حنا عرب نرزح تحت ذله وعار = وأفعالنا حبر وورق شجب تنديد
حكامنا لجل العرب دايم صغار = يروعهم من أحقر الخلق تهديد
مافيهم اللي بالفعل ياخذ الثار = إلا بأمرٍ فيه ريبه وتحديد
ياسوريا عذرآ على كل ماصار = كل العرب تحتاج وقفه وتجديد

تسبقني الشهوه على صوته البح = وأصيح له ياصوت خذني لعينه
خذني لمن بالود والعشق ماشح = مشتاق للي سقت عمري لزينه

تعال ولا روح وش عاد باقي = فالحالتين الروح غصبٍ لك تروح
يلي بفقدك والوجود إحتراقي = قد مت فيك وقلت يازين مسموح

ماهمني منهو بهرجه ضلمني = ولاهمني من باع عشقي ولا آوفاه
هذاك من طيبي ترا ماحرمني = وهذاك ماأوجع قلب بالصدق يرفاه

البارحه فيه أفكر كيف آنا أفكر =ولقيت وضعي يعاكس حيل تفكيري
كم مرةٍ باب وده ودي أسكر =وألقاني أطق بابه في مشاويري

أعشق بطيب وفارق بطيب يافلان = هذا ترا فعل النفوس النقيه
بالطيب لك عِزه ولك هيبه وشان = ولا الردى منبوذ بين البريه