقــــاع.. وانا اقول تحت الارض ودعــــــــــت لي قمه لشاعرها اقتباس:
انا ابا اسمي غزلان ليلى الاخيله صح لسانك يالعاصفيه
اهلا ياريم وحمدا لله على عودتك فاقدينك اهلا بالربع والربايع ــــــــــــــــــــــــــــــــــــــــــــــــــ ــــــــــــــــــــــــــــــــــــ ادز القدم لااقفيت عن وجهته وايقيف=واخذ في مكاني حول ساعه وانا واقف نعم بعد ما لي منه صاير لحقني حيف=وانا من تداعي ما جرالي منه خايف امرٍ صعب جفف ريق من كابده تجفيف=ولا عاد له رجلٍ تعدي به النايف |
التعديل الأخير تم بواسطة الناقد/عبدالله الروقي ; 15-07-2023 الساعة 11:49 PM
|
05-11-2017, 10:59 PM | #15365 |
|
بوح هذا اللي يزعل ):
انا ما عندي فرق ابد ما بين هند و لا دلال العام راحت وحّده و اليوم وحده رايحه كنا سوا فالمدرسه ما بين منهج و احتفال ما فيهن اللي من عيوني من غلاها طايحه بس الليالي ما تدوم افراحها في كل حال الله يسامح ظرفهن فاللي حصل و يبايحه اللي لداورد نقلت و اللي بتنقل للشمال و انا اتسلا بالقصايد و الدموع السايحه |
|
06-11-2017, 10:34 AM | #15366 |
حزب العاصفه
|
تبكي ريم من فرقا زميلاتها واتنوح=وانا انوح من فرقا زميلٍ جفا وابكي
هو المشكله قفى وقفت وراه الروح=وتبعهم خفوقي يوم قفوا على الدبكي نطحه الهوا البارد وهو من قبل مجروح=وسلامتْه عقب اقفى وراهم بها شكي بقى الجش خالي والرمد دمعها مسفوح=جليسي يراع بصفحة الطرس يحتكي اسامر همومٍ طول ليلي تجي واتروح=وارتب بنات الفكر بالقاف وامتكي صار الياس راجح والرجا بالغضي مرجوح=بلساني لعل وليت ماعاد تنفكي |
|
06-11-2017, 11:39 AM | #15367 |
|
اقتباس:
تبكي ريم من فرقا زميلاتها واتنوح=وانا انوح من فرقا زميلٍ جفا وابكي هو المشكله قفى وقفت وراه الروح=وتبعهم خفوقي يوم قفوا على الدبكي نطحه الهوا البارد وهو من قبل مجروح=وسلامتْه عقب اقفى وراهم بها شكي بقى الجش خالي والرمد دمعها مسفوح=جليسي يراع بصفحة الطرس يحتكي اسامر همومٍ طول ليلي تجي واتروح=وارتب بنات الفكر بالقاف وامتكي صار الياس راجح والرجا بالغضي مرجوح=بلساني لعل وليت ماعاد تنفكي صح لسانك يابو عبيد |
الخط يبقى زمنا بعد كاتبه ،،، وصاحب الخط تحت الأرض مدفون |
|
|