ياسلامي بعد سلّم زبون الكرامة=في مضيفٍ مايفصل بنّه وريح عوده
قبل لا احط لي تفتيش وانصب علامة=واطرح الموتر المشبوه واللي يقوده
عسكريٍ بعلّمكم شروط السلامة=واحدٍ ما اقنعه ساهر ترانا نزوده
كلّ واحد يجيني ينتبه في حزامه=لاتقولون علمك ما قرينا بنوده
ياهل رعد الشمال اللي يجهّز سهامه=عوّدوا طربقة برميل في عجّ جوده
وياهل العاصفه مدري ياقوم العسامة=عوّدوا لْيْ هوا فتحة هواه معقوده
جيت حزبٍ لحالي من يخالف نظامه=ياجميع الفرق في مقدم الشعب عوده
يبشر اني لا احط اللّغم خلفه وامامه=امّا يفتكّ عمره ولّا ينحتّ عوده

ياصباح الخير ياسجن القوافي=والسجين المحترم غشام باشه
خابره في مامضى رجال وافي=مير اشوفه السنه جايه دلاشه
دام ضوه من ثلاث ليال طافي=كن ماحاش السعد يالربع حاشه
والله انه لابخير ولا متعافي=غير جاين في سويقاته هشاشه
الليالي بينت فيه الخوافي=راس ضبيٍ ماحدٍ عين عراشه