ياما براسي جعل ربي يكافي=من هم وافكارٍ تلف وهواجيس
قالو عوافي قلت ماهي عوافي=اعوذ بالرحمن من هالوساويس
ماهوب حب إل/لابسات الغدافي=ولا البرتقاله مع سميره ولاميس
بي واهسٍ بين المعاليق خافي= مؤمن لاشك يضخم الواهس ابليس

وش به بلاقع جو سجن الرواسي=توحش منازلهم خليٍ مداريس
لانجد جات ولا سجين الرواسي =ماغير كنقتهم ونجلا متاريس
مشوشاتٍ بي بست الحواسي= من ربعهن شكل الربايع مفاليس
لاراعدي لامدمري له حساسي=حتى المطنخ عشقو جيبهم ريس
البارحه ان كان مانيب ناسي=ألمْ بي طيف العيون النواعيس
اللي غلااها داخل القلب راسي=ماسسٍ قصره على خير تاسيس
عذبٍ نبا المجمول يطرد عماسي=قالو تحبه قلت حبٍ بلا قيس
ذكره بما ادون غدا ركن اساسي=وتجي القوافي دون ذكره حلاويس
لو شافها غشام جاه التماسي= وارسل لها من خيل شعره كراديس