نجلا ترا المهره بحاجة تعاليل=بقسم النساء مايسمح ادخل عليها
خليك معها بالشتا يرهق الليل=واشري ريوق الصبح بدري واجيها
الهجس يرفض لايجيب التماثيل=حتى القريحه هالمسا لك عليها

ياقلب لو حسيت منهم بسفهان=اصبر شوي ولك تبين الحقيقه
الوقت والاشغال وظروف الانسان=في غالب الاحيان يمكن تعيقه
وراك ماتاثق بمدعوج الاعيان=وعلاقته بك من عرفته وثيقه
ماطقت صبر ولاتمنيت نسيان=وتعاتبه وتحاسبه بالدقيقه
لاراضيٍ مره ولاحيل زعلان=امعصب ومشاعرك مستفيقه

صباح الخير يالمهره بسجن المفرده والقاف=وصباح الورد واليشموم زواره ورواده
رواسينا اختفوا مره لامن سمع لامن شاف=بعضهم له عوايد والبعض ماهي لهم عاده
ماهلينا عليهم دمعنا لعل ماش اخلاف=وقهوتنا حلا من بعدهم ما جاتنا ساده
لكن البحر هز الجيلبوت وتعَّب الجداف=وانا ما اقدر على موج البحر لازاد بعناده