في كياني اشتعل شوق وحنين=احسب انك في وجودي شاعرة
واحسب انك في حضوري تفرحين=ما دريت ان الاماني خاسرة
في جمالك في دلالك تمرحين=في عيونك والرموش الساحرة
صارحيني واصدقي لا تستحين=ريحيني يالعنود النافرة
في جوابك قلتي انك تمزحين=الوفا بهالوقت عملة نادرة
ليه كنتي بالعواطف تلعبين=وتنظري لي بالعيون الساخرة
كنتي صورة في خيالي تسرحين=في خفوقي والمشاعر حاضرة
الاسف ثم الاسف في كل حين=للأماني والحظوظ العاثرة
احملي نعش الوفا لو تسمحبن=هذا كل الهرج مني وآخره
عن عيوني ارحلي لا ترجعين=المحبة في خفوقي شاغرة