عبدالله بن طلال
12-04-2015, 10:50 PM
السلام عليكم
سعد بن حسين المرشدي :
اليا انتصف ليلي بدعت الطواريق=من حر مابي ساهر الليل كله
اسهر وهمي مرتكي كنه طويق=والصدر ضاق وفايحٍ فوح دله
ماودي ابدي ما جرا للمخاليق=لكن سدي باح والهم عله
بلاي من غرواٍ سطا فالمعاليق=وبالعين حفظه والحشا منزل ٍ له
شوفه يذكرني بعال الشواهيق=اللي على المكسور يصعب رقاً له
والا يذكرني على فكة الريق=دموع عودٍ شاف بكره يذله
والا كما طفلٍ حياته على الضيق=يبي حنان الام ولا حصل له
وانا وخلي ما اجمعتنا التوافيق=الوقت فرق بين خلٍ وخله
عشنا المحبه بالعهد والمواثيق=على النقا حبٍ شريفٍ ندله
والشاهد الله ماش كذب وتلافيق=على المحبه والوعد مخلصٍ له
ماهوب حبٍ عايشينه مطافيق=حبٍ على غير الشرف مرتعٍ له
كلن يتوب اعن الهوى ياعشاشيق=واللي يتوب اعن الهوى فرصٍ له
مادام تال الحب درب التفاريق=عش مستريح البال والحب خله
انا :
الحرّ الاشقر لو يتل المسابيق = يلقى محاصيله ودربه يدلّه
يابو حسين الحب جمعاء وتفريق = اصبر لعلّ الامر ليت و لعلّه
إسهر على المركاء وصفر الغرانيق = دلّه تبهرها وغوري تزلّه
وإشلع مثل شلع التورندو مع الميق = شيءٍ تزوزي به وشيءٍ تهلّه
ودام الهوى عِذري بشرع المطاليق = مالك خصيم بكل مذهب وملّه
ماهو مثل حب الخبول المدانيق = اللي هواهم من صنوف المذلّه
و سرّ الغلا يالمرشدي له صناديق = احذر مقاريد الاوادم تدلّه
خلّه حبيسٍ بالظلوع المغاليق = لين ان ربي يكتب الرزق كلّه
ربّك كريم وعالمٍ بالمخاليق = والرب ما يبخل على العبد لله
سعد بن حسين المرشدي :
اليا انتصف ليلي بدعت الطواريق=من حر مابي ساهر الليل كله
اسهر وهمي مرتكي كنه طويق=والصدر ضاق وفايحٍ فوح دله
ماودي ابدي ما جرا للمخاليق=لكن سدي باح والهم عله
بلاي من غرواٍ سطا فالمعاليق=وبالعين حفظه والحشا منزل ٍ له
شوفه يذكرني بعال الشواهيق=اللي على المكسور يصعب رقاً له
والا يذكرني على فكة الريق=دموع عودٍ شاف بكره يذله
والا كما طفلٍ حياته على الضيق=يبي حنان الام ولا حصل له
وانا وخلي ما اجمعتنا التوافيق=الوقت فرق بين خلٍ وخله
عشنا المحبه بالعهد والمواثيق=على النقا حبٍ شريفٍ ندله
والشاهد الله ماش كذب وتلافيق=على المحبه والوعد مخلصٍ له
ماهوب حبٍ عايشينه مطافيق=حبٍ على غير الشرف مرتعٍ له
كلن يتوب اعن الهوى ياعشاشيق=واللي يتوب اعن الهوى فرصٍ له
مادام تال الحب درب التفاريق=عش مستريح البال والحب خله
انا :
الحرّ الاشقر لو يتل المسابيق = يلقى محاصيله ودربه يدلّه
يابو حسين الحب جمعاء وتفريق = اصبر لعلّ الامر ليت و لعلّه
إسهر على المركاء وصفر الغرانيق = دلّه تبهرها وغوري تزلّه
وإشلع مثل شلع التورندو مع الميق = شيءٍ تزوزي به وشيءٍ تهلّه
ودام الهوى عِذري بشرع المطاليق = مالك خصيم بكل مذهب وملّه
ماهو مثل حب الخبول المدانيق = اللي هواهم من صنوف المذلّه
و سرّ الغلا يالمرشدي له صناديق = احذر مقاريد الاوادم تدلّه
خلّه حبيسٍ بالظلوع المغاليق = لين ان ربي يكتب الرزق كلّه
ربّك كريم وعالمٍ بالمخاليق = والرب ما يبخل على العبد لله