سامي الرقيب
26-02-2009, 10:42 PM
السلام عليكم ورحمة الله وبركاته
اقدم اليكم هذه القصيده واتمنى ان تشفع لي على فترة الغياب الماضيه
ولكم التحيه ودمتم بود
البارحه يا هلي في مرقدي مع فج الاسحار = لِفتني الشارده والشارده نعم الخويه
ناظرة فيها وقالة قوم نبغى نروح مشوار = قلتلها وين قالت ودنا نرقى طميه
قلتلها الصبح قرب والعرب قصاصة آثار = قالت وربي لردك قبل يوف الصبح ضيه
وسارة بي الشارده تعدي بنا في درب الاخطار = وانا اتهيض وهي تذرف مدامعها عليه
في خطوةٍ وحده تقطع بنا ميات الامتار = ارمشة فالسر وليني ورى شعب الحويه
وقامة تزيد الخطى وتقول الي يا نسل الاحرار = جود لجامي وخل الشعر ما لِه قابليه
واذا وصلنا طميه هات الي جزلات الاشعار = والحين جود لجامي قدمنا ناسٍ رديه
وسارة بي بدار قومٍ ما سمعة ابهم فـ الاخبار = ما باقي الا منازلهم به الدنيا خليه
وقابلة في طرقتي ثلاثة رجالٍ لهم شار = والكِل منهم يقول انه ما به مخلوق زيه
الاول ايقول انا لِك في زمانك شِعلة النار = هيا معي حالف انك تحكم اهل الجاهليه
والثاني ايقول لا تمشي معه وتقل مقدار = هيا معي يالرقيب ولا على مثلك خفيه
والثالث ابدى السلام وقال الي وش فيك محتار = ما منهم الي على تقوى ولا يعصى نبيه
لاكِن روح فسبيلك يمكن تلاقي لك اخيار = وقفية عنهم وشوف الشارده ما هي رضيه
ونشدة يالشارده وش تخفي ايامي من اسرار = قالت على الهون يا سامي ترى رجلك حفيه
احسب خطاوي رجولك واعرف ان الرجل لو سار = مية سنه في حياته تصبح احلامه نديه
لاكنك بغلطةٍ وحده يصيبك هم وهذار = وتعيش عمرك بسبة غلطتك حالك شقيه
وناظرة فالشارده والشارده ساقة لي انظار = وقلتلها وش مصير الي وقع في ذا البليه
قالت جميع الذي تحمله يا ذا الشاعر اسفار = ورقية قمة طميه مرقبٍ ما هو بعيه
وشبية ناري عساها فالزمن تكون تذكار = وسوية الي قهوةٍ نقيتها بيدي نقيه
والشارده عن يميني قد حدتها النار ليسار = حتى ايش لو هي توارى عن لهب نارٍ لظيه
وقامة هجوسي توارد مثل مورد غزر الامطار = على الغزال الذي يمين برج الفيصليه
يا مالِك الفيصليه قول الي وش له ذا الانوار = وانت القمر عن يمينك جاك من ربي هديه
بنشدك يا برج يمكن جات الك تبحث عن سوار = ولا تبى عطر لا والله تجيك الا لذِيه
العطر فيها ومنها يا عرب وخدودها ازهار = وهي غزاله وفيها المسك من ربي عطيه
انشد جميع القبايل عنها واحدد الدار = واخص الآد السعود الي على القاله وفيه
وربعي عتيبه وشمر والحروب ان كان حظار = وقحطان ومطير والغلبا قبل يوم المنيه
وآل الرشيد وبني وايل ومره واضرب الطار = مع البقوم وجيهنه والدواسر عن بنيه
يا من يجيني بها من قبل ياتي قصف الاعمار = واعطيه ما تملكه في هذي الدنيا يديه
ويا من يقلي وش اتلا اخبارها في وقت غدار = في وقت فيه النوايا تفترق مليون نيه
والله ماني من اهل الشر واتبع قوم الاشرار = وما هي من اهل الفتن مصيونةٍ ما هي بغيه
لاكن غلاها بقلبي يرتفع مع رفع الاسعار = ولالي على فراقها حيله ولا لي مقدريه
اما اوصلوني مرادي يا عرب قبل ادخل شهار = ولا اقتلوني مسامحكم ولا نحتاج دِيه
ترى فراق الحبايب مثل بركانٍ ليا ثار = لو هو هدى الصبح ترجع ثورته وقت العشيه
يجتث قلبي مع عروقه مثل سربٍ ليا طار = يطير فـ الجو مبعد عن حمى ظلوعٍ حنيه
لا وا وجودي وجود الي غرق في غزر الابحار = في ليلةٍ موجها يسمع من الشاطي حتيه
سمعو صراخه من الشاطي وقالوا صوت تجار = فرَحة نهاية سفرهم طبعهم دايم كذيه
في ظلمة الليل يصرخ فالبحر ويقول يا جار = عليك مني امانه لا يجي لاهلي اذيه
حتى غشاه البحر والموج فوقه عشرة ادوار = محدٍ درابه وروحه في حمى رب البريه
اخوكم / سامي الرقيب
اقدم اليكم هذه القصيده واتمنى ان تشفع لي على فترة الغياب الماضيه
ولكم التحيه ودمتم بود
البارحه يا هلي في مرقدي مع فج الاسحار = لِفتني الشارده والشارده نعم الخويه
ناظرة فيها وقالة قوم نبغى نروح مشوار = قلتلها وين قالت ودنا نرقى طميه
قلتلها الصبح قرب والعرب قصاصة آثار = قالت وربي لردك قبل يوف الصبح ضيه
وسارة بي الشارده تعدي بنا في درب الاخطار = وانا اتهيض وهي تذرف مدامعها عليه
في خطوةٍ وحده تقطع بنا ميات الامتار = ارمشة فالسر وليني ورى شعب الحويه
وقامة تزيد الخطى وتقول الي يا نسل الاحرار = جود لجامي وخل الشعر ما لِه قابليه
واذا وصلنا طميه هات الي جزلات الاشعار = والحين جود لجامي قدمنا ناسٍ رديه
وسارة بي بدار قومٍ ما سمعة ابهم فـ الاخبار = ما باقي الا منازلهم به الدنيا خليه
وقابلة في طرقتي ثلاثة رجالٍ لهم شار = والكِل منهم يقول انه ما به مخلوق زيه
الاول ايقول انا لِك في زمانك شِعلة النار = هيا معي حالف انك تحكم اهل الجاهليه
والثاني ايقول لا تمشي معه وتقل مقدار = هيا معي يالرقيب ولا على مثلك خفيه
والثالث ابدى السلام وقال الي وش فيك محتار = ما منهم الي على تقوى ولا يعصى نبيه
لاكِن روح فسبيلك يمكن تلاقي لك اخيار = وقفية عنهم وشوف الشارده ما هي رضيه
ونشدة يالشارده وش تخفي ايامي من اسرار = قالت على الهون يا سامي ترى رجلك حفيه
احسب خطاوي رجولك واعرف ان الرجل لو سار = مية سنه في حياته تصبح احلامه نديه
لاكنك بغلطةٍ وحده يصيبك هم وهذار = وتعيش عمرك بسبة غلطتك حالك شقيه
وناظرة فالشارده والشارده ساقة لي انظار = وقلتلها وش مصير الي وقع في ذا البليه
قالت جميع الذي تحمله يا ذا الشاعر اسفار = ورقية قمة طميه مرقبٍ ما هو بعيه
وشبية ناري عساها فالزمن تكون تذكار = وسوية الي قهوةٍ نقيتها بيدي نقيه
والشارده عن يميني قد حدتها النار ليسار = حتى ايش لو هي توارى عن لهب نارٍ لظيه
وقامة هجوسي توارد مثل مورد غزر الامطار = على الغزال الذي يمين برج الفيصليه
يا مالِك الفيصليه قول الي وش له ذا الانوار = وانت القمر عن يمينك جاك من ربي هديه
بنشدك يا برج يمكن جات الك تبحث عن سوار = ولا تبى عطر لا والله تجيك الا لذِيه
العطر فيها ومنها يا عرب وخدودها ازهار = وهي غزاله وفيها المسك من ربي عطيه
انشد جميع القبايل عنها واحدد الدار = واخص الآد السعود الي على القاله وفيه
وربعي عتيبه وشمر والحروب ان كان حظار = وقحطان ومطير والغلبا قبل يوم المنيه
وآل الرشيد وبني وايل ومره واضرب الطار = مع البقوم وجيهنه والدواسر عن بنيه
يا من يجيني بها من قبل ياتي قصف الاعمار = واعطيه ما تملكه في هذي الدنيا يديه
ويا من يقلي وش اتلا اخبارها في وقت غدار = في وقت فيه النوايا تفترق مليون نيه
والله ماني من اهل الشر واتبع قوم الاشرار = وما هي من اهل الفتن مصيونةٍ ما هي بغيه
لاكن غلاها بقلبي يرتفع مع رفع الاسعار = ولالي على فراقها حيله ولا لي مقدريه
اما اوصلوني مرادي يا عرب قبل ادخل شهار = ولا اقتلوني مسامحكم ولا نحتاج دِيه
ترى فراق الحبايب مثل بركانٍ ليا ثار = لو هو هدى الصبح ترجع ثورته وقت العشيه
يجتث قلبي مع عروقه مثل سربٍ ليا طار = يطير فـ الجو مبعد عن حمى ظلوعٍ حنيه
لا وا وجودي وجود الي غرق في غزر الابحار = في ليلةٍ موجها يسمع من الشاطي حتيه
سمعو صراخه من الشاطي وقالوا صوت تجار = فرَحة نهاية سفرهم طبعهم دايم كذيه
في ظلمة الليل يصرخ فالبحر ويقول يا جار = عليك مني امانه لا يجي لاهلي اذيه
حتى غشاه البحر والموج فوقه عشرة ادوار = محدٍ درابه وروحه في حمى رب البريه
اخوكم / سامي الرقيب