من شمسها طاحت لما صبحها بان=وبقيت لين اضحى بها كل ضاحي
اقرا بيوتٍ صاغها هجس حوران=يلزم لها فيما نحت له ايضاحي
المفرده تنعشك والبيت مليان=عمس الدماغ ان سمعها قام صاحي
قاف المطيري بالمطوع سليمان=منها تذكرته عقب كان ناحي
والحب في كل المذاهب والاديان=في مجمله للكل حقٍ مباحي
بحاله يجوز وفي كذا حاله ايدان=والله يقدينا لدرب الفلاحي
موجز فقط من شايبٍ منك عجبان=ووده يردد معك ليحان لاحي

قاف المغني طعمه احلى من التوت=يبي مردي او عسى ما يبيني
شاعر وقلبه من طغى البعد مبهوت=يشكي سباريتٍ نحت بالجنيني
خوفٍ على قلبٍ من الوجد مبهوت=صاحي حنين وفي منامه ونيني
يدعي على اهل الاختراعات بالموت=بعد كشفوا ما يضمره بالطنيني