ياطير حملتك وصيه بلاحد = تاصل بها اللي كل عرق يتله
تحية عطره من الخد للخد = تسليمة اللي خافقي مايمله
من عقبها تسليمة الراس واليد = تسليم غالي في غلا الكون كله
أحفظ غرامه حفظي لسابع الجد = ويعرف غرامه بالغلا وش محله
قله بعد ماجاه من عزره وصد = وفاك قدرك ماترك فيه خله
هذي وصية صاحبك ياأطرق القد = بأسمك ترا مضمونها يستهله
حذرا من اللي ماعرف قيمة الود = حذرا منه شرواه إلك زود عله
وإحذر من اللي بالخطا دايم المد = من زود سوءه يفتخر بالمذله
وإحذر من اللي لاقسى الوقت يرتد = طيبه وعزه ماوصل ربع ضله
وإحذر من اللي بالنميمه بنا سد = سده ردا يغى بك اليوم خله
وإسم تشيله لايقف عزه بحد = جنب عن الدرب الردي لا تحله
ولناصحك زد بالوفى يااطرق القد = ترا النصايح مابها عيب لله