مسخيت بك رغم العنـا والخسـاره=يلى على عرش المواليـف سلطـان
يامـا سريتـك حلـم بيـدي فنـاره=يشعل قناديل الامـل حـس هيمـان
ورخصت لك قلـبٍ بـراه إنتظـاره=واقول لـك لبيـه لوكنـت غلطـان
وأمازحك في لطـف كلـه طهـاره=أحساس صادق مايبي حلف وايمـان
وياما رسمتك شعر فـي كـل تـاره=أشبهـك بالـديـم لأَهــل هـتـان
هتان يحيي قـاع ممحـل خضـاره=صوت المطر في خدها همس خـلان
واليوم بـان الهجـر شنيـت غـاره=خليتني مع ساجـع الـورق غرقـان
قطعت حبل الوصـل ماهـي نـداره=معادلك في صـادق الـود عرفـان
بان الجفـا والحـب بـان إندثـاره=مانالني عقب الوصل غيـر هجـران
ياعونـت الله تحسبنهـا شـطـاره=عقب الموده صرت جاحـد وخـوان
ماعادبـي والشـوق قفـا نـهـاره=ساحت معاني الشوق في قلب تعبـان
حتـى الشعـر مابيـه جعلـه وداره=معادلي في بـدع الأشعـار سلـوان
أما يجيـك القـاف ينطـق وقـاره=والا بلاش الشعر من غيـر وجـدان
حتى الغـرام إللـي تعنـت قـراره=مابيه لو ليلي على ألكـوع سهـران
مشكاي لله في الحشـا شـب نـاره=جدد جروحي وانصهر صوت الألحان
وهـذا الأمـل قفـا وغيـر مسـاره=ولاني على بعده من الشـوق ولهـان
والقلـب دوت صرختـه وانكسـاره=طفت اشموعه وبتدى ليـل الأحـزان
ياقلب وان حسيت بعـض المـراره=خلك علـى ملـواك والسـر كتمـان
حتى الزمـان إللـي تعـلا مـداره=نصبر ويرجع والعـزا دار ووطـان
ياقلـب قـدري ماتضعضـع منـاره=وإللي نشدني قلـت بالحيـل نسيـان
أتلى الزمـان إللـي مثـور غبـاره=لابد ما يَسكُن وتخضـر الأَ غصـان
وان لـذت بالله فالمـعـزه بــداره=وطلب كريم المد في كـل مـا كـان
الواحـد المعبـود يسعـد جــواره=في مدته يرجح علـى كـل ميـزان
كلن رجاه وطامعٍ في عمـاره=واللي رجا غيره بلا شـك خسـران
حتى الشيوخ اللـي تعلـى الامـاره=تجود من فضلـه وتطلبـه غفـران
وصلاة ربـي عـد رمـل الزبـاره=على النبي المختار من نسل عدنـان