** مقتطفــااااتـــي **(خاص) [الأرشيف] - شبكة رواسي نجد الأدبية

شاعرة نجد

02-02-2009, 08:48 PM

السلام عليكم ورحمة الله

أحبتي..لكل شاعر مقتطفات

تقل عن مسمى القصيده ولكن يجد فيها متذوق الشعر

مايروي ذاائقته..

هنا وعلى هذه الصفحه سأضع بعضا من مقتطفاتي

راجية أن تنال رضى زواري ومتابعيني الكراام

وبالتوفيق للجميع’,,

/

/

شاعرة نجد

02-02-2009, 08:51 PM

الشعر مجموعة أحاسيـس وشْعـور=من فيضها جفـت محابيـر الاقـلام
سحر(ن) على الصفحات للناس منثور=يجذب بْقوه..كلـه احسـاس وانغـام
تجيه والخاطر مـن الهـم مكسـور=وإلى قريت مْن اعذبه راااحت احـلام
راحت همومك وانشرح صدرك سْرور=اعلاج نفسي من قديمـات الاعـوام

شاعرة نجد

02-02-2009, 08:52 PM

ودّي أطقطق على الكيبورد واتْسلّى=عسانـي القـى معاكـم مايسلينـي
مره أجيكم سعيده وخاطـري فلّـى=ومره أجيكم ودمعي في طرف عيني
ياالله بشعر(ن) جزيلٍ يشفي العلّـى=عذبٍ يداوي خفوقـي والشرايينـي

شاعرة نجد

02-02-2009, 08:54 PM

عيني على الجوال لا ضـاق صـدري=لعـل ياتـي مـن طرفكـم رسـالـه
حدي افكر ليـش؟ وشلـون ؟مـدري=والمنتظـر يانـاس ياشيـن حـالـه
مَفْرق غروب الشمس من صبح فجري=ومـا يدْلَـه المشتـاق لوكثـر مالـه
يامـن يخبرنـي وهوياخـذ أجـري؟=عن غايب(ن)منيـة حياتـي وصالـه

شاعرة نجد

02-02-2009, 08:56 PM

أناقصيدي هو ونيسـي والدفاتـر والقلـم=لاضاق صدري جيتها وسميت بالله وابتديت
وبعثرت همي بالقلم واوجاع قلبـي والألـم=وبديت ارتّبهاعلى هيئةقصيده بيـت بيـت

شاعرة نجد

02-02-2009, 08:57 PM

يحسب إنه لاهجرني ضاقـت الدنيـا علـي=مادرى ان كثر الجفا من حضرته يجبر عزاي
والله إني لو بغيـت أجرجـره مثـل الطلـي=بس أشوفه مايناسب لي ولا مـن مستـواي

شاعرة نجد

05-02-2009, 10:12 PM

إلى غاااب عني كنّها غاابت الشمـس=الليـل عنـدي والنهااار..امتسـاوي
حليلي اللي كل هرجـه معـي همـس=أشفق عليـه وُهـو عليه..شفـااوي
هذا وهُو ما غاااب عن عيني الا أمس=أنا أشهد إن ماااني على البعد قاااوي

شاعرة نجد

05-02-2009, 10:14 PM

مركب غرامك لا على الموج رده=احذر عليه الى اصبح الموج عالي
لاتقابل المقبـل بوجـه المصـده=ولاتطرد المقفي ولوكـان غالـي

شاعرة نجد

05-02-2009, 10:17 PM

سماي وكوكبي وانـواار ليلـي=وهوى نفسي وروحي وانتعاشي
أعدّ الوقـت وانتظـره يجيلـي=على وضح النقا مابه تخاشـي

شاعرة نجد

05-02-2009, 10:22 PM

http://www.up07.com/up8/uploads/d332778092.jpg

أعزائي..التقطت لكم هذه الصوره من جوالي

لأمطار وسيول وجو ممتع يثير البوح..في 6/11/1429ه

أنا أشهد إن شوف المطر يطرب الروح=علـى أول الوسمـي جديـد بكـوره
السيـل والغـدران والبـارق يلـوح=يكفي عن التعليق شكـلا وصـورهـ

شاعرة نجد

05-02-2009, 10:24 PM

أرامكو... عيّـت علينـا ...الاجـازه=والشوق ماااله في رصيـده ولايـوم
عزي لمن لـهْ عنـد الانْـذال عـازه=حتى لو..انّهْ شيخ!!عاجـز ومحكـوم
ورضيت غصب وْجاني العلـم طـازه=وماصار لي في شوف أهل نجد مقسوم

شاعرة نجد

08-02-2009, 02:28 PM

ياطير من فضلك تشيل الرسالـه؟=ما انسى جميلك لو تجملت ياطيـر
وابشر ..ابعزّك ماتضيع الجمالـه=بس أنت ساعدني..وابشّرك بالخير

شاعرة نجد

08-02-2009, 02:30 PM

ليل الشتاء بالذااات غير الليالـي=الله يامحـلاه يامَطْوَلْ..اللـيـل
يعطي خفوقي لاتهيّـض مجالـي=أكتب,أغنّي,أسهره...أعْشقه حيل

شاعرة نجد

08-02-2009, 02:31 PM

الله واكبر على الأيام مـا اقساهـا=تقضي علينا وهي تضحك لياليهـا
كم شيخ قومٍ فنى عوده ولا احصاها=إنهدّ حيله ولا بان الشقـى فيهـا

شاعرة نجد

08-02-2009, 02:33 PM

أحب لحظات السكون..واكره حـدوث العاصفـه=وأحب لامـن السمـا زان وُ تراكـم بالسحـاب
وأحـب لامنّـي كتبـت الشعـر ماكُـنْ خايفـه=واطلق احبال احروف شعري ماخشيت مْن العتاب

شاعرة نجد

08-02-2009, 02:34 PM

ياصاحبي أغليك والناس يـدرون=على الشرف ماهوب خلف الستاره
دايم على كيفي وحاضر وممنـون=وأنا على كيفك ورهـن الاشـاره
كفي بكفـك بنتعاهـد ولانْخـون=ترى المواجه ياحبيبـي شطـاره
للود عند أهل الوفاء ذوق وفْنون=وانصار فيمن لا يَعَرْفـه خسـاره
وغلاي أنا وياك وافي ومضمـون=شامخ تربع فوق عرش الصـداره

شاعرة نجد

08-02-2009, 02:35 PM

الله.... ايسامحْـك وش جابـك تذكّرنـي؟=ذكـرى عزيـزه علـي واحَـاول انساهـا
نامـت عيونـك وانـا ليلـي مسهّـرنـي=وقعدت اقلّب.... احْروف الشعـر واقراهـا
واقـول لعـل شمـس الصبـح تظهرنـي=من هاجس(ن)شب( ف) اقصى الكبد وادناها

شاعرة نجد

08-02-2009, 02:36 PM

رااعي الربابـه لاجـزاك الله..ابخيـر=في (المختلف)..جريت عذب... اللحوني
وش جابني لك!!غير صدفـة مقاديـر=جنيت ....منها حر... دمـع العيونـي
والقلب الَقْشَر يخفق الشوق..من غيـر=والْحقْـت عالباقـي وزادت..احزونـي

شاعرة نجد

08-02-2009, 02:38 PM

نجووم...الليل ...ماينفع...انْبَـدّل؟=واجي..,مرّه...مكااانك... طاوعيني
عشان..اشووف..مَنْ..عيني..تودّه=لعلّ..النووم... يَنْجُوم......إيهَنِينِي
أحَسْبْ...اني...على الفرقى قويّـه=طَلَعْت أضْعَف من الطفل الحزينـي

شاعرة نجد

25-02-2009, 02:53 PM

سحابـةٍ مــرّت علـيّـه بلونـيـن=ياحلـو شوفتهـا تجيـب الطـرابـه
فاعْلى السما تمشي ولا ادري على وين=ياليتنـي أقـدر..واطـول السحـابـه
واكتب عليها مْن أعذب الشعر بيتيـن=للّـي علـي يفهـم رمـووز الكتابـه

شاعرة نجد

07-03-2009, 10:21 PM

غديت أنا وأرامكو..شبـه جـاراات=حسبـي عليها..كـثـر مالوّعتـنـي
خذت رفيق الدرب..لاقصى المسافااات=لاهـمـهـا حالي..ولاشـاورتـنـي
ولابقى لـي غيـر كَتْـبْ العبـاراات=وابيـات شعرٍ..لابغيـت أطربتـنـي

شاعرة نجد

26-03-2009, 05:36 PM

غصب(ن) عليه ياهَل الشرقيه=أعيش معكم رغم ماني هاوي
ربي كتبكم غصب مو بيديـه=والا خفوقي والهوى نجداوي

شاعرة نجد

26-03-2009, 05:37 PM

تيـار ساخـن لفحنـي ليلـة البـارح=لاعااااد ربي..... هبوبه يوم.... لافتني
ساقه علي القـدر بالمخلـب الجـارح=مشّخ جْدار الصدر واجْروحـه أدمتنـي

شاعرة نجد

26-03-2009, 05:39 PM

أحب الرجل في طبعه وذاتـه=اذا يجمع مع الطيب الحبابـه
وأحبه في شموخه واعتزازه=حكيم الراي له شان ومهابه
وأحب البحر في جزره ومده=على وقت الغروب الليل جابه
وأحب الشعر وأحب أمسياته=إذا الإلقاء يسري كالربابـه
وأحب الورد وأحب الطبيعـه=وأحب الجو إذا أقتم سحابـه
وأحب السر بين اثنين يبقى=وأحب الله وأخشى من عقابه

شاعرة نجد

26-03-2009, 05:40 PM

شعوري كان تسأل فـي غيابـك=شعور الشوووق واللهفه شعوري
تَحَسْب القلـب دالـه مادرابـك=وربي في عشاي وفي فطـوري
إذا ما الشوق والهاجوس جابـك=أنا من بيت أبوي أجيـك ازوري

شاعرة نجد

26-03-2009, 05:41 PM

يالحمام الزاجل انقللي رسالـه=يااااافديتك يالحمام انقل خبرها
خذ قصيدي لا وصلته عند بيته=ذكره ببيات شعري وانذكرهـا
وإنشد أبياتي على صوتك بلحنٍ=مثل نغمات الوتر يطرب سمرها

شاعرة نجد

02-04-2009, 12:12 PM

سحابٍ علينا..كن شوف القنوف..اجبال=يسر النظـر شوفـة قْنوفه..مزابيـري
عسى الوالي اللي كوّنه..يرسلـه همّـال=علـى دار شيخٍٍ..مَدهـلٍٍ للمناعـيـري
وتْسيل المزاارع..وأسمع اللي يسر الحال=عن عْلومهم لامـن لفونـا المساييـري

شاعرة نجد

11-04-2009, 01:10 PM

مانخيتك من عطاني إيـاك ربـي يالقصيـد=غير ماترمي الشماغ..ءوتقول ارقي سنـود
ياونيسـي ياجليسي..تـرى دربـي بعـيـد=أسرج خيولك..سرينا ولا تخشـى الرْقـود
لاتهاب ءمن المسافه..ولا الدرب الجديـد=مع بـراد الليل..لوطـال يقصـر مايـزود
وأنت عبّر عن شعوري..وأنا أفعل ماتريـد=واخذني لو فـي خيالك..مـعَ ذيـك النفـود
أخـذنـي فــرّج هْمومي..ولوماتستفـيـد=تكسب أجري..لاتغـرّك سواليـف الحسـود
أخذني لو صار دربي مـن أشواك..وجليـد=لا اهتوى قلبي..غدى الشوك في دربي ورود
أخذني واسترسل القاف..وارسـل عالبريـد=وانثر حْروفي كذا...مانبـي فيهـا قيـود!!
خلها تسـري مـع الليل..والخاطـر سعيـد=عـلّ قلبـي ينتعش..لوتعديـت الْـحـدود

شاعرة نجد

11-04-2009, 01:17 PM

عزي لمن مثلي عْيونه سهيـره=والكل يسهر بس أنا سهرتي غير
ياسعد منهو راضيٍ في مصيـره=مرتاح من كثر العنـا والتفاكيـر
ماشاله الهاجوس في كـل ديـره=عايش حياته داله البال وبْخيـر
يالله عسى في كل الاحوال خيره=عطفك ولطفك ياحسين التدابيـر
(عيني بصيره بس يدّي قصيره)=وهذا المثل له في حياتي تعابيـر

شاعرة نجد

19-05-2009, 10:27 PM

أنا اللي في حروفي والمعاني من سـواد الليـل=واجامل والخفايا في صميـم القلـب مستـوره
وأنا اللي كل ماهب الهـوى زوّد علـي الكيـل=ولاطفني وقال بهمس صوت الحزن! معـذوره
وأنا اللي لاتهيض خاطري جتك القصايد سيـل=يحوّل بالحجر..حتى الشجر ويقشّـع جْـذورهـ
أنا اللي من قوافيها يطيـب الكيـف والتعليـل=ورود الفل والجوري على القيفـان منثـورهـ
أنا اللي حطها الله شاعره..هذا عـذاب الحيـل=الا ياليتنـي شاعر..يعبّـر صـادق شْـعـوره
أنا اللي ودي أكتب..بس أخاف القال واهل القيل=أخاف اللي على التحريف مفتونه ومسعـورهـ

شاعرة نجد

08-06-2009, 07:50 PM

هيضتني ياعناي أمس العصر قمريه=حركت كل المشاعر واوقدت نيرانـي
ليتها تسمع صداي وتحْفـظ القافيّـه=وتنقل لمحبوب قلبي لهفة الوجدانـي
توصل النيل وُتَغَنّا من صداي اشويّه=ياعسى بالماريوت يسمع جديد ألحاني

شاعرة نجد

08-06-2009, 07:51 PM

الليل لامـن سـرى كنّـه ينادينـي=وأنا مع الليل لي ديـره وعنوانـي
أبعثر حْروف وجداني على ايدينـي=في ظلمته سرّ في تجديـد الالحانـي
مدري وش اللي على ذالوقت حاديني=مدري عشان المسـا والا علشانـي
وان جيت بقصر حشا ماعاد يمديني=سرت حْروفي مع العتمـه تحدانـي

شاعرة نجد

01-04-2010, 12:33 PM

http://blogs-static.maktoob.com/userFiles/h/e/heba_alagha/images/dsc01514.jpg

يابحر لاتغري عْيونـي بالامـواج=وأغرق وأنا ما اجيد فن السباحـه
أحتاج لك من ماضي الوقت واحتاج=ل.هدير موجك في خفوقي مساحه
مالي عن الضيقه ولا الهم مخـراج=وألقى عليك العصر لاجيت راحـه
معظم قصيدي يابحر طـي الادراج=الا على جالـك حْرووفـي مباحـه
أفرح إلى ماشفت حولك حد(ن) داج=ماحولي الا الطير يكفـخ جناحـه
عشان أغني دون منقود واحـراج=واجر مبدأ القاف واطلق سراحـه

شاعرة نجد

16-05-2010, 12:53 PM

كانـك نويـت القطاعـه لاتعلمـنـي=أبنتظر لو حَرَقنـي وااهـج الأنتظـار
شفتـك وأنـا فـي منامي(يُم)تكلمنـي=وتقول يوم الودااع المر يابنـت صـار
أجحد شعـوري وأنـا قلبـي مْألمنـي=يْخاف يمشي به التيار عكس المسـار
وأشره على الوقت وأعْتب ليش ظالمني=والفكر شغال مايرتـاح ليـل ونهـار

شاعرة نجد

16-05-2010, 12:55 PM

عطني طرف حبل القضيه ويكفـي=وأنا عليه أبني صحيـح المعانـي
أبي الجواب اللي عن الشك يشفـي=جاني مـن التّمويـه ماهوكفانـي
مرات أقول أشتلت حتفـي بكتفـي=وأنا سبب مـادار حولـي وجانـي
ياكثـر ماجـوّي يغبّـر ويصفـي=عايشت طقسه لو لهيبـه شوانـي
وياكثر مالحاجب رقص لي ورفـي=وياكثر ماهوجـاس قلبـي خذانـي
ومرات أقول الوصف ماهوب وصفي=يمكن فهمته غير والقصـد ثانـي!

شاعرة نجد

16-05-2010, 12:57 PM

الا ياعيوني لاسهرتي لتالـي الليـل=تعلّي على سطح القمر فووق واخْذيني
خذيني ولو لحظات باعيش بالتمثيـل=لو أني مااحب الزيف تكفين ياعينـي
أنا مجهده ماعاد باقي بروحي حيـل=ولا أدري على وين المقادير ترمينـي
تحداني أفكاري وتصهل صهيل الخيل=وتْعاهد على ميـدان همـي تودينـي

شاعرة نجد

16-05-2010, 12:58 PM

يقولون نجد سْيولها تضرب الجيلان=عسى يختلط من رجعها لون زاهرها
أتابع عْلووم أمطارها وأنشد العربان=شعاني عليها الشوق لازاد ماطرها
بعيده ولكن في رجى مدّة الرحمـن=يعجّل علي بشوف نجد ومناظرهـا

الاجوديه

16-05-2010, 01:18 PM

شاعرة العالم كله لاهنتي بيض الله وجهك

ارويتنا باشعارك الفاتنه بجمالها الاخاذ
لله درك

شاعرة نجد

17-06-2010, 12:19 AM

أحْسب الليل وظلامه يستـر حْـروف القوافـي=وأحْسب أن السيل لانحى ما أحـدٍ يقـدر يـرده
وأحسب أن الجسم دايم في نشاطـه وامتعافـي=وأحسب أن راعي الوفاء مهما حصل ماباح سده
لين شفت النور ظاهر وأحسب أن الجفن غافي!=وشفت حتى السيل حطوا له جْسورٍ مستجـده!
وشفت تنقيب ورقابه,وشفت نيـران ومطافـي=وشفت بعض الناس يلبس ملبسٍ ماهوب قـده!
وشفت حرفي يُم تعلّـى والله أعلـم بالخوافـي=والصحيح يصح والباطـل عليـه الله يهـده!!

شاعرة نجد

22-06-2010, 02:09 PM

شاعرة العالم كله لاهنتي بيض الله وجهك

ارويتنا باشعارك الفاتنه بجمالها الاخاذ
لله درك

تسلمين ولاهنتي فديت روحك

شكري لحضورك العطر’,,

شاعرة نجد

22-06-2010, 02:10 PM

يقول غني لي مـن الشعـر مادمـت=غالي عليـك وتفرحيـن بحضـوري
غني وأنا ب/أسمـع ولـو ماتكلمـت=رذراذ حرفـك تنتشـي بـه زهـوري
و هيبة شموخه تفرض العقل والصمت=والقـاف عيّـى لا يعبّـر شـعـوري
ودي أغنـي لـه ولكـن تلعثـمـت=مدري خجل,مـدري يكابـر غـروري
طبع ابدويـه مـن زمانـي تعلمـت=كتم المشاعـر لـو ثمنهـا سـروري

شاعرة نجد

06-07-2010, 03:12 PM

سريت أطرد هجوسي والقمر يشهد على مسراي=لقيت الهاجس اللـي ممتحنـي صـار يلعبّـي
تبلاني,تولاني,وشتتـنـي عـلـى عمـيـاي=هلكني واتلَف أعصابي,ولاحصّلـت لـه طبّـي
أحَسْب أني على نور القمر لامن وزنت اخطاي=تسهّل دربي اللي للأسف معْـهْ الهـوى هبّـي
عواصف تحجب الرؤيه,وليلي طال يامشكـاي=غريقه وان طلبت العون,ما اطلب غير مـن ربّـي

شاعرة نجد

06-07-2010, 03:13 PM

ياحروف الشعر روحـي علميـه=ويش كان و ويش كنا واسمعـي
سافري له فـي منامـه قوميـه=قولي أصحا,واستعد اسهر معـي
علميـه الليـل طـال وفهميـه=وش ورى ذيك السحابه؟وأسرعي
وان صحى فالحال والا ودعيـه=قولي أحلامك سعيـده وارجعـي
الخيال اللي مْعذّبنـي مـا ابيـه=كيف صوّر لـي وغيّـر واقعـي
أبدع الأبيات واكتب ما اشتهيـه=وابني أحلامي وأدشّـن موقعـي

شاعرة نجد

08-08-2010, 06:10 PM

تمر الليالي كنـّها البرق يامنصور=ولا كن حنا يوم!رحنا ولاجينا
دقايق وساعات وليالي وبعض شْهور=وكن البواخر ماتعدت موانينا
غريب الزمن يالهفة الخاطر المكسور=يسيطر علينا مانشد عن شهاوينا

شاعرة نجد

13-08-2010, 12:50 AM

كان تسأل عن عْلومي في غيابك=ماتسر الحال ف/غيابك عْلومـي
لاتهيضنـي ولاترسـل جوابـك=ليتها ف/إيدي وأوزعها همومـي
مره أوصل مع خيالي عند بابـك=واتعلّى في سماك امْع النجومـي
ومره أنهر خافقي لامن حكابـك=واجحد دْموعي ولو تغرق كْمومي

شاعرة نجد

13-08-2010, 12:54 AM

محتاجتك يابوي واللي خلقني=ماغبت عن عيني ولايوم يابوي
عقبك عشقت الحزن مدري عشقني=يشكي لك الوجدان لو مانطق فوي

شاعرة نجد

13-08-2010, 12:56 AM

تخيّل خيالي والخيال الرهيف امباح=خذاني وانا غمضت واسهب وسافربي
خذاني وأنا في مرقدي والبدن مرتاح=يمينه تيامن بي والاخرى تياسربي
معه زولٍ أشغلني لمحته وبرقه لاح=على سطح مظلم جاب حسه هوى الغربي
يقول ألحقي عمرك وأنا قاصدك نصاح=بـ أشيل الذنوب وسايريني على دربي
وأخافه يوهقني وسيف الغدر ذباح=ويخْـلِي سبيله لاطريقي تعثّربي
خيالي تخلوابي وأنا كل ليلي راح=لانومٍ تهنيته ولاطاب لي شربي

شاعرة نجد

22-08-2010, 02:09 AM

عسى الضيقه اللي كل ماقلت راحت جات=تروّح مراح مقيط يوم ألحقوه رْشاه
علشان عيني لابغيت المبيت تبات=وعلشان يسلى خاطري عقب كثر الآه
بلعت وكفاني ماوصلني من الوجعات=عسى الله يفرج ضيقةٍ ف/الحشا تصلاه

شاعرة نجد

22-08-2010, 02:10 AM

صندووق صدري فيه مليون حاجه=واللي خلقني م/أحدٍ شاف وشفيه
أشعل على كيفي فتيلة سْراجه=واقرأ لوحدي وأتأمل خوافيه
مرات تسعدني رواقة مزاجه=ومرات يبكيني عسى الله يجازيه

شاعرة نجد

22-08-2010, 02:16 AM

ليت المنبه ماصحابي من النوم=ياليتني ماسمعْت صوت المنبه
ماصار لي في لذة الحلم مقسوم=الله على ذا الحظ ربي وربه
حتى من الأحلام متعس ومحروم=دايم معاصير القراده تهبه
حلفت لو لانمت م/أصحى ولا أقوم=ماعاد أركد عند رااسي منبه

شاعرة نجد

23-08-2010, 02:26 AM

ياليل أنا في داخل الصدر ضيقه=ليتك تفرّج لي من الضيق ياليل
حتى زرار الثوب ماعاد أطيقه=لاصرت ساهر خلها لي تساهيل

شاعرة نجد

23-08-2010, 03:01 AM

نورٍ لمحته يوم شعشع بريقه=وشلون جاا صدفه بوقت التعاليل
لو القوافي للجروح العميقه=طب وشفا!ماكان صار البهاذيل

شاعرة نجد

23-08-2010, 02:08 PM

ياليل أنا في داخل الصدر ضيقه=ليتك تفرّج ضيقة الصدر ياليل
حتى زرار الثوب ماعاد أطيقـه=لاصرت ساهر خلها لي تساهيل
لو القوافي للجروح العميقه=طب وشفا!ماكان صار البهاذيل
باتت عيوني من حَزنـْها غريقه=بدموعها ماجفـّفتها المناديل
مافادني جزل القصيد ورقيقه=من مات ابوي ودمع عيني هماليل

شاعرة نجد

23-08-2010, 02:19 PM

تبكي عليه العين واشكـي فراقـه=من يوم قفى واذرف الدمع لا اليوم
ياكثر لهفـة خافقـي والشفاقـه=لشوفه ولو تحت النصايب ومردوم

:(

شاعرة نجد

27-08-2010, 01:14 AM

http://www.ibda3world.com/wp-content/uploads/2009/09/234943522_5ddf49f58b_b.jpg

لون الورود يغذي الروح ياسعود=لاضاق صدري حطني في حديقـه
مابي معي فيها ولاشخص موجود=ودي لحالـي لابغيـت الحقيقـه

شاعرة نجد

27-08-2010, 01:18 AM

بارك الله ف/القصيد وف/القلم لاضاق صـدري=يشرح الخاطر وهذي حيلتي واقصى جهـودي
وأن كشفني حرف شعري واسألوني قلت مدري=والا من نسج الخيال وضاع من يبحث سْدودي

تقوى الهجر

27-08-2010, 03:19 AM

يعطيكي الف عافيه وصح لسانك اعجبني ماكتبتي وراقني جداً
تقبلي مروري

شاعرة نجد

28-08-2010, 11:04 PM

تقوى الهجر

عافاك الله,سعدت بـ حضورك

وصح بدنك

وتسلم عـ المرور’,,

شاعرة نجد

28-08-2010, 11:11 PM

ياليتني قارية فنجال=واقرأ من القلب فنجالي
واسابق الوقت كان أحتال=حتى لو أني على فالي
وان كان ف/الغيب شرحة بال=لعبت مع قافي بْ/شالي
وغنيت من خافقي موال=يدله على حسّه الجالي
وأن كانها ضيقه وغربال=شكواي للعالم بْحالي

(أستغفر الله العظيم)

شاعرة نجد

05-09-2010, 08:55 PM

حلمٍ حلمت البارحه ماعجبني=حتى المفسر ماقدرت أتصل فيه
وتّر أعصابي ليين فقت ورهبني=ياليتني مانمت وأصبحت أحاتيه

شاعرة نجد

06-09-2010, 10:30 PM

دق الجرس في خافقي تالي الليـل=كدّر منامي واستهلّت حْروفـي
الله واكبر جاني أسرع من الخيـل=توقيت خاطىء مانشد عن ظروفي
يحمل مراسيل الشقى والغرابيـل=ويوقد مشاهيب الغضا وسط جوفي

شاعرة نجد

06-09-2010, 10:35 PM

على الله خلّها ياللي تقول الحال كيف الحال؟=سؤالك لاوصَلْني يافديتـك جـدّد جْروحـي
حراام أني على خبرك,واجاهد دمعي الهمّال=تمكّن حزن ابوي بْخافقي مـاوالله يْروحـي
عساني ياعساني لاوصلت لبيت أبوي أحتال=أرد دْمووع عيني عن حبايب قلبي وروحي

شاعرة نجد

07-09-2010, 11:32 PM

سافر حبيبي ياعسى الرب يرعاك=والله على جمر أنتظارك يعيني
ياحيلة الله كيف أ/بحتال فرقاك=وأنت الغذاا وأنت الهواء واكسجيني
عيني وعمري يامنى روحي فْداك=يابهجة أيامي وفرحة سْنيني
أنت الغلا وأنت الهوى وأنت لولاك=مابه على ذا الكون شيء ايعنيني
لو جت على مانشتهي رحت وياك=لكن حداني ماقصر عن يديني
أسمع صدى صوتي وأمانه لياجاك=جاوب ولو عن بُعد صوتك يجيني

شاعرة نجد

12-09-2010, 11:36 PM

http://bp0.blogger.com/_dO3KDIInJ5E/R91JUBj9bGI/AAAAAAAAB6Y/6hpr4mwtPaM/s400/44.jpg

على بوكيه الورد والعطر لافـاح=وشعاع شمس العيد والصبح بادي
أرسل عبارات التهاني والافـراح=لزوّاار ركني ولْحباايـب فـوادي

شاعرة نجد

05-10-2010, 09:44 PM

تظمى المشاعر من لواهيب الاشواق=لا لاعها اللاهوب جاعت وضميت
وأنا حرقني لاهب أشواقي إحراق=عن واقعي غطّى عيوني وعميت

وصايف

05-10-2010, 10:37 PM

رائع ما قرأت من مقتطفات

سلمت يدآك

الله يعطيك الف عافيه

شاعرة نجد

10-10-2010, 06:04 PM

الراائع حضورك وصايف

تسلمين وفديت روحك ولاعدمت متابعتك

ودي وتقديري’,,

شاعرة نجد

10-10-2010, 06:06 PM

العيون تنوب عن صمت الكلام=بس للي ماتحيّر في لغتها
نشرة أسراري وحزني والآلام=عانها في وسط عيني كاتبتها

شاعرة نجد

27-10-2010, 10:55 PM

http://www.cksu.com/vb/uploaded/34037/1281827849.jpg

القلم والدفتـر المليـان وحـروف القصيـده=والسهر ليل الشتاا لـو طـال كله,ماكفانـي!
والظـلام ورحلـة الأيـام واشيـاءٍ عديـده=غيّرتنـي وارهقتني,والبطـل فيهـا زمانـي
والهجوس اللي تسريني وهي مثلـي عنيـده=مادري وش حدها صوبي ولا أدري وش حداني
وش حداني للدروب اللي على مثلـي بعيـده=بعدها بعد القمر والشمس وسهيـل اليمانـي
داريه مانيب مـن رحلـة طريقـي مستفيـده=ياعسى يرجع بي الركبـان مافـات الأوانـي
والله اني تايهـه مابيـن أريـد ومـا أريـده=عزتي لي من غرور النفس كانـه ماهدانـي
أطلبه وأرجيه يحفظني وهـو حافـظ عبيـده=مارجيت ومادعيـت الا المعيـن المستعانـي

روح الورد

28-10-2010, 12:08 AM

استمري يالغلاا روووعه في كل اختياراتك
يعطيك الف عافيه

سجلي مروري من معجبين بكل كلاماتك

شاعرة نجد

24-11-2010, 12:25 PM

روح الورد

مرحبابك وتسلمين

مرورك ورد عزيزتي وعافاك الله

لاعدمت حضورك,’’

شاعرة نجد

24-11-2010, 12:29 PM

http://4.bp.blogspot.com/_Hrafq5tdLDw/Sfs58ypTtjI/AAAAAAAAAfg/dEw9jZGzEFQ/s320/sunset0418995005jq.jpg

فكرت في بكـره وبعـده وفكـرت=مدري وش اللي جاب الافكار صوبي
من كثر مافكرت ضقـت وتكـدرت=وتشعّبـت قـدام عينـي دروبـي
وألحَقت نفسـي الملامـه وكثـرت=حتى شكت لي من جحافة سْلوبـي
وأن قلت أنا حره,وفَطْنه,وسكـرت=دربٍ معاه السيـل جانـي جذوبـي
قامت قيامة خاطري غصب!واحترت=والشمس هرّف قرصهـا للغروبـي

شاعرة نجد

18-12-2010, 09:37 PM

أنـا وشعـري كلـنـا مــن فـدايـاك=آمـر واعبّـر ماتبـي فــي قصـيـده
زرني,تصفـح ركـن شعـري وحـيـاك=تابـع مكاتيـبـي وأنــا المستفـيـده
لازرتـنـي رش المـطـر زار ويــاك=والقـاف غنّـى فـي حضـورك جديـده
رفيـق عمـري وش حيـاتـي بلـيـاك=ملكتـنـي والمـالـك الامــر بـيـده
شف كم على الصفحه زهى الحرف طرياك=شف كم ذكرتـك فـي مواقـف عديـده
غنيـت فـي طيبـك وجملـة مـزايـاك=وغنيـت لـك فـي كـل لحظـه سعيـده
وغنيت لامـن غبـت واشتقـت لقيـاك=والشـوق قـاتـل والمسـافـه بعـيـده
وأن كان ضاعت فـي مكاتيبـي أريـاك؟=قلـلـي وألــوّن بالقـلـم ماتـريـده

شاعرة نجد

03-01-2011, 10:20 PM

http://i266.photobucket.com/albums/ii268/naden-almamon/alamal/7588dbdb8d955c94e31e7a0290c475ff_w424_h200.jpg

لابأس ياصقر العروبه وماجور=طهور ياتاج الفخر والفخامه
طلّتـْك فالشاشه مثل سطعة النور=تبعث لنا عبر القناة أبتسامه
طمنتنا ياطيّب القلب,مشكور=طمّنت شعبٍ تستحق أهتمامه
معذور صافي الدمع لاهل معذور=لامن بكينا ماعلينا ملامه
دمع الفرح مع صادق الحس له دور=لابد له في ذا المواقف علامه
ياخادم البيتين ياصايب الشور=الله يردك للوطن بالسلامه

روح الورد

03-01-2011, 11:53 PM

صح لسانك وسلمت يدااك

مروري وتقديري

في النتظار جديدك

شاعرة نجد

31-01-2011, 10:11 PM

صح بدنك مشرفتنا وتسلمين

ولاعدمت حضورك العذب

ودي وتقديري’,,

شاعرة نجد

31-01-2011, 10:21 PM

صبيت لك من رحيق حروفي العذبه=كأسٍ يشافي المريض ويروي الضامي
خلطة مشاعر لذيذه,جات منجذبه=تعزف على هونها من مصدر ألهامي

شاعرة نجد

31-01-2011, 10:34 PM

يانجد قدلي ثمان شْهور ماجيتك=يسوقني الشوق بس الشوق ماساقه!
لاقلت تكفى نروح اليوم راجيتك=قدم ظـْروفه علي واستشهد أوراقه
ياطير عرّض علي واسمع مْحاكيتك=الجو يصلح سفر والنفس مشتاقه
خذني وحلّق ترى مانيب مزريتك=نفسي خفيفه,تجمّل وابذل الطاقه
واعذر فضولي ليامني تباطيتك=روحي على نجد وأهل نجد تواقه

شاعرة نجد

10-02-2011, 10:08 PM

http://www.childclinic.net/pain/bebe_hat.jpg

هنيّك مْريّح ماسرق فكرك الهاجوس=ولاشال قلبك من هموم الاوادم شي
ولاهمّتك دنيا ولاخذت منها دْروس=ولاباكي(ن)ميّت ولاناشدٍ عن حـي
ولا ساهرٍ ليلك ولا خاطرك محيوس=تْلاعب يْدينك بس وتْنام كل شْـوي

شاعرة نجد

09-03-2011, 09:22 PM

بأغامر على نور القمر وأدخل الميدان=وأسابق هبوب الريح وأسرج على خيلي
رموز الحروف أخذي مدادك من الشريان=على صفحتي خطي طلاسم مواويلي
بغيتي بْدمي!م أستبحتيه صار وُكان=بغيتي بْدمعي!ماتردّه مناديلي
تعلّي سماي وسامري طرْفي السهران=نويت أشكي آهاتي لجيلٍ بعَد جيلي

شاعرة نجد

26-04-2011, 07:10 PM

ملامح الود بانت في نواظرنا=والعقل ينهى الملامح كل مابانت
يالاهب الشوق لاتكشف سرايرنا=لاصار عيّت ظروف الوقت مازانت
ليت القدر بس لو مره يخيّرنا=ونْمتّع العمر لامن فرصته حانت

شاعرة نجد

26-04-2011, 07:13 PM

مدري أختلقت الزعل..والا أحساسي صحيح!=مدري وش اللي حصل..وأمسيـت زعلانـه
وشلون صارت معي؟..ضاق المكان الفسيح=وأنـا قبـل كنـت مبسـوطـه وطربـانـه
عيّيت لا أرضى..وعيّى خاطـري يستريـح=وابلـيـس غـنـت مزاميره..وطيـرانـه
كبرت بنفسي كذا !! وين الجواب..الصريح=ليـه أتأثّر؟..وليـه النـفـس شرهـانـه!

شاعرة نجد

02-05-2011, 09:30 PM

ياحيلة الله كيف أبحتـال فرقـاك=ياغايتي,ياراحتي,يـ .أكسجيني
رفيق عمري ياعسى الرووح تفْـداك=يابلسم أيامـي وبهجة سْنينـي
لو جت على مانشتهي رحت وياك=لكن حداني ماقصـر عـن يدينـي
أسمع صدى صوتي وأمانه لياجاك=جاوب ولو عن بُعد صوتك يجينـي
لولاك ماتسهر عيوني,ولولاك=مابه على ذا الكون شيء ايعنينـي
وأن طالت الغربه عليْ حث ممشـاك=والله على جمر أنتظـارك يعينـي

شاعرة نجد

19-05-2011, 10:50 PM

http://www.oktopagnda.com/timthumb.php?src=../picture/1234123177.jpg&w=150&h=150&zc=1

ليش تغريني وأنا وش في يديني؟=كل ماعندي كتبته فـي رسالـه
غايتي تفهم علي يانـور عينـي=ماقصر عن طاقتي خلـه بْفالـه
والوصال لْيا حصل بينك وبينـي=يأخذ الورد الطبيعي مـن جمالـه
خل شلال الغلى يـروي حنينـي=لين بدر الوصل يظهر في كمالـه

شاعرة نجد

02-06-2011, 01:10 AM

شد الرحال وسابـق الريـح بسكـات=وأحرص على الكتمان في بعْض أمورك
لاتبكـي عيونـك علـى فايـتٍ فـات=وُلا تنْجرح لاصـار ماطعْـت شـورك
الجـد لـه حزه,وللـمـزح حــزات=والوقت يرضيني ويرضـي غـرورك

شاعرة نجد

29-11-2011, 10:04 PM

http://up.arab-x.com/Mar10/gf201759.jpg

عسى المطر يبطي على نجد ودان=يسقي صحاريها ويسقي شجرها
ويبطي سمااها بـ .أسود الغيم مليان=لين يْتشابك عشبها مع زهرها
ويعم فضل الله على كل الاوطان=وتظهر على الشاشات زاهي صورها

شاعرة نجد

30-01-2012, 02:59 PM

http://www.qzal.net/01/2012-01/13257778811.gif
لــ .الصيد متعه..مايقدّر ثمنهـا=وأنا بغيت أستمتع اليوم..وابْلشت
صدت سْمكه(يُم)شفتها خفت منها=وخليتها بسنّارة الصيد وانْحَشـت

:)

(تعليقي على الصوره بـ أحد المواقع)

شاعرة نجد

30-01-2012, 03:01 PM

أقسى على نفسي وادوس الهوى دوس=من خلقتـي ماطعتهـا فـي هواهـا
شيطانها يلعـب هْجينـي ومنكـوس=مـارد نومـي عـن عيوني,سواهـا
شيء(ن) خيال وشيء واقع وملموس=ولقيـت فـي مـر القسـاوه,دواهـا
أشرح دروس وخذت من غيري دروس=والرابـح الـلـي لا تمادت,قـواهـا

شاعرة نجد

02-04-2012, 09:21 PM

أهديت لك مع نسمة الصبح روحي=جاتك هديه لاترد الهديه
معها ثلاث أبيات من عذب بوحي=نقشتها لك فوق راحة يديه
والورد واليشموم معها يفوحي=لـ .مالت غْصون الغراام النديه

شاعرة نجد

05-09-2012, 11:15 PM

http://www.hayah.cc/forum/imgcache/124656.png

مواليف,مافرق جفى الوقت شملهم=على الغصن وأن هب النسيم تْميل

شاعرة نجد

05-09-2012, 11:16 PM

روحي صباح العيد جاتـك هديـه=مافي يدي ياروحي أغلى من الروح
جاتك علـى وردٍ غْصونـه نديـه=والعين تخفي الدمع والدمع مفضوح

شاعرة نجد

05-09-2012, 11:18 PM

لاتعاتبني وأنـا صمتـي كـلام=في عيوني لو قريتـه مانسيتـه
لايضيع الصوت في عج المـلام=والعتـب لازااد,يَهْـدم مابنيتـه
تاه مرسول الغلى وسط الزحـام=لاتقول أنك مع الزحمـه لقيتـه
تدّعي الفطنه ولغـزي ياحـرام=فوق سطح الماا ويطفو ماقريته!!

السعد

06-09-2012, 09:10 AM

صــح لســـانــج شاعرتنــا الكريمــــــة
علــى الروعــه بالاختيار والذوووق الراقــــــى
الف شكــر على الابدااااااع
وتاكدى باننا متابعين وبصمت
ربي يسعدج ويهنييييييج

مصرية وافتخر

06-09-2012, 12:59 PM

شاعرة نج
سلمتي حبيبتي ولا هنتي

http://im21.gulfup.com/2012-09-06/1346922458936.gif (http://www.gulfup.com/show/X9fbqiofx3xgkkg)

شاعرة نجد

23-11-2012, 08:29 PM

صــح لســـانــج شاعرتنــا الكريمــــــة
علــى الروعــه بالاختيار والذوووق الراقــــــى
الف شكــر على الابدااااااع
وتاكدى باننا متابعين وبصمت
ربي يسعدج ويهنييييييج

ويسعدك ان شاء الله
وصح بدنك
والروعه حضورك ومتابعتك

شكري وتقديري,’’

شاعرة نجد

23-11-2012, 08:30 PM

شاعرة نج
سلمتي حبيبتي ولا هنتي

http://im21.gulfup.com/2012-09-06/1346922458936.gif (http://www.gulfup.com/show/x9fbqiofx3xgkkg)

تسلمين
وألف شكر عـ المرور العطر,’’

شاعرة نجد

23-11-2012, 08:31 PM

ياللسحاب وللمطر والبر والجو الجميل=وياللمشاعر يوم شوف البرق قام يْثيرها
هيّض قريحة نجد وألحقها مدااها والدليل=يظهر على قيفانها لو غيّره تعبيرها,’’

شاعرة نجد

08-04-2013, 02:26 PM

http://t1.gstatic.com/images?q=tbn:ANd9GcQIWzoEOmSkyFrxyF9BPMpOUUXuvHhnu 5EtwAhTHIvQu0NI720E6bqhMk5C

ياليـت مـن حـوّل مـع القديـه=والجو غايـم والخـوي سْنافـي
علـى المزارع,وأرضهـا النديـه=أروي عرووق الخافـق المنلافـي
وأمسك تـراب المزرعـه بيديـه=وأشكي على غرس النخيل الخافي
وأقـول للاشجـار أنـا نجـديـه=وأبوي راعيـك الكريـم الوافـي
بـ .أهديك من عقب البطى هديـه=لـ .غرّق الرشاش كـل أطرافـي
أبيـات شعـرٍ فااخـره وديــه=من ذكريـات الأمس,لحـنٍ دافـي
جودي علي يـ .أحلامي الورديـه=رحت وسرحت وجيت,تحت لْحافي!

شاعرة نجد

08-04-2013, 02:28 PM

هزي الغصن الاخضر ياهبوب الجنوب=واحذري,بالهـداوه لايطيـر الحمـام
خلّي الراعبيه قبـل وقـت الغـروب=كلما مال تسجع ليـن يبـدأ الظـلام
في لحنها غذاا مـدري دواا للقلـوب=ينعش الروح ويْغذّي زهور الغـرام,

شاعرة نجد

08-04-2013, 02:30 PM

http://imagecache.te3p.com/imgcache/4ba4fb329f05e4cd7f6c221836894062.jpg

متحدّثه والله عطاني مـن الافصـاح=مخارج حروفي لـ .تكلمـت موزونـه
ولكن عَجَزت أنطق معك كلمةٍ ياصاح=بتبطي وهي في دااخل الصدر مسجونه
تحديت نفسي بالجراءه,عشان أرتـاح=وتلعثمت فيها مثـل طفـلٍ يهجّونـه

محمد الروقي

08-04-2013, 03:25 PM

مريت. وستمتعت جزله يابنت الرجال

شاعرة نجد

14-12-2014, 10:15 PM

حياك شاعرنا
وتسلم ولاعدمت مرور المبدعين

شكري وتقديري,’’

شاعرة نجد

14-12-2014, 10:17 PM

https://encrypted-tbn3.gstatic.com/images?q=tbn:ANd9GcQnNbMlxQIL5-wVnFihxWr3wpM2bzSYN1tHoK46BZ-GcsiAKQTBZw

حبيـبـي تــرى الفـرقـاا وجعـهـا يـهـد الحـيـل=دخـيـلــت عـيـونــك يـاعـيـونـي مــــن الـفـرقــا
بـعـيـد وبـعـيـده بـــس جـابــك نـسـيـم الـلـيــل=سَـهَـرْتــك خــيــال وعـبـرتــي تــنـــزل وتــرقـــا
وأحـاكــي ظـــلام الليـل,يـاويـل قـلـبــي ويــــل=مــن فْـراقـك الـلــي مـحــرقٍ خـافـقـي حـرقــا
نطرت وصبرت وبااح سدي وفااض الكيل=عـلـيـك الله أكـبــر ســـارقٍ رااحــتــي ســرقــا
غصون الغـرام مْـن الهـوَى والهيـاام تْميـل=عليهـا مـن الوجـدااان كــم نـااحـت الـورقـا

النجلاء

15-12-2014, 12:13 AM

صح الله لسانك شاعرتنا الراقيه والعذبه
مدونه رائعه بروعة وجمال وجودك الطاغي
تصفحت وآستمتعت بكل ماخطه قلمك الشامخ
تقديري لسموك
النجلاء
http://i10.glitter-graphics.org/pub/1006/1006700xvp7rdy9hq.gif

محمد الروقي

15-12-2014, 01:48 AM

الاستمتاع كله بحروفك وعسى ان لا اكون مزعج
بطرق بابك في هذه الزاويه ,’

النجلاء

15-12-2014, 09:40 PM

مسائك ورد وفل شاعرتنا
لخبري فيك تحبين الشيلات اعجبتني هـ الشيله ان شاء الله تعجبك وتستمتعين بسماعها

https://www.youtube.com/watch?v=P3j1DbCt1oE

شاعرة نجد

28-01-2015, 09:30 PM

شاعرة نجد

28-01-2015, 09:31 PM

الاستمتاع كله بحروفك وعسى ان لا اكون مزعج
بطرق بابك في هذه الزاويه ,’

حضورك تشريف شاعرنا
حياك الله

تقديري,’’

شاعرة نجد

28-01-2015, 09:38 PM

مسائك ورد وفل شاعرتنا
لخبري فيك تحبين الشيلات اعجبتني هـ الشيله ان شاء الله تعجبك وتستمتعين بسماعها

https://www.youtube.com/watch?v=p3j1dbct1oe

الله
الله الله

ياحلوها شعر وشيله يانجلاء

رااقيه وذوقك رااقي ويعجبني فديتك

ومساءك مطر ونسيمٍ عذب
ودي,’’

شاعرة نجد

28-01-2015, 09:40 PM

لاعـااد تنشدنـي تـرى خاطـري شيـن=لا قلت لي وشفيتس هلـت دْموعـي
لو أنْك تقرأ وش على شاشة العين=حَجَـزت وأعْلنـت السـفـر والرجـوعـي

النجلاء

30-01-2015, 03:18 PM

شاعرتنا تفضلي ع الرابط

http://www.r111n.com/showthread.php?p=329884#post329884

شاعرة نجد

13-08-2015, 12:46 AM

شاعرتنا تفضلي ع الرابط

http://www.r111n.com/showthread.php?p=329884#post329884

يدوم فضلك أختي
وشكرا جزيلا لـ سهم روق
لكن للاسف مافتحت معي الشيله
وبانتظار مساعدتك,’’

شاعرة نجد

13-08-2015, 12:52 AM

ياهجوسي تولّم لاح برق القصيد=بين ذيك الغيوم اللي سرت في سماها
من قفص صدري المكتوم هات الجديد=لو عيوني يسيل السيل من حر ماها
لاح نوح الحمامه فوق خضر الجريد=صف صفين والعب صابها من رماها
موج شعري تلاطم من هواي الشديد=واستثار المشاعر واشتكت من ضماها
كل ما ارشّ وهج الشوق ناره تزيد=واحرقت روحي الا كان ربي حماها

شاعرة نجد

30-08-2015, 09:02 PM

أكذب على روحي وأقول إيه أبَنْساه=وأنـــــــا وربـــــــي مـانـسـيــتــه ولايـــــــوم
لـ .امسيت ماجاني شرد ذهنـي وجـاه=كـان المشاعـر تتـصـل,حــااارب الـنـوم
لـيـتـه جـفـانـي كـــان يـمـكـنّـي أجــفــاه=وأدلـــه مـــع الأيـــام وأنــســاه وأشــــوم

شاعرة نجد

30-08-2015, 09:05 PM

لـولـى مصابـيـح الأمــل تـضــوي لـيــا طـــال الـغـيـاب=كــــان الـنـهــار بـغـيـبـتـه فـ .عـيــونــي الـثـنـتـيـن لــيـــل
تـضــوي عـلــي وتـبــدد هْـمـومـي وجـــور الاكـتـئــاب=وتـــرد روحــــي وأنـتـظــر وأقــــول يـالـصـبـر الـجـمـيـل
وأصـك بـاب اليـأس وأفتـح فـي رجـاا الرحمـن بــاب=وأجحد ملامح ضيقتي وأصنـع لهـا الضحكـه بديـل
وأكتـب عبـارات الغلا,فـوق السماا,فـوق السـحـاب=وأنسى الزعل,وازرع أمل,واسهر مع الليـل الطويـل
وأن زار مـن نسـج الخيال,جيتـه وأنــا كـلـي عـتـاب=وسْمعت لخيول الوله والشوق في صدري صهيل!

شاعرة نجد

14-09-2015, 10:50 PM

http://www.mekshat.com/pix/upload/images/RR.jpg

ولّي حمامه جرت الصوت والصوت=لامـن سمعتـه جـر ضـامـي عـروقـي
مستقصدتنـي يافهـد جعلـهـا الـمـوت=لاهيضتـنـي جـيـت مــن حــر شـوقـي
ولاحيتها من صادق الروح بسْكـوت=والحـس مـن نـور النهـار مْخنوقـي!
بـطـلاســمٍ لْـجـوهــر الـشـعــر تــابـــوت=باتـت ومـاتـت داخـلـه مــن خفـوقـي,

غزلان

15-09-2015, 10:44 PM

الله الله عليك ي شاعره نجد صح الله لسانك ؛؛ مدونه عامره بأعذب أبيات القصيد راقت لي كثيراً ،، تقبلي فائق الود والتقدير ،،

شاعرة نجد

30-09-2015, 09:15 PM

الله الله عليك ي شاعره نجد صح الله لسانك ؛؛ مدونه عامره بأعذب أبيات القصيد راقت لي كثيراً ،، تقبلي فائق الود والتقدير ،،

مرحبا غزلان
وصح بدنك
والرايق حضورك الفخم

ودي وتقديري,’’

شاعرة نجد

30-09-2015, 09:16 PM

يـازيـن يــوم العـيـد لـوهـيّـض الـعـيـد=مـشـاعــر الـمـشـتـاق وازداد شــوقــه
فرحَه,لها في وهج الاشواق تجديد=مـتـولّــمــه لـلـعـيـد,تـسـبـق شـــروقــــه
تسرح على سكة سفر دون تحديد=فـي غيمهـا الوجـدان لاحـت بْروقـه
رااحـت تْعَيّـد ياعَسَـى عيـدهـا يْعـيـد=علـى الهـوَى تلمـس مزاجـه وذوقــه

النجلاء

02-10-2015, 12:10 PM

صح الله لسانك ياشاعرتنا الراقيه
مدونه فاخره استمتعت بتواجدي بين صفحاتك وجمال مشاعرك الراقيه والعذبه
تقديري لك
النجلاء
http://dc16.arabsh.com/i/02801/seep2ac6rk25.jpg

شاعرة نجد

28-10-2015, 02:32 PM

صح الله لسانك ياشاعرتنا الراقيه
مدونه فاخره استمتعت بتواجدي بين صفحاتك وجمال مشاعرك الراقيه والعذبه
تقديري لك
النجلاء
http://dc16.arabsh.com/i/02801/seep2ac6rk25.jpg

صح بدنك عزيزتي
والفاخر حضورك لاعدمتك

شكري وتقديري,’’

شاعرة نجد

28-10-2015, 02:34 PM

http://i75.servimg.com/u/f75/12/45/46/12/99510210.jpg

مسافير,والـدنـيـا مـقـاديـر مـهـمـا يـصـيــر=عـسـى خيـر,لـو مـاعــاد الأيـــام تجمـعـنـا
طلعنا على سطح القمر لين صرنا,غير=وحــكــيــنـــا وغــنــيـــنـــا ولاحـيّ,يـســمــعــنــا
ونزلنـا علـى سطـح البحر,والهديـر يْثـيـر=مــشــاعــر غـــلانـــا تـنـتـخـيـنـا,ولا طــعــنــا
حروف العتب تَعْتَب, ولو خانها التعبير=عـــســـاهـــا تـلـعـثـم,مـاتـقـلّــب مــواجــعـــنـــا

شاعرة نجد

28-10-2015, 02:39 PM

يـاحـمــام الــــدوح غـن,جـاهــزه يالله تمـن,وأعـطـنـي عــــذب الـلـحـن,طـاب يــومـــك يـاحــمــام=خاطـري بالحيـل ضايق,وأنـت متهـنّـي ورايق,مـ .أشغـلـك عــد الدقايق,ياعـسـى ربــي يعـيـن
نـاايـم ومـرتــاح ليلك,والـصـبـاح أسـمــع هديلـك,لـيـت تقبـلـنـي بديـلـك,حـدي الـمـغـرب وانـــام=وأنت تسهر في مكاني,تنقلب مخلوق ثاني,شوف أنا وش كثر أعاني,يامعين الصابرين
أتـمـنّــى وأتمـنّـى,لـيـن لــيــل الـشـعــر غنّـى,واقـبـلـت مــنــا ومـنـا,وضــاع مـضــمــون الــكـــلام=يمكن أبرك لي سكاتي,لو خسرت أغلى أمنياتي,راضيه بْقسمة حياتي,ياعسى بكره تزين

شاعرة نجد

16-12-2015, 10:10 PM

خـيـول الذكـريـات البـارحـه صـالــت وجـالــت لـيــن=أعــادت واستـعـادت كــل مـاقـد كـــان فـــي سـاعــه
غـزتـنـي وذكـرتـنــي واسهرتـنـي,والـعـرب مـمـسـيـن=وسـرتـبـي وسافـرتـبـي بــيــن مـبـسـوطـه ومـرتـاعــه
تذكرت الجديد الشيـن واللـي قـد حصـل مـن زيـن=وغطَى الاول على الثاني وطفّى مصدر اشعاعه
أحسـب إنـي نسيـت ومادريـت إنـي ليـا هـ .الحيـن=وقـلـبـي ذكـريــات الامـــس تـرفــع نـسـبـة اوجـاعــه

محمد الروقي

17-12-2015, 12:08 AM

على خبري فيك القديم
شاعرة جزله وصح كلك عن كل شر

شاعرة نجد

04-01-2016, 10:07 PM

على خبري فيك القديم
شاعرة جزله وصح كلك عن كل شر

تسلم شاعرنا جعل عمرك طويل
ولاعدمت اشادة المبدعين
وصح بدنك

شكري وتقديري,’’

ابوفارس

08-01-2016, 06:33 PM

الشاعره القديره والمميزه بشعرها وجزالتها
كنت هنا تصفحت واستمتعت بجمال مدونتك
واصلي لنستمد الابداع وجمال الحرف بوجودك
لكي مني جل شكري وتقديري

شاعرة نجد

03-02-2016, 02:52 PM

الشاعره القديره والمميزه بشعرها وجزالتها
كنت هنا تصفحت واستمتعت بجمال مدونتك
واصلي لنستمد الابداع وجمال الحرف بوجودك
لكي مني جل شكري وتقديري

حياك ابوفارس
تشرفت المدونه بحضورك

والشكر والتقدير لك,’’

شاعرة نجد

03-02-2016, 02:54 PM

http://cache.graphicslib.viator.com/graphicslib/3124/SITours/private-tour-st-catherine-s-monastery-and-moses-mountain-at-sunrise-in-sharm-el-sheikh-27151.jpg

بـسْـألـك بالله انــــا مـاجـيـتـك الــبــارح؟=ماجـاك طيفـي ولاصحـاك مــن نـومـك
سرَى لك القلب من زوود الولَه فارح=يْـسـاابـق الـريــح وده يـااخــذ عْـلـومـك
ليله معك يوم بان الصبح جاا سارح=تـلـومــه الـعـيــن يـامـشـكـااي وتْـلـومــك
نزَعْـت بسطـي بحـد المخـلـب الـجـارح=من غيبتك عصر ذاك اليـوم,لايومـك

شاعرة نجد

12-04-2016, 11:19 PM

http://www.tribuneindia.com/2002/20021020/world3.jpg

صف جيش المشاعـر واستبـاح الشعـور=واسْــرف بْـقـو صـبـري لـيــن هـــدّه وطـــاح
استـثـاار الغـبـاار وطـــاار جـــول الـطـيـور=يـوم هـبـت عـلـى غـصـن الـغـراام الـريـاح
باح سـد الحروف,وسـااح حبـر السطـور=وفااح صدر الغلا من حر الاشوااق فاح
مابـقـى غـيــر جُملـه(يـاعـذااب الـصـبـور)=طـاال ليـلـه وهــو ينـطـر خـيـوط الصـبـااح

عازف الشوق

15-04-2016, 10:01 PM

مدووونه تحمل من الابداااع والذوووق الشي الكثييير
تحياااتي الك

ملكة الرواسي

16-04-2016, 01:06 AM

أهنيك على هذا الابداع
دام نبضك
.
كنت هنا

شاعرة نجد

17-04-2016, 10:39 PM

مدووونه تحمل من الابداااع والذوووق الشي الكثييير
تحياااتي الك

الابدااع حضورك يـ الشاعر
والتحيه والتقدير لك,’’

شاعرة نجد

17-04-2016, 10:40 PM

أهنيك على هذا الابداع
دام نبضك
.
كنت هنا

تسلمين وتدومين مشرفتنا
شكري وتقديري,’’

شاعرة نجد

08-05-2016, 11:57 PM

http://healthylife24.com/wp-content/uploads/2013/10/Importance-of-your-childs-sleep.jpg

مرسول الاحلام لامن نامت عيوني
,,,,,,,,,,,,,,,,,,,,تعال عندي وعطني موجز اخباره
من بعض الاحلام يروى يابس غصوني
,,,,,,,,,,,,,,,,,,,,,,,,ماهوب داايم.,ولكن تاره وتاره

شاعرة نجد

03-08-2016, 10:31 PM

تسـتـفـزك حْـرووفــي لـيــن حـــد الـجـنـون=وامتثل غصب عني للشعر واستفزك
ليه,مـدري وش اللـي كـان والـلـي يـكـون=هـو عشانِـي عنيده,هـو عشانِـي اعـزك!

شاعرة نجد

04-08-2016, 11:12 PM

جديدي..

http://www.albawaba.com/sites/default/files/im/saudia-2016-22-3.jpg

بالله ياكبتن الى من تساويت=بين السماا والارض فوق السحابه
على الجناح ارجوك بــ .اجْلس وياليت=ان كان معنا احْدٍ يجر الربابه
خلّه معي يطلع ترى كم تمنيت=صارت ولاصارت ولامن غرابه
في خاطري يالكبتن الذرب كم بيت=اجتاحها عالي سماي وضبابه
لاجرها راعي الربابه وجريت=صوتي معه،ماجابت الورق جابه
لــ .جر قوسه مع صدى الصوت لاحيت=لاحيت له لو مقصدي مادرى به
على الجناح ارتاح لو ماتقهويت=كافي مطر قافي سحابه سرى به
لاسابقك شق الفضاا,وان تعليت=مدد لنا فالوقت واحسب حْسابه
تكسب اجر لامن تجمّلت واعطيت=ساعات فـ .الرحله،تزيل الكآبه
وان هيّض المشتاق مابحت وابديت=يبيحني لامن هجوسه غداا به!

شاعرة نجد

05-08-2016, 11:58 PM

حـر السمايـم حرقنـي حـرق=والـكـل يصـبـر عـلـى قسـمـه
هبي علي ياهبـوب الشـرق=هبي على الروح لـو نسمـه
نسمه بــ .اغني عليها طرق=يرسـم عـلـى خافـقـي رسـمـه

شاعرة نجد

06-08-2016, 12:04 AM

ياتـرى لـو فيّـض الصـدر غيضـه يـاتـرى=تسلـم جْـرووحـه ويـنـزاح هـمّـن مبتلـيـه؟
وياتـرى لاجـاء علـى البال,هوعـنّـي درى=وياتـرى لاقمـت اغنّيه,هوصوتـي يجيـه؟
وياترى لو بـ .اشتكي كل ماصار وجرى=يفهم المقصود من غير مايسأل عليه؟
ضاع بي فكري وانا جـرح كبـدي مابـرى=واحترق قلبي وكابر وانـا مـ .احتلـت فيـه
كـل مانـامـت عـيـون البشر,ليـلـي ســرى=راح بي هاجوس قلبـي علـى مايشتهيـه !

محمد الغنامي

06-08-2016, 02:18 PM

ضاع بي فكري وانا جرح كبدي مابرى=واحترق قلبي وكابر وانا مـ.احتلت فيـه
كـل مانامـت عيـون البشر,ليلـي ســرى=راح بي هاجوس قلبي على مايشتهيـه !

الله الله
صح لسانك مليون شاعرتنا
توصيف بليغ وجميل للغايه
سجليني من اشد المعجبين والمتابعين
مروري وتقديري
واعجابي

شاعرة نجد

07-08-2016, 11:38 PM

شاعرة نجد

07-08-2016, 11:42 PM

شعاني حمامٍ فوق خضر الجريد ينوح=شعاهـ .الولع مدري شعاني وهو سالم
خضـار المـزارع مـع هواهـا يـرد الـروح=وكدّر مزاجـي حسبـي الله علـى الظالـم

النجلاء

10-08-2016, 02:31 PM

الله الله
ياسلام عليك يارائعه
شاعره جزله وشهادني فيك مجروحه
مدونه رائعه بروعة حضورك
تصفحت واستمتعت بما خطه قلمك
تقديري لسموك
النجلاء

شاعرة نجد

11-08-2016, 12:00 AM

الله الله
ياسلام عليك يارائعه
شاعره جزله وشهادني فيك مجروحه
مدونه رائعه بروعة حضورك
تصفحت واستمتعت بما خطه قلمك
تقديري لسموك
النجلاء

تسلمين لاعدمت مرورك وشهادتك
والروعه قلمك الفااخر

شكري وتقديري,’’

شاعرة نجد

11-08-2016, 12:02 AM

بـشـويـش يـاوقـتـي عـلــى الـهــون بـشـويــش=دخـــيـــلـــتـــك حــــــــــــاول تــــــراعــــــي مــــــزاجـــــــي
لاطـــااب جــــوّي طــرت,مــدري عــلــى ويــــش=وش طــــيّــــرك تــفـــســـد عــــلــــي ابــتــهــاجــي
وان جاا على صدري من الضيق تشويش=مـــــــن ثـــقــــل دمــــــــك مــالــقــيــت الــخـــراجـــي,

شاعرة نجد

15-08-2016, 01:39 AM

يضيق صـدري, اي نعـم والله يْضيـق=والمشكلـه فـي ضيقتـي وش سببـهـا!
مـابـيـن تـكـذيـب المـشـاعـر وتـصـديـق=ونــــارٍ تــواقــد فـــــي خـفــوقــي لـهـبـهــا
صبّحنـي الهااجـس علـى فكـة الريـق=ومـسّـاا عيـونـي قـبـل يغـضـي هـدبـهـا
وغنيت له من ضيق صدري طواريق=لامـــن هـــوى روحـــي ولامـــن طـربـهـا
وخـذيـت مــن نفـسـي عليـهـا مـواثـيـق=مـ .تْـبـوح لــو قـاضـي الـمـوده غصبـهـا
وتمسـح معالـم عــارضٍ كــان توهـيـق=وتـرمـي عـلــى كـتـفـي مـواجــع تعـبـهـا

ملكة الرواسي

19-08-2016, 12:50 AM

http://www.ro-ehsas.net/uploads/1433483041381.jpg

*

صباح الورد

مجيد الجنابي

21-08-2016, 03:23 PM

اسعدني التواجد بين ثنايا مدونتك

الاكثر من رائعه

لروحك الطيبه قوافل الجوري

شاعرة نجد

24-08-2016, 12:59 AM

http://www.ro-ehsas.net/uploads/1433483041381.jpg

*

صباح الورد

لاعدمتك مديرتنا القديرهـ
وصبااح النور والسرور
شكرا جزيلا,’’

شاعرة نجد

24-08-2016, 01:02 AM

اسعدني التواجد بين ثنايا مدونتك

الاكثر من رائعه

لروحك الطيبه قوافل الجوري

أنا السعيده بتواجدك هنا كاتبنا المميز
شكري وتقديري,’’

شاعرة نجد

31-08-2016, 09:56 PM

فـ .الجو واكتب لك من الشعـر بيتيـن=يازين بـووح الشعـر فـووق السحابـه
شوف الفضاا يامهجتي كحّل العين=وهـيّــض خــفــوق الـشـاعــره للـكـتـابـه

شاعرة نجد

13-10-2016, 11:16 PM

http://40.media.tumblr.com/359c22d486674115fdb0c01bb6894a4c/tumblr_mv2jar006q1r2quduo1_400.jpg

ليت الحمام يْكف لـ .اصبح عن النوح=لاصــار ماسـبـب عـلـى عاشـقـه خـيـر
مالـه وانـا مـالـي مــن الـنـوح مصـلـوح=يفرض علينا الصمـت حكـم المقاديـر
لو كان تجبرنا المشاعر علـى البـوح=ويكـتـب بـ .اوامـرهـا القـلـم دون تفكـيـر
وتعْـزف علـى نغـم المـوده مـن الـروح=ويثـيـرهـا الـنـسـنـاس والــــورد والـطـيــر

شاعرة نجد

13-10-2016, 11:38 PM

جـيـتـك وانــــا كــلــي عــلــى ماتـمـنـيـت=أرتــــــب حْـــروفـــي واجـــهـــز ســـؤالــــي
كـنـت احْـسـب انــي وقـتـهـا لاتـحـديـت=بـيـصـيــر مـــــاودّي وصـــــوّر خـيــالــي
ولعبـت فــووق الـمـاا وتحـتـه وغنـيـت=وجـريــت مـوالــي عـلــى مـاطــرى لــــي
رسـمـت مـاصــوّر خـيـالـي بـكــم بـيــت=طرزتهـا بسـلـك الـذهـب فــوق شـالـي
وابـديـت لــي واوحـيـت لي,واستعـديـت=وهبّت على غيمة سمانا الشمالي !

شاعرة نجد

17-10-2016, 10:21 PM

من عجاج الصيف ثار غْبار جوك=بـس انــا جــوي مــن غـبـارك تعـكّـر
قبـل لـيـل البـارحـه مــن حــر ضــوك=طاحـت دمـوعـي عـلـى كفي,تـذكّـر!
مـاشـكـيــت الـحـال,لايـفــرح عـــــدوك=أجـحـد الـوجـعـات واحـمــد واتـشـكّـر,

شاعرة نجد

27-10-2016, 11:47 PM

بشـويـش يـاوقـتـي عـلــى الـهــون بـشـويـش=دخـــيـــلـــتـــك حــــــــــــاول تــــــراعــــــي مــــــزاجــــــي
لـ .طـــااب جــــوّي طــرت,مــدري عــلــى ويــــش=وش طــــيّــــرك تــفـــســـد عــــلــــي ابــتــهــاجــي
وان جاا على صدري من الضيق تشويش=مـــــــن ثـــقــــل دمـــــــك مــالــقــيــت الــخـــراجـــي!

شاعرة نجد

04-11-2016, 11:13 PM

http://amet-conferences.org/wp-content/uploads/2013/05/Kuwait.jpg

يـاهـيــه تحْـسـبْـنـي لـيـارحــت لـلــكــوت=بتـوسّـع الخـاطـر وهـــو فـيــه مـافـيـه؟
الكـوت لـ .اهــل الـكـوت جنه ويـاقـوت=جعل الولي من صادق المزن يسقيه
وأنـا تــرى لــو خَذْتـنـي فـيـه بالـصـوت=وربـي طـريـق رْمــاح عـنـدي يسـاويـه
لا والله اغلى منه واغلـى مـن القـوت=ماغـيـر نـجـد يـوسّـع الـصــدر يـاهـيـه

شاعرة نجد

08-11-2016, 11:47 PM

http://forums.ozkorallah.com/up/8798/1216482954.jpg

دفــــيــــت بـيـديــنــي,فــروخ الـعـصــافــيــر=لـــقـــت عـــلـــى راحـــــــة كـفـوفـي,دفــاهــا
ونفسي عجزت القىَ دفاها,عسى خير=عــــســـــى الــلــيــالـــي مـاتـبـيّـح,خــفــاهــا
تشكـي عـلـي مــن شوقها,بـردهـا غـيـر=والـــوقــــت وظـروفـي,سـبــايــب جــفــاهـــا

شاعرة نجد

09-11-2016, 11:57 PM

http://4.bp.blogspot.com/_QP3_vRmHoDU/SiPWr7gfYbI/AAAAAAAAAFA/de7XIFbn8Xk/s400/sad_2.jpg

يمّـاااهــ .ودي مــن يديـنـك بضـمـه=أنـــاا حـزيـنـه يـاغــلاي احضنـيـنـي
كـلٍ علـى امـه يشتكـي جـور هـمـه=فضفض,وانـا عـزااه شكـواي فينـي
يـمـه تعـالـي عـنـدي اشـيـاا مـهـمـه=واحتاج لك في كـل شي احتوينـي
يـمــه تـعـالـي لـــو بـ .الاحـــلام يـمــه=واقري جميع احدااث عمري بعيني

شيخـــة الغــيــد

21-11-2016, 05:53 AM

/

جميلة هي الحياة عندما يكون لديك إنساناًً كاتماً للسر ،
حافظاً للعهد وفياً للوعد ، صادق اللسان والقلب

أسعد الله قلبك يالغاليَــــــــــــــــــــة

مررتُ من هناا

http://e.top4top.net/p_49ven11.jpg

شاعرة نجد

21-11-2016, 10:53 PM

الله يسعد ايامك مشرفتنا القديره
وشكرا جزيلا عـ المرور

لاهنتي,’’

شيخـــة الغــيــد

02-12-2016, 03:08 PM

//

أهداك ربي للأنام رحيمًا
ونشرت دينًا كالجبال قويمًا

يا من قرأتم أحرفي ومقالتي
صلوا عليه وسلموا تسليمًا

https://pbs.twimg.com/media/B_VI4fbU4AAYUus.jpg

شاعرة نجد

03-12-2016, 11:36 PM

^
^

اللهم صل عليه وسلم,حضورك عيد شيخة الغيد
لاعدمنا حروفك وذائقتك الفاخره,’’

شاعرة نجد

03-12-2016, 11:46 PM

http://www.mekshat.com/pix/upload01/prof014/mk6587_30.jpg

الـقــلــب تــايـــق والـمـسـافــه بـعــيــده=وامــطــار نــجــد ونـاسـهــا شـوقـتـنـي
عسـى الكريـم بفضـل جـوده يـزيـده=دارٍ ســيــولـــه فــالــقــنــوات جــتـــنـــي
أتــابـــع اخــبـــاره ونـفــســي سـعــيــده=من كثر ماشفت الصور واعجبتني
واحبـابـي الـلـي فـيـه تـرسـل جـديـده=تــبـــي تـبـشـرنــي وهـــــي هـيـضـتـنـي
والـبـعـد مـوحــش واتـصـالــي بــريــده=كــثــرة مـراسـيـلــه عــلـــي وقْـهـرتـنــي
ياسعـد مــن يمـشـي عـلـى مايـريـده=وانــا ظـروفـي عــن هــواي مْنعـتـنـي
ماطـاعـنـي غـيــر الـقـلـم والقـصـيـده=يـمـلــي عـلـيـهـا خــاطــري وكْتـبـتـنـي

شموخ الوايليه

04-12-2016, 06:32 AM

مررت من هنا لاضع بصمتي
واعبر عن اعجابي
بك وبحرفك
محبتي لك يالغلا

غنجَ

04-12-2016, 06:47 AM

http://d.top4top.net/p_3383rq2k0.png (http://up.top4top.net/)

شاعرة نجد

07-12-2016, 08:49 PM

الوايليه,غنج,لاعدمت المرور العطر والحضور الفااخر
ودي و وردي,’’

شاعرة نجد

07-12-2016, 08:51 PM

القلم ماسار يكتب مـن فـراغ=والقصيده يابعد روحي رساله
لايغرك لو لبس شخصك شْماغ=دام جاهل فالشعر,مالك ومالـه

شاعرة نجد

12-12-2016, 10:21 PM

يـ .النّويصيب لامن جاك حسٍّ غريب=لاتخليه يلحقني وانا فـي الكويـت
ودي استمتع الطلعه بجوٍّ رهيـب=وان لحقني سرق فكري معه مادريت
أحجزه لين اعوّد والعَهَد به قريـب=هاجسي جاوب المرسول لو ماحكيت

شاعرة نجد

13-12-2016, 10:49 PM

الـبــرد احـبّــه وانـتـشـي لَـسْـعـة الــبــرد=عسـاه يـبْـرد وااهــج الـشـوق لافــااح
مجْـتـاحـنـي مــاكــن عــنـــدي ولافـــــرد=بين اهَلي ويرووح بي وييين مارااح
مستوطنٍ رووحي,طـرَد رااحتـي طـرد=مَغيـر الاحــي نـاايـح الــورق لانــااح

محمد الـفراج

14-12-2016, 08:49 AM

http://3.bp.blogspot.com/-xXL9zrKF1WU/UReMukXZYiI/AAAAAAAAAZo/hYaVXUWo91k/s320/%D8%B5%D9%88%D8%B1+%D8%B5%D8%A8%D8%A7%D8%AD+%D8%A7 %D9%84%D8%AE%D9%8A%D8%B1+2013-20.gif

شاعرة نجد

14-12-2016, 09:33 PM

صباح النور,ومساءك سعيد مستشارنا الفاضل
شكرا جزيلا,’’

شاعرة نجد

14-12-2016, 09:35 PM

الـجــو راايـــق وخـاطــر نــجــد مــــو راايــــق=حــتــى الـهـبـااايـب لــيــا هــبــت تـضـايـقـهـا
بين الغمووض العجيب وصدرها الضايق=تــســري مــــع الـغــيــم وتْـســابــق دقـايـقـهــا

شيخـــة الغــيــد

17-12-2016, 06:14 AM

/

https://i.ytimg.com/vi/iV43-va-sYE/hqdefault.jpg

ملكة الرواسي

17-12-2016, 09:13 AM

http://24.media.tumblr.com/tumblr_lj4xk7TQ6r1qf4malo1_500.gif

لمآذآ ندمن التفكير , وآلله ولي التَدبير !
لمآذآ نقلق مِن المجهول وكل شيء عندَ آللهِ معلوم
فـ إطمئنوآ آ آ ,

شاعرة نجد

17-12-2016, 10:03 PM

شيخة الغيد,غيمه جنوبيه
نور الركن,مرحبا الف,حضور ممطر

لاعدمتكن,’’

شاعرة نجد

19-12-2016, 09:06 PM

لاصــار ليـلـي طـويـل ونــور عيـنـي بعـيـد=مـشــكــاي لله,عـلــيــك الـصــبــر يـاعـيـنــي
أدخل على النت والا اكتب جديد القصيد=مــ .اظــنّــهـــا كــلــهـــا عـــنّــــه تـسـلـيــنــي

شاعرة نجد

19-12-2016, 09:09 PM

خيول القاف تستعرض على الميدان منهدّه=شعاها الشوق يستطرد لها والخافـق يْنـادي
يقول ارجـوك ماحـان السبـاق الريـح مشتـدّه=بــلاش مْــن التهور تـفـرح اعـدائـي وحـســادي

شاعرة نجد

20-12-2016, 09:43 PM

يانجوم الليل مدري مصابيح الظلام
يومك تشوفين حالي بحالي علميه
"
علميه وقولي اسهر لحالي ياحرام
والشتاا ياطول ليله عسى ذنبي عليه
"
فاض صبري,ضاق صدري ولاحيت الحمام
كم يهيضني هديله وكم غنيت فيه

سجين الرواسي

20-12-2016, 09:45 PM

مدونه فاخره ومقتطفات فخمه

استمعت بمروري شاعرة نجد المبدعه

تقبل مروري

شاعرة نجد

20-12-2016, 09:50 PM

^
^
الفااخر مرورك شاعرنا
شكري وتقديري,’’

شاعرة نجد

20-12-2016, 09:52 PM

ينتخي وهج المشاعر بجزلات الحروف=عل يبرد وااهج الشوق عـزف حروفهـا
كل ماغمضت جتني هواجيسي صْفوف=ونْـزعَـت نـومـي وغنـيـت بـيـن صفـوفـهـا
تستغـل القلـب والغلـب واحكـام الظـروف=كم سرت بي لـ .اظلم الليل فوق كْفوفها

ملكة الرواسي

21-12-2016, 10:18 PM

http://up.graaam.com/img/f5e7addc3a6ecdb7c2dc3cc78ca69107.gif

دآئِماً كونوا سُعدآء !
ليس لأن الدُنيآ مليئَه بـِ الأمور آلتيْ تُسعدكُم !
بل لأن [ إبتِسآمتكُم ] قد تكون سبباً
لـِـــ سعآدة الأخرين
.
مساء الخير

شاعرة نجد

22-12-2016, 10:41 PM

مساء النور والسرور مديرتنا الفاضله
كلمات من ذهب
لاعدمت عطر مرورك,’’

شاعرة نجد

22-12-2016, 10:47 PM

http://www.bofahd.com/wp-content/uploads/2012/09/%D8%AA%D8%BA%D8%B1%D9%8A%D8%AF-%D8%A8%D8%B1%D9%8A-%D9%84%D9%84%D8%AD%D8%B3%D9%88%D9%86-300x207.jpeg

غـــــــرد ورد الـــصــــوت لاجــــــــاك صــــوتــــي=لــو كـــان تـغـريـدي عـلــى الـصـمـت يـاطـيـر
بالله امـــــانـــــه رد لــــــــــي قـــــبـــــل مـــــوتـــــي=مـــدري وش الـلــي صـابـنـي يـاعـسـى خـيــر
مـــاعــــاد لـــــــي حـــتــــى بــنــومـــي وقـــوتــــي=غرد,عسى القَى مع صدى الصوت تبرير!

تهآآآآآآآآآآويل

25-12-2016, 07:27 PM

ليس شرطاً أن :
نحب الكل !
ونصبح :
صحبه مع الكل !
لكن شرطاً :
أن لا نكره أحداً !

وإذا كان هناك أناس لا تحبهم :
أجعل علاقتك معهم محدودة !
وعاشر بـ معروف !
وسامح من أعتدى !
وفارق ..
ولكن : بـ التي هي أحسن!

الإبتسامة:
التي تأخذ حيزاً صغيراً من وجهك !
تأخذ حيزاً كبيراً في حياة الكثيرين !

كنت هنــــاإأآأآ

http://img-fotki.yandex.ru/get/5706/32130860.5c/0_80878_223d7b24_L.png

شاعرة نجد

26-12-2016, 09:35 PM

^
^
مرحباً الف تهاااويل,مرورك تشريف لاهنتي

شكري وتقديري,’’

شاعرة نجد

26-12-2016, 09:37 PM

عـلّـمـونـي عــــن عْـلـومــه عـلـمـونـي=يـامـراسـيـلـي ويـ .الْــحَـــدْس الــكــريــم
ليتـكـم تــدرون كــم تـبـكـي عـيـونـي=بـــــــــس مـــــاتـــــدرون والله الــعــظـــيـــم
ياكبر دور الحمامه في شجوني=والـبــحــر والــمـــوج والـلــيــل الـعـتــيــم

شيخـــة الغــيــد

31-12-2016, 06:35 AM

/

تفاءل ففي الصبح تحلو الحياة
وتشرق شمسٌ ...من الأمنيات

تبسم ففي العمر حلمٌ سيأتي
ليجلو عن القلب بعض الشتات

https://pbs.twimg.com/media/C0lGKnbWgAADl1n.jpg

شاعرة نجد

31-12-2016, 10:23 PM

الله الله,بيتين رووعه ياشيخه
لاهنتي ودمتي وسْلمتي,’’

شاعرة نجد

10-01-2017, 10:27 PM

نــعـــم يـهـيـضـنـي جــزيـــل الـقــوافــي=ويثـيـرنـي عــــذب الـشـعــر لاقـريـتــه
يامـا كتـبـت وخـافـي القـلـب خـافـي=والــمــوت لامــنّــه ظــهـــر مـاقـويـتــه
غنّيت ياعل وعسى الشعر شافي=واثّـر علـي مـا جـاا عـلـى مابغيـتـه
بــوح المشـاعـر كــل ماقـلـت كـافـي=يرسم على حروفي وانـا مادعيتـه
لا قلت وش جابك ورى ماتخافـي=يـقــول لـيـتـه يـمـنـع الـخــوف لـيـتـه !

شاعرة نجد

10-01-2017, 10:29 PM

على وين ياوهج المشاعر مسرينـي=تـمـهـل,طـريـقـي لامــحــطــه ولاعـــنــــوان
طلـبـتـك,ظـلام ولـيـل,والـوقـت جـافـيـنـي=كفايه تزيد الخاطر الضايق العمسان

ملكة الرواسي

11-01-2017, 03:08 PM

http://www.r111n.com/image.php?u=1653&dateline=1483874683
.
ربُيْ لآ تحُرمْنيُ " مطُلبْيٌ } !
فْ " أنتٌ " ۈْحدٌڪْ |~
. . . . مٌنْ يعٌلمْ كٌيفْ [ أ نٌ س جْ ] أحٌلآمْيٌ / ڪٌلْ مَسَـاْءَ " !
ۈآنـٌآمْ .. عْلىُ [ ا مٌ لْ ] تُحقيٌقهْآ / فْ الصٌبآحْ "
.
مساَءكمَ أمانيَ محققة
.

شاعرة نجد

11-01-2017, 11:12 PM

اللهم آمين
ومساءك فل وجوري,’’

شاعرة نجد

11-01-2017, 11:22 PM

https://encrypted-tbn0.gstatic.com/images?q=tbn:ANd9GcR-4SClVebmfPIkQzSzZxSO5h7DJ3k8zcGi_IUniNOrC3mOWK2LEA

الموج يصفق من هواا الجو فـ .الموج=وامـواج شعـري مـن همـومـي تصـافـق
يامـا حملـت بْـدااخـل ضْلـوعـي الـعـوج=مـ .احتجـت فــي رحـلـة حيـاتـي مْـرافـق

ملكة الرواسي

20-01-2017, 09:47 AM

https://www.youtube.com/watch?v=fAcGd8N0pkU

شموخ الوايليه

20-01-2017, 12:07 PM

https://youtu.be/P2RL7NEe8To

شاعرة نجد

20-01-2017, 11:19 PM

اللهم آمين غيمه جنوبيه,تسلم الايادي
مصممتنا ماطلع لي شيء:smile:
حضوركن تشريف لاعدمتكن

شكري وتقديري,’’

شموخ الوايليه

21-01-2017, 11:54 AM

مقطع الصلاة على النبي صلى الله عليه وسلم

شاعرة نجد

11-02-2017, 11:07 PM

اللهم صل عليه وسلم
لاهنتي,’’

شاعرة نجد

11-02-2017, 11:09 PM

يـازيــن بـعــض الـذكـريــات الـقـديـمـه=يـالـيـتــهــا لامــــــــن تــمــنــيــت تــــرجــــع
تطري علي لاصار في الجو غِيمه=والاحي الورقا على الغصن تسجع

شاعرة نجد

13-02-2017, 11:14 PM

ياشين نوم العين لاجـاا تقاطيـع=تحتي مخده وفوق راسـي مخـده
والنـور طـافـي والمـدامـع ينابـيـع=لهـا علـى ذالحـال ياسـعـود مــده
واحاول اجبرها وهي عيت تطيع=مـدري قلـق والا عـواصـف مــوده
تلوفـنـي وعــروق قلـبـي مهانـيـع=بالشوق ياللشـوق لاوصـل حـده
مـاذعـت مكنـونـي ولاودي اذيـــع=والـمـوج مفْحمـنـي بـجـزره ومـــده

ملكة الرواسي

14-02-2017, 04:17 PM

⇜✎
آسرق من ٰ الآشعآر بيت وراٰء بيت
من زود حبك صرت شآعر حرآمي

.
مساء الورد من ملوكه

شاعرة نجد

15-02-2017, 10:51 PM

مساء النور مديرتنا الفاضله
تقديري,’’

شاعرة نجد

26-02-2017, 11:37 PM

عليها الله الضيقه ترقّب قدووم الليـل
تروّح علي مع غيبة الشمس لَـ غاابت

مهرة يام

14-03-2017, 10:56 PM

مساء الورد والجزاله
طاب لي المكوث هنا
مهره الرواسي

شاعرة نجد

15-03-2017, 09:49 PM

مساء النور والسرور مراقبتنا
وطبتي وطابت اوقاتك,مرحبا الف

تقديري,’’

شاعرة نجد

15-03-2017, 09:50 PM

مَقْدر على الفرقى ولاربـع ساعـه=عزي لحالي كيف بـ .اقدر ربـع عـام
ربي عسى الفرقى تقوّي المناعـه=وترضى بها نفسي على طول الايـام
محلا الصبر..محلا الرضى والقناعه=وياسعد من يرضى بالاقـدار ويْنـام

محمد العواد

23-03-2017, 07:09 AM

شيخـــة الغــيــد

27-03-2017, 05:12 PM

/

خُلقنا ضعفاء في تحدي الظروفالهالكة لكن الله
زرع فينا حب الأمل حب الحياة وأننا
نؤجر إن صبرنا إن بكينا او شقينا
يارب نسألك سعاده تصل عنان السماء لاتنتهي ابدا .

http://scontent.cdninstagram.com/t51.2885-15/e35/12935006_1580878175556337_1677187446_n.jpg?ig_cach e_key=MTIzNjE2OTQ5NTExNzE1NTI1NQ%3D%3D.2

==
https://www.youtube.com/watch?v=w0D_Xjiiel8

=

http://download.chatalkhaleej.com/uploads/14133286082.jpg

النجلاء

08-04-2017, 11:52 PM

مساء الورد
شاعرتنا المبدعه والمتألقه
شاعرة نجد
كنت هنا اتذوق طعم حرفك واستمتع بما وهبك الله من ابداع وجزاله
دمتي نجمه مضيئه في سماء
رواسي نجد
تقديري لك ياراقيه

شاعرة نجد

15-04-2017, 09:40 PM

روعه يا نجد وابداع اعتدنا عليه

منذ زمن

شاعرة نجد

لك جل التقدير والاحترام

متابع

.

.

.

رحت للذوق الرفيع اطق بابه=يالأديبة درّة الشعر الفهيمه
في حروفك من هماليل السحابه=الحيا اللي يحيي عروق الهشيمه
كلنا متوقعين إن الكتابه=بلسم جروح الصواديف الأليمه
والحقيقه علة القلب وصوابه=دمعةٍ سالت على خد اليتيمه
واجد اشياء...أصبحت مثل الربابه=مالها في وقتنا يا نجد قيمه
العظيم أحياناً اعلان انسحابه=أبرك من الفوز في طعم الهزيمه
كل رغبه غامضه طال الرجابه =أمنيه ممكن عواقبها وخيمه

مرحبا يـ العواد وحياك الله
تشرفت بمتابعتك والروعه حضورك يـ الشاعر
واعذرني تو شفت هـ الدرر على ركني,لاهنت وصح لسانك,
من ذوقك طال عمرك ولي عوده ان شاء الله

التقدير والاحتراام لك,’’

شاعرة نجد

15-04-2017, 09:46 PM

شيخة الغيد,
حيك وحي ماجبتي,لاعدمنا ذوقك الرفيع وحضورك الفااخر

النجلاء,تسلمين وتدومين,فديت روحك,حضورك تشريف للركن وراعيته
والتقدير لك,’’

شاعرة نجد

15-04-2017, 09:46 PM

http://up.n4hr.com/ups/uploads/f2cda13500.jpg

لاتحـمّـلـنـي خــطــاك,الله لايـغــفــر خــطـــاك=كل ماسلمَت جروحي جبت لي جرحٍ جديد
تعتذر لي عن غيابك ماكشفت اللي وراك=واتـقـبّــل واتـحـمّــل وانـتـظــر مــنــك الـمــزيــد
أدري انـي غاليـه وان العمـل كـاتـف يــداك=والطمـوح وحـب كــل انـسـان للدنـيـا شـديـد
لهفة الشوق وُغلانـا وغيمـة الـود بْسمـاك=هبـهـا ذااك العـجـاج ورااح سايـقـهـا بـعـيـد
والامـل يبسـت عْروقـه يـوم شحيتـه بْـمـاك=والهوى والريـح تجـري بالسفـن لـو ماتريـد

شاعرة نجد

17-04-2017, 10:46 PM

روعه يا نجد وابداع اعتدنا عليه

منذ زمن

شاعرة نجد

لك جل التقدير والاحترام

متابع

.

.

.

رحت للذوق الرفيع اطق بابه=يالأديبة درّة الشعر الفهيمه
في حروفك من هماليل السحابه=الحيا اللي يحيي عروق الهشيمه
كلنا متوقعين إن الكتابه=بلسم جروح الصواديف الأليمه
والحقيقه علة القلب وصوابه=دمعةٍ سالت على خد اليتيمه
واجد اشياء...أصبحت مثل الربابه=مالها في وقتنا يا نجد قيمه
العظيم أحياناً اعلان انسحابه=أبرك من الفوز في طعم الهزيمه
كل رغبه غامضه طال الرجابه =أمنيه ممكن عواقبها وخيمه

^
^
^

مرحبابه كل مبدع مرحبابه=يزدهر ركني بقدره والحشيمه
وانت يـ .الشاعر حضورك مايشابه=غير جوٍّ هل هتانه وديمه
كان شعري نال ذوقك وارتقىَ به=غايتي كسب الذوايق والغنيمه
للمشاعر عزف يغتال الكآبه=يشفي جْروحٍ من الفرقى عقيمه
وقتنا يفرض علينا لـِـ .اسْتجابه=للاوامر من جديده لَـ .قديمه
والقريحه من غديره لَـ .سرابه=ترسم الحاصل على لفحة نسيمه
والغموض احيان نمسك في نصابه=نحتمي به من طعون اهل النميمه
والزمن لو شق امانينا بنابه=الامل بيدين مولانا الكريمه,

محمد العواد

18-04-2017, 10:09 PM

^
^
^

مرحبابه كل مبدع مرحبابه=يزدهر ركني بقدره والحشيمه
وانت يـ .الشاعر حضورك مايشابه=غير جوٍّ هل هتانه وديمه
كان شعري نال ذوقك وارتقىَ به=غايتي كسب الذوايق والغنيمه
للمشاعر عزف يغتال الكآبه=يشفي جْروحٍ من الفرقى عقيمه
وقتنا يفرض علينا لـِـ .اسْتجابه=للاوامر من جديده لَـ .قديمه
والقريحه من غديره لَـ .سرابه=ترسم الحاصل على لفحة نسيمه
والغموض احيان نمسك في نصابه=نحتمي به من طعون اهل النميمه
والزمن لو شق امانينا بنابه=الامل بيدين مولانا الكريمه,

شاعرة نجد
حي هالمنطق يالعقل الرزين
أخت كريمه وبنت اكرام
صح لسانك على هالجواب الشافي والوافي يالوافيه
أتشرف بك وبشاعريتك وابداعك
وأتمنى لك التوفيق
الله يسعدك

صـدووودٓ

19-04-2017, 12:31 PM

الله يمسي كل الأجواد بالخير
بعد المساء بثني عليكم سلامي

يوصل محمل بالمعزه وتقدير
على الجميع بدون ذكر الأسامي...،،

شاعرة نجد

21-04-2017, 02:11 PM

شاعرة نجد

حي هالمنطق يالعقل الرزين
أخت كريمه وبنت اكرام
صح لسانك على هالجواب الشافي والوافي يالوافيه
أتشرف بك وبشاعريتك وابداعك
وأتمنى لك التوفيق
الله يسعدك

تسلم شاعرنا
والابداع ابداعك طال عمرك
وصح بدنك والشرف لي لاهنت

شكري وتقديري,’’

محمد الـفراج

21-04-2017, 05:03 PM

العواد و شاعرة نجد
صحت السنتكم
مليوووون ولا يكفوووون
قصيده وااافيه ورد واااافي
الله لا يضركم
ما حبيت اطلع ونا مارديت عليكم لا عدمت الجزاله

ملكة الرواسي

22-04-2017, 02:10 PM

يومكم_جميل_بوجود_من_تحبون

https://lh3.googleusercontent.com/-wRGmV6DEqhw/WPpDjDXgJYI/AAAAAAAAArA/XKMSjx3W7LcKgKW747z95_rSZn-2TD39QCJoC/w530-h789-p/2017%2B-%2B1

شاعرة نجد

23-04-2017, 10:29 PM

العواد و شاعرة نجد
صحت السنتكم
مليوووون ولا يكفوووون
قصيده وااافيه ورد واااافي
الله لا يضركم
ما حبيت اطلع ونا مارديت عليكم لا عدمت الجزاله

حياك شاعرنا
شرفت الركن وصح بدنك
والجزاله حضورك الكريم لاعدمناك

شكري وتقديري,’’

شاعرة نجد

23-04-2017, 10:31 PM

جمل الله حالك مديرتنا الفاضله ملكة الرواسي
حضورك تشريف,’’

شاعرة نجد

23-04-2017, 10:35 PM

http://t2.gstatic.com/images?q=tbn:ANd9GcQuJVx4xsWNOcaNY4U_0NiL-5GlJMvRfDzHcGREt7wjiL0GFDF7JZJ1d8DM

لا يـاحـمـامــه لاتـنـوحـيــن تـكـفــيــن=نوحك ينقّض ماسَلَم من جروحـي
ليل السهر لَـ .طلعة الصبح يكفين=روحي عن الشباك تكفيـن روحـي

شاعرة نجد

03-05-2017, 10:56 PM

http://www.ekleelj.com/wp-content/uploads/2016/04/%D8%AA%D9%81%D8%B3%D9%8A%D8%B1-%D8%AD%D9%84%D9%85-%D8%B1%D8%A4%D9%8A%D8%A9-%D8%A7%D9%84%D9%87%D8%A7%D8%AA%D9%81-%D8%A3%D9%88-%D8%A7%D9%84%D8%AC%D9%88%D8%A7%D9%84-%D9%88-%D8%A7%D9%84%D8%A7%D8%AA%D8%B5%D8%A7%D9%84-%D8%A8%D9%87-%D9%81%D9%8A-%D8%A7%D9%84%D9%85%D9%86%D8%A7%D9%851-465x309.jpg

خلاص مايحتاج داعي للاحراج=لاتتصل فيني وانا مـ .اتصل فيك
الله يقطعها مراسيل وابراج=اللي تجيني منك واللي توافيك
بنيت من طوب الجفاا جسر واسياج=فوقه عباره(بس ماصاار يكفيك)

شيخـــة الغــيــد

26-05-2017, 01:59 PM

https://scontent.cdninstagram.com/hphotos-xfa1/t51.2885-15/e15/11376038_487589374740796_1708545153_n.jpg

/

http://www.elqanah-news.com/wp-content/uploads/2016/06/%D8%A7%D8%AC%D9%85%D9%84-%D8%B5%D9%88%D8%B1-%D8%A8%D8%B7%D8%A7%D9%82%D8%A7%D8%AA-%D8%B1%D9%85%D8%B6%D8%A7%D9%86-%D8%B5%D9%88%D8%B1-%D9%83%D8%B1%D9%88%D8%AA-%D8%AA%D9%87%D9%86%D8%A6%D8%A9-%D8%B1%D9%85%D8%B6%D8%A7%D9%86-2.jpg

ملكة الرواسي

06-06-2017, 02:27 PM

http://up.hawahome.com/uploads/14042279434.jpg

سأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
.

شيخـــة الغــيــد

07-06-2017, 12:48 AM

/

لله در أبو العتاهية القائل :

نأتي إلى الدنيا ونحن سواسية
طفلُ الملوك هنا، كطفل الحاشية !!
ونغادر الدنيا ونحن كما ترى
متشابهون على قبور حافية !!
أعمالنا تُعلي وتَخفض شأننا
وحسابُنا بالحق يوم الغاشية !!
حورٌ، وأنهارٌ، قصورٌ عالية
وجهنمٌ تُصلى، ونارٌ حامية !!
فاختر لنفسك ما تُحب وتبتغي
ما دام يومُك والليالي باقية !!
وغداً مصيرك لا تراجع بعده
إما جنان الخلد وإما الهاوية !!

تقبل الله منا ومنك الصيام والقيام وصالح الاعمال

-

https://pbs.twimg.com/media/C4PNaIFWYAAdCCT.jpg

شاعرة نجد

03-08-2017, 10:46 PM

صدوود,ملكة الرواسي,شيخة الغيد
تواجدكن هنا يزيدني شرف

تقديري,’’

شاعرة نجد

03-08-2017, 10:47 PM

ماجاا على صدر السحابه, ولاحرف=وانا اتحرّى وش تجيب السحابه!
ليلي سرى واصبحت ماغمض الطرف=مليت من حبر القلم والكتابه

شاعرة نجد

03-08-2017, 11:11 PM

http://www.holy-bible-1.com/media/12242/html/12242-img008.png

ياطير ياللي كل ماقلت ياطير=رفرفت في عالي سماي بْجناحك
واجتحت خفاقي وانا قبلك بْخير=وروّحت مح سجة هجوسي مراحك
مع الخيال ونسجه الكاذب اطير=يسعد مساا شعري ويسعد صباحك
ترويح ماغيّر مسار المقادير=بين انعماسك خاطري وانشراحك

شاعرة نجد

07-08-2017, 12:16 AM

لاتنطوي بين الحروف ونقطها=حدسك يجاوب حسها ياحياتي
يموت شيطان الذكي مالقطها=الا انت ياسلطان روحي وذاتي

شاعرة نجد

07-08-2017, 12:35 AM

لجت عصافير صدري مـن ضمـى شوقـي=سـمــايــم الـقــيــض تـضـمـيـهـا بــ .لاهــبــهــا
يبّس ضمَى الوجد حوض الورد وعروقي=واشــبــاح الاحــــلام هــــزت لــــي مـنـاكـبـهـا
وتصريـف الايـام مـاجـاا لــي عـلـى ذوقــي=وقـبـلـي مـــن الـنــاس مالـحـقـت مطـالـبـهـا
لــبّــى قـصـيــدي ولــــو قـفــلــت صـنــدوقــي=غــامــض حْــروفـــه تـلاعـبـنــي والاعـبــهــا

شاعرة نجد

19-08-2017, 12:08 AM

طَـرَى حرفـي اللـي يستثيـرك وهـو مـا ثـار=كـثــر مــاعَــزَف لـلـحـيـن مــابــاح مـكـنـونـه
يشـد الـحـزام ويـسـرج الخـيـل فـ .المضـمـار=تجـهـز عـشـانـك واقـــرب الـنــاس ينـهـونـه
سرى لك على درب الغلا والطريق غْبار=عسـاه يْتبيّـن لـك عـن الناس,مضمـونـه,

شاعرة نجد

09-09-2017, 12:08 PM

ياهجس تاخذني على كل حزه=والقلب تايق والمشاعر قراطيس
قلب المولع كل نسمه تهزه=تكشف غراامه لو بعيد المراميس
وعينه لها من لذة النوم فزه=لادق باب الصدر كف الهواجيس
له مع سفير الشوق قدر ومعزه=ياما عبر به مع جميع التضاريس
حسيبه الله ما لَـ .الايام مزه=بين الظروف وبين رق الاحاسيس

شاعرة نجد

18-09-2017, 11:00 PM

لـيـتــه يــشــوف دمــــوع عـيـنــي ولـيـتــه=يـسـمــع دعــــاي لــيــا بـكـيــت ودعـيـتــه
كم عاام مــــن ودّعــتــه وغــــاب عــنــي=ابوي مـــعــــي وخــالــقـــي مـانـسـيــتــه
مــــاودي الا بـريـحــة اشـمـاغــه الــلـــي=أشــفـــى واطــيـــب بـريـحـهــا لانـتـشـيـتـه
أضــمـــهـــا لاثــــــــار حــــزنــــه بــــصـــــدري=وامــســح بــهـــا دمـــــع الالـــــم لابـكـيـتــه
ضــمــة غــــلا ثــــارت عــلـــي الـمــواجــع=جــــارت وانــــا لـيـلــي طــويــل وسـريــتــه
راحــت بـــي الـذكــرى تـســوق الـقـوافـي=يالله مـــــــن بــــيــــتٍ هــــدمــــت وبــنــيــتــه
وصَــلْـــت لــيـــن الـعـاصـمــه واسـتــقــرت=روحـــي وحـامــت فـــوق قــبــره وجـيـتــه
وعودت اجر اخطاي وامسح دموعي=لــــيـــــلٍ جـــــرالـــــي يـــافـــهــــد مــاهــقــيــتــه

رحيل

19-09-2017, 11:23 AM

صباحي جميل
في جولة جميلة بين روائعك نجد

تشبهين
قوس قزح في رقيه بين الغمام

زيارة صباحية
دمتِ متالقة

شاعرة نجد

17-10-2017, 09:51 PM

تسلمين رحيل
والجميل مرورك لاعدمتك

شكري وتقديري,’’

شاعرة نجد

17-10-2017, 10:01 PM

صب من كيفك على رغبة وليفك
وانت تدري ياوليفي كيف كيفي
"
بعثر*حروفي ورتبها بكيفك
سيّد الكلمه وسلطاني وريفي
"
لو نخيتك ماوصلني غير طيفك
أزهمك ويجيك لو مـ اجيك,طيفي
"
*سل سيفك ياحبيبي سل سيفك
واقطع الفرقى المريره ياوليفي

شيخـــة الغــيــد

06-11-2017, 05:30 AM

/
صح لسانك غاليتي ع هذه الدرر المنثور ة هنا

/

http://akphoto1.ask.fm/085/540/574/2390003028-1rk6tak-f52cn76i80ldfgk/original/1486629_507397189380573_629578327_n.jpg

شاعرة نجد

13-11-2017, 11:24 PM

لاعدمتك مستشارتنا
واللهم آمين وصح بدنك
وشكرا جزيلا لـ حضورك وكلماتك الثمينه

ودي وتقديري,’’

شاعرة نجد

13-11-2017, 11:27 PM

يـأمـر وينـهـى سـايـر الـوقــت فـيـنـي=مــكــتــوفـــة الـــيـــدّيـــن والـــحـــيـــل لله
عيّـى علـى مشـهـاة نفـسـي يجيـنـي=وانـــا اتـصـبّــر وانـتـظــر واطــلــب الله
وارسم من الاحلام في نوون عيني=علـى الله احلامـي تحقـق عـلـى الله

شاعرة نجد

21-11-2017, 09:38 PM

http://www.r111n.com/image.php?u=591&dateline=1283033759

ياطير حلّق لاتجي حـول الاسيـاج=حلّق تـرى ان صـادوك مايطلقونـك
أفرد جناحينك مع الصبح لـ .انباج=غــيــرك عــلــى حـرّيـتــك يـحـسـدونــك

ملكة الرواسي

28-11-2017, 11:03 AM

https://1.bp.blogspot.com/-74W-ojb8KNg/WIomttLnaOI/AAAAAAAAnz8/Uk63Gdcxb84yqdNub_MTLuREhmUR1eRAACLcB/s1600/Good-Morning-Flower-pictures7.jpg

شاعرة نجد

29-11-2017, 08:16 PM

كـانــك تـسـولــف عــلــى روحــــك عـلـشـانـي=فـ .انــــا عـشــانــك جــديـــد الــقـــاف غـنـيـتــه
صغت أعذب الشعر من روحي و وجداني=ومــريـــت فـــــي حـــــال عـــمـــري مـاتـمـنـيـتـه
شـوق,وسـهـر,وانـتـظـار,وكــوكــبٍ ثـــــانــــــي=لـــيـــت الـــقـــدر مــاخــذانــي لــــــه ولاجــيــتــه
أبــــعـــــدت وابـعـدت,والــمــكــتــوب لاقـــــانـــــي=وانــــكـــــرت واقـــــع,وبـــــاح الــســد,وابــديــتــه

ملكة الرواسي

24-12-2017, 11:27 AM

ملوكه مرت من هنااا
.

رحيل

23-01-2018, 12:03 AM

فاقدين
شاعرتنا عسى المانع خير

شاعرة نجد

31-01-2018, 08:39 PM

مرحبا بمرورك ملكتنا
وماتفقدين غالي مراقبتنا الفاضله

منور ركني بمروركن,’’

شاعرة نجد

31-01-2018, 08:41 PM

خـلاص الـودااع اللـي تحاشـيـت وقتـه..حـان=وأنـــــا مـاهـقـيــت انـــــه يــجـــي يــوم..نــتــوادع
رقصنا على عزف الزمن..بـ .اعذب الالحان=وأثـــاريـــه مـايـبــقــى عـــلـــى حــال..ومْــخــادع

ملكة الرواسي

06-03-2018, 11:45 AM

كنت هنا بالجوار ..

شاعرة نجد

10-03-2018, 10:37 PM

مراسيل المشاعر قصرت ماودت المطلوب=تعثّر ياعذاب اللي تنازل عن مطالبها
تطوع نفسها ترضى وتعْسفها على المكتوب=ولو فارت دْلال الصبر من صالي لهايبها
يهيض خافق المشتاق لاغنّى الحمام,ونوب=يعيده من جديده كل ماهبت هبايبها