الجروح تختلف باختلاف اصحابها

فهناك جرح لايسبب مشكله

لان صاحبه يمثل خانة الصفر شمالا ً

وجرح تحتمله لان الوقت يتكفل بزواله

وجرح لايزول ومع هذا تحتمله لانه من اجل عين تكرم مدائن

اختاروا ماذا تمثل القصيده بالنسبة لي من الجروح

ياجرح مادامك من احباب عادي
ممنون لك ياجرح دامك من احباب

لويعزفك ياجرح مليون شادي
ماقلت بين الناس ياجرح الاسباب

ياجرح كم لك بين الاضلاع غادي
مايوم سمعتك ولاكلمة عتاب

ماهوب حبن فيك ولا عنادي
لكن غلا راعيك يفتح لك ابواب

ياجرح دامك مستقـرّ بفؤاادي
خلك كذا ياجرح مادامنا أصحاب

ياجرح خلك ضيف فوق الشدادي
ترى المعزب منك ياجرح ماهاب

أقلط على حدب الضلوع الشدادي
خل العيون إفراش ولحافك اهداب

ياجرح بلغهم تراي إمتمادي
في صدتي ياجرح ماني بكذاب

ياجرح لوطول عناي وسهادي
شبيت لك في ثومة القلب مشهاب

من شان تقنع من غثاي وجهادي
وتقنع معازيبك من جهاد الاشناب

يالبي هالقفيان وراعيها اشهد انك انت والجزاله وجهان لعمله واحدة صح قلبك يالنايف عدد شعر راسك ونكانك اصلع عدد حب البدو للابل

^
^
^


وهو فيه احد اصلع يامحمد

الاصلع مضبطها باروووووكه

هههههههههههههههه

واين التريلات ولا فلست يالشين

حيااااك يازميلي ولو انك خربت العلاقات

لكن الله يزينها وينبت النصي عندكم هالسنه

النااايف

الله الله
يالنايف
وارث الشعر يغنيه
وأنت وارثه
بالجزاله والشكاله
والرقي والبوح العذب
كفيت ووفيت يالكايف بالرائعه
صح كلك وجعل السعد والله مايملك
ودام هالوجود بكل خير وموده

يزفك الليل واحلامي تغني لك =تعال ياطيف عشقٍ عشت مجنونه
بحلمك وأقبلك وأسمع تعاليلك = وأذوق منك الغلا وأعزف لك فنونه

نياف العتيبي
صح لسانك قصيده في قمة الروووعه
اهنئك من أعماق قلبي على ما تقدمه من إبداع وتميز.
لاعدمناك ولاعدمنا بوووحــــــك
تقبل مروري واعجابي بالقصيده
تحياتي

اخوي نياف صح السانك مليارات

امتعتنا الله يمتعك بالصحه

أعجز عن وصف مثل هالرائعه

تقبل مروري...وتحياتي وتقديري

الحمد لله يوم ربي خلقني=عتيبيً من برقا بني عمنا روق
لطامة العايل بيوم التجنّي=ذباحة الحايل وحماية النوق
ومادمت أنا عتيبي مانيب أمتمني=يكفي الأسم اللي رفع روسنا فوق

كلمات اعجبتني

اهنئك لتميز ماكتبت ويستحق تميزه بجداره


فلا تحرمنا من كلماتك الذهبيه

أحسنت أخي العزيز/نياف العتيبي أحسن الله إليك

شكرا لك سيدي الكريم على إتحافنا بهذه الرائعة جدا

صح لسانك ، وبيض الله وجهك ، ولا فض الله فاك

وما شاء الله على توارد الخواطر بيني وبينك يانياف

فمن ( جروح .. وجروح ) إلى ( الجرح النايف )

وكلها تتكلم حول موضوع واحد هو الجرح وتأثيره

دمت بسلام وسعادة وحب وألق أيها الأخ العزيز