على ظلم والاجوا بعد عج فيها رشاش=غشين المطر ينعش واخذنا معه سجه
على لكسس يحاكي بياضه بياض الشاش=اقفاية ذليل ينادي الهجه الهجه
لقطع الخرايم به يقين ورباطة جاش=من غاليه قال اقدم فلاعاد له حجه
وجينا كل حرٍ ضيغمي نادرٍ مدغاش=يراه البخيل من التراحيب به رجه
رجالٍ لهم راسي بعد قابلوني شاش=من حبي لهم لولا الحيا ليلي اوجه
بوسط الصياني يسندون الحشو بكباش=ضيفه مايسويها ابو بندر تجي مجه

ليا هزت الورقا العسيبه لها اهتزيت=واجاوب ونين الراعبيه ليا ونت
على حيٍ بودي وانا اللي بهجره ميت=ساعة صفر صبري من كثر صبرها دنت
ماحولي اشوفه هو بعينه ليا لديت=يمكن من جنوني فيه عيني بعد جِنت
انا البارحه بعد انصف الليل بك مريت=جميع المشاعر يوم وازنتكم حنت
ادير النظر في حيكم منشده واقفيت=هذي حارة اغلا من على وصلها منت
لو قالت تعال اروح وان قالت اذهب جيت=تقاطع عباراةٍ صعب حلها بالنت