** مقتطفــااااتـــي **(خاص) [الأرشيف] - الصفحة 2

شاعرة نجد

08-08-2018, 01:56 PM

قريحتي فلي جديلك وشوشي
قومي الفحي من صادق الروح كم بيت

في حضرتك صالة وجالت جيوشي
جيش المشاعر جاا على حسك وجيت

غني ولاتفلين مطوي عفوشي
جيبي جديدك من بَعَض ماتمنيت

كم كثر دمع العين كسّر رْموشي
لاغنت الورقاا على الغصن واوحيت

هديلها وقامت على ماتنوشي
من عروق قلبي وشلعتها وجريت

موال منه امواج الازرق تطوشي
بغيت ارده واكتم الصوت وازريت!

شاعرة نجد

10-08-2018, 11:14 PM

ترف عيني لي شهر بس هـ اليوم
طول النهار وجفنها له رفيفي

يمكن يجيني من هوى بالي علوم
لاقوّمه من لذة النوم طيفي

والحدس يجمعنا لو ابعَد من نْجوم
الليل,ياساعة لقانا العفيفي

ياطير ياللي فـ السماا تكسر الحوم
خذني على ذاك الجناح الخفيفي

ودي بجوله والسماا كله غيوم
ماجتني الدنيا على كيف كيفي

شاعرة نجد

01-09-2018, 12:14 AM

ولي حمامه(يُم)تنوحين وشفيك
قبل صلاة الفجر والناس نايمه

بالله ذالحزه وش اللي مْصحيك
جوع وَعطش يحّول والا مْهايمه

صحيتي عْيوني عسى الله يجازيك
وهيضتي الخاطر وجبتي عزايمه

قسم لو انك ماتطيرين,لـ اجيك
وافتح لك الشباك رفقه ودايمه

واجر موالي واغني والاحيك
ومن لام,قلت القلب ينلام لايمه

هزاع محمدالعاصمي

01-09-2018, 08:34 AM

جميل اختي الشاعرة المميزه
مررت من هنا وأعجبني المكان بمايحوي من جمال ورقة
وروعةواحببت تسجيل إعجابي ومتابعتي لك للعذوبة هنا مكان
دمتي بخير وكل الشكر

شاعرة نجد

01-09-2018, 10:28 PM

الجميل حضورك شاعرنا
ومتابعتك تشريف طال عمرك

شكري وتقديري,’’

شاعرة نجد

02-09-2018, 01:56 PM

ليتك الى من جَتْك الابيات شاعر
وترد,ياما كان ياشوق غنيت

ياما تفيض مْن الغراام المشاعر
يااما ويااما جاك,لو كنت من بيت!

رحيل

06-09-2018, 03:53 AM

الله يصبحتس بالخير
والسعادة والطمأنينة شاعرتنا

مدونة جميلة كنت هنااا

شاعرة نجد

09-09-2018, 12:07 AM

^
^
ويصبحك بـ النور والفل المنثور
لاعدمت الحضور مراقبتنا

مرحبا الف,’’

شاعرة نجد

09-09-2018, 12:08 AM

تمرجحي فوق الغصن يوم هبه
نسيم ربي والعبي ياحمامه

قومي اسجعي واستمتعي دون سبه
لو ترفعين الصوت مالك ملامه

وانا بـ اعوم ابّحر شعري وغبه
واجيب من شوق الخفوق وغرامه

شعرٍ دوى لـ اهل الوفاا والمحبه
عليه من صادق شعوري علامه

هيضتي الخاطر,وروحه وطبه
عذب القصيد اللي رفيعٍ مقامه

شيخـــة الغــيــد

18-09-2018, 06:21 AM

||

إستيقظنا على عظيم هبات الله
روح عادت .. ونعم زادت.. وصباح أطل . وأمن أظل
فلك الحمد عدد كل شيء .. ولك الحمد ملء كل شيء .
صباحكم أنفاس ترتوي بذكر الرحمن
/

https://pbs.twimg.com/media/Dl0f4AUXsAAIyei.jpg

شاعرة نجد

08-10-2018, 11:01 PM

وصباحك ومسااك مستشارتنا الغاليه
نورت مدونتي,’’

شاعرة نجد

08-10-2018, 11:06 PM

جـيـتـك وأنـــا كـلــي عــلــى ماتـمـنـيـت
أرتـــــب حْــروفـــي واجـــهـــز ســـؤالـــي

كـنـت أحْـسـب انــي وقتـهـا لاتحـديـت
بـيـصـيـر مــــاودّي وصـــــوّر خـيــالــي

ولعبـت فـووق الـمـاا وتَحْـتـه وغنـيـت
وجـريـت مـوالــي عـلــى مـاطــرى لـــي

رسـمـت مـاصـوّر خـيـالـي بـكــم بـيــت
طرزتهـا بسـلـك الـذهـب فــوق شـالـي

وأبديـت لــي واوحـيـت لي,واستعـديـت
وهبّت على غيمة سمانا الشمالي !!

شاعرة نجد

15-10-2018, 11:02 PM

صباح الورد مع قطر الندى مع لونه الجذاب
علـى كـف الغـلا ويـروح لابـان السفـر صـوبـه
********
علـيـه أبـيــات شـعــرٍ ماكتـبـهـا شـاعــرٍ كـــذاب
رنيـن حْروفهـا مـن صــادق الـوجـدان مكتـوبـه

شيخـــة الغــيــد

17-10-2018, 04:08 AM

||

أفضل القلوب :
قلب لا ينسى من يحب؛
وأفضل الناس :
شخص لا ينساك مع الأيام
وأفضل العطاء :
دعاءً يُرفعُ لك وأنت لا تعلم.

؛
أسعد الله قلبك وحياتك غاليتي في الدارين

محمد العواد

21-10-2018, 05:42 AM

يا شاعرة نجد لاغبتي عن الساحه

بيني وبينك يغيب الشعر والهامه

ركنك عطيني كذا نسخه لمفتاحه

مثلي بمثلك يلوم الله من لامه
.
.
.
مبدددعه جزله عذبه يانجد ولا غرابه
دام الشعر والشاعره

شاعرة نجد

27-10-2018, 11:10 PM

||

أفضل القلوب :
قلب لا ينسى من يحب؛
وأفضل الناس :
شخص لا ينساك مع الأيام
وأفضل العطاء :
دعاءً يُرفعُ لك وأنت لا تعلم.

؛
أسعد الله قلبك وحياتك غاليتي في الدارين

ويسعدك مستشارتنا ويحفظك ويديم حضورك العطر
وتسلمين لاعدمتك
كلمات من ذهب,سلمت الانامل
ودي وتقديري,’’:7:

شاعرة نجد

27-10-2018, 11:33 PM

يا شاعرة نجد لاغبتي عن الساحه

بيني وبينك يغيب الشعر والهامه

ركنك عطيني كذا نسخه لمفتاحه

مثلي بمثلك يلوم الله من لامه
.
.
.
مبدددعه جزله عذبه يانجد ولا غرابه
دام الشعر والشاعره

الابدااع حضورك شاعرنا
وصح لسانك وتسلم وتدوم,’’

الشعر بحْر ونجووم الشعر سباحه
في ساحته كل مبدع يلبس وُسامه

والركن تشريفكم نوره ومصباحه
يـ الشاعر اللي تجيد الحرف وانغامه

شاعرة نجد

29-10-2018, 10:31 PM

ياساري اللـيـل لاتـخـلـف مـواعـيـدك
لاصــــرت انــــا بـانـتـظـارك لاتخـلـيـنـي

قبل أمس اكابر وابي فرقاك مـ اريدك
واليـوم اناديـك واهــدي لــك عناويـنـي

خـذ روحـي اللـي تحـرّى جيّـتـك بـيـدك
مـــع سـكـتـك ويـــن مــــاودك تـوديـنــي

ياغايتي جابـنـي صـوتـك وتـرديــدك
عـبــارةٍ مــــن حــلاهــا سـاكـنــه فـيـنــي

تـفـيـدنـي يـاســمــاا دنــيـــاي وتْـفــيــدك
فكـت طلاسـم وسـارت مــع شراييـنـي

وحلّقـت فـ الجـو مـع حسـك وتغريـدك
على بساطك لمست الشمس بيدينـي

شاعرة نجد

30-10-2018, 10:39 PM

لـ ســمــعـــت الـربـابـه,آهـ يـالـ الـربـابــه
كـن قلبـي علـى قــوس الربـابـه يـجـري

جرّها المبدع اللي ماطـرى البـال جابـه
ليت قافي على خافي الخفوق مْتجري

شاعرة نجد

04-11-2018, 10:56 PM

بشـويـش ياوقـتـي عـلـى الـهـون بشـويـش
دخــيــلــتــك حــــــــاول تــــراعــــي مــــزاجـــــي

لاطــااب جــوّي طـرت مـدري عـلــى ويـــش
وش طــيّـــرك تـفــســد عـــلـــي ابـتـهــاجــي

وان جاا على صدري من الضيق تشويش
مـــــن ثــقـــل دمـــــك مـالـقـيــت الـخــراجــي!

شاعرة نجد

21-11-2018, 10:35 PM

مراسيل المشاعر قصرت ماودت المطلوب
تعثّر ياعذاب اللي تنازل عن مطالبها

تطوع نفسها ترضى وتعْسفها على المكتوب
ولو فارت دْلال الصبر من صالي لهايبها

يهيض خافق المشتاق لاغنّى الحمام,ونوب
يجيبه لاحبيبه كل ماهبت هبايبها

شاعرة نجد

27-11-2018, 12:10 AM

أمانه يالحمام الراعبي وشبك تجر الصوت
تجره من طرب والا حزين وحالتك حاله

على الغصن الندي والمي عندك والفضاا والقوت
وُّليفك مَعْك,عايش في حياتك سالي وداله

أجل لو كنت مثلي كان يمكن تنتحر وتموت
وحتى لو بدعت القاف,لو جريت مواله

يوسع خاطري لاشك صوتي داخلي مكبوت
رداة الحظ تاهت في صداه وقصت حْباله

لقيت روحي

27-11-2018, 01:41 AM

http://blogs-static.maktoob.com/userfiles/h/e/heba_alagha/images/dsc01514.jpg

يابحر لاتغري عْيونـي بالامـواج=وأغرق وأنا ما اجيد فن السباحـه
أحتاج لك من ماضي الوقت واحتاج=ل.هدير موجك في خفوقي مساحه
مالي عن الضيقه ولا الهم مخـراج=وألقى عليك العصر لاجيت راحـه
معظم قصيدي يابحر طـي الادراج=الا على جالـك حْرووفـي مباحـه
أفرح إلى ماشفت حولك حد(ن) داج=ماحولي الا الطير يكفـخ جناحـه
عشان أغني دون منقود واحـراج=واجر مبدأ القاف واطلق سراحـه

لله درك يا بطله

كم انتي شاعره قديره وكبيره وغايه في الابداع

لا اخفيك

من اول قصيده قراتها لك بالمنتدى تكونت عندي لك صوره كامله بانك من اقدر وافضل الشعراء اللي مرو علي

صح لسانك وادام الله صحتك وسعادتك واطال عمرك

لي عوده لاتابع باقي هذا الديوان الجميل
تقديري وشكري
الرويلي
خالد

لقيت روحي

27-11-2018, 02:27 AM

لـ ســمــعـــت الـربـابـه,آهـ يـالـ الـربـابــه
كـن قلبـي علـى قــوس الربـابـه يـجـري

جرّها المبدع اللي ماطـرى البـال جابـه
ليت قافي على خافي الخفوق مْتجري

تفضلي هون
https://www.r111n.com/showthread.php?p=560270#post560270

شاعرة نجد

28-11-2018, 09:08 PM

تسلم وتدوم يـ الرويلي
وصح بدنك والابدااع مرورك لاعدمت مرور المبدعين

وداام فضلك وصحت ذائقتك
شكري وتقديري,’’

شاعرة نجد

03-12-2018, 08:19 PM

تلتقي فينا مشاعرنا وحنا مـ التقينا
ياردي قوة عزايمنا وياطيب الخيال

كل مافاحت دلال الشوق واشتدت علينا
وضاقت فجوج الوسيعه وانقطع حبل الوصال

اعتزا نسج الخيال وجاا على الحس وسرينا
والتقينا لو لقانا من جفَى الدنيا محال

واشتكينا وابتدينا قصة الود وحكينا
فـ الظروف اللي عليها الصبر للمشتاق طال

واسفر الصبح وعلى طلعة خيوط الشمس جينا
ردنا ذاك الخيال وماحصل صعب المنال

كل واحد في مكانه وانتهت وش في يدينا
نعتبر ماصار لو ماصار مع ذالصبح فال!

شاعرة نجد

04-12-2018, 09:26 PM

هااك القصيد اللي من الرووح للروح
ابيات عذبه لو قليلٍ عددها

فيها الغلا والود جاري ومسموح
يطلع على ذيك الغيوم وبردها

ويمطر من الاشواق مع فااخر البوح
اللي كثير اهل الهوى يفتقدها

ماودي اسرح في سماا الفكر واروح
بلاش خل اسرارنا في مَهَدها

النجلاء

06-12-2018, 06:33 PM

الشاعره المبدعه والنجمه الامعه
شهادتي فيك مجروحه
دومآ متألقه ومبدعه بقصائدك
لاحرمنا المولى هذا الوجود الذي نفخر ونتشرف فيه
تصفحت واستمتعت بجمال حروفك
النجلاء

شاعرة نجد

10-12-2018, 11:20 PM

الشاعره المبدعه والنجمه الامعه
شهادتي فيك مجروحه
دومآ متألقه ومبدعه بقصائدك
لاحرمنا المولى هذا الوجود الذي نفخر ونتشرف فيه
تصفحت واستمتعت بجمال حروفك
النجلاء

شهادتك فخر وتاج على راسي
لاعدمت مرورك وفاخر حضورك,والشرف لي فديتك

شكري وتقديري,’’

شاعرة نجد

10-12-2018, 11:24 PM

تعال قللي عن ظْروفك وابَدْرسها
واشوف هي تستحق العذر لـ ابديته

وان صاار والله لـ اخضع لوتغطرسها
يقضي به العمر كله ماتهنيته

ياحلمي ويامُنى روحي وفارسها
كم بيت شعرٍ كتبته لك وغنيته

إيوالله انك جذور الود غارسها
فـ القلب والشوق لو كابرت مـ اخفيته

شاعرة نجد

14-12-2018, 10:17 PM

يا غايتي مد حبل الوصل وامده
مـ عاد باقي معاي مْن الصبر ذره

خلص تقلص قضى يُم زااد عن حده
وانا على البوح يامشكاي مضطره

لا آبو التحفّظ ولا آبو عمه وجده
تْعبنا وذبنا وحنا نتبع الجره

عادات وظروف تقصَى المرء وتضده
مـ عاد يقدر يطيق الصبر بالمره

واعاتب القلب والحاصل كشف سده
حبس المشاعر وطول الصبر ماسره

كم وده تْجي على كيفه قسم وده
لاشك عزي لمن طول الامل غره

مرسول الاحباب خذ مكتوبي وُّده
وقل للحبيب الغلا عج البطاا ضره

شاعرة نجد

15-12-2018, 11:44 PM

غن ياليل القصيد وهات من نبض الوريد
وسع الخاطر ولو ماتقدر تْعبّر مـ اريده

دندن وغن وتسل وسل من عذب الجديد
عل يسلا خاطري لامن تهيض,من جديده

من غرام ومن هيام ومن جزيل ومن مفيد
واختصر رمز الغلا والود في جمله مفيده

حطها في شطر فاخر,شطر واحد عن قصيد
يعتبرها نور عيني لاقرَى,بيت القصيده

شاعرة نجد

19-12-2018, 10:07 PM

حبيبي عليك الله لطفاً علي بـ الهون
أمانه امانه لاتعمد تبكيني

واذا انك تبي تدري غلاك وهواك اشلون
قسم ياحبيبي ساكن بْكل مافيني

شاعرة نجد

24-12-2018, 10:35 PM

أعــــــد خــطــواتــي وانــــــا مـاتـخـطّــيــت
عـيّــت تـخـطــَّى اقــــدام رجــلَــيّ عــيّــت

مدري اصبـت الـدرب والا انـي اخطيـت
والـمـشـكـلــه (يُـم)فـرصــتــي مـاتــهــيّــت

جلست احاسب صادر الحرف وابطيت
مــاكــنــي الا مــــــن رجـــــــاا ردّ مـــيّــــت

خيال مطير

24-12-2018, 11:44 PM

بيض الله وجهك شاعرة نجد الله لايهينك , ويحفظك ربي
مبدعه دوماًً سيدتي
كل ماضاق صدري
أجي هنيا
تحياتي لشخصك الراقي

شاعرة نجد

25-12-2018, 10:17 PM

^
^
مرحبابك مستشارنا
و وجهك ابيض يـ النشمي والابدااع حضورك الكريم

والتحيه والتقدير لك,’’

شاعرة نجد

26-12-2018, 10:46 PM

الاجازه يَمّ جده والقريحه مستجده
دام ماصارت على كيفي تغني يـ القريحه

كنت قبل ايام يانجد العذيه مستعده
للسفر يمّك ولكن عيت ظروفٍ شحيحه

عيت الخيره ومن سافر عسى ربي يرده
واهني ياواهني اهل القلوب المستريحه

والعوض بك يالمُخيم لاوصل فـ الصبر حده
أطلع لْوحدي واجر الصوت بـ ابياتٍ صريحه

واتغنّى فـ الديار اللي لها حب وموده
في فيافي نجد يُم خالط خضار العشب ريحه

ماحصللي,ماعن المكتوب يـ المحبوب صده
والعوَض فـ المقبلات وغن ياليل الجريحه

شاعرة نجد

29-12-2018, 02:37 PM

أنا والله اني كل ما جاا بقلبي شي
وحاف الخفوق المُبتلَى يالغلا حايف

نخيت القريحه وفْزعَت كل مابيدَي
هي اللي بوسعي لاكذب حلمي الزايف

تصورت ماصورت ياحيرتي وش في
سراب وضباب وتوّنا جونا كايف !

حمامه تعالي ودي العب معاك شوي
على النافذه بـ اسمع صدى سجعك النايف

تغنين طربانه على كوم حب ومي
وانا خاطري مكسور والشوق متضايف

شاعرة نجد

01-01-2019, 12:14 AM

يَكْفيني اللي حصل خل العتب والملام
لعلّي انـسى المواجع تسلم جْروحي

ويكفيك مني غلانا اللي مضى والغرام
خل العوَض في قصيدي لانـزف بوحي

تثيرني نسمة الغربي وسجع الحمام
واكتب مواويـل من روحي على روحي

موال لو يسمعه راع الهوى ماينام
عشرة ليال ويْزود لْيا ذكر نوحي

حرام كتم المشاعر ايْوَرَبي حرام
الا انا صار في مبداي مسموحي !

شاعرة نجد

01-01-2019, 12:25 AM

هجـوسـي لامـتـى تـسـري بقـلـبـي
معـك فـي ذا المتاهـاات المخيفـه

أخااف الدرب يقصر ماوصل بي
أمــانــه خــــل مـعـلـووقـي بْـكـيـفـه

شاعرة نجد

01-01-2019, 12:27 AM

عسى خير ياحلمٍ حلمته وطـار النـوم
وأنــا نــوم عيـنـي لاتـكــدّر عـلــى الـريـحـه

سعـيـده ومبسـوطـه ولـكـن قـبـل كــم يـــوم
حـصـل مـ اتحـلّـم بــه ولا تـــم توضـيـحـه

عجزت افهم الموضوع ياليل لو مفهوم
عـسـاي ادرســه وافـهـم سـرايـر مفاتـيـحـه

شاعرة نجد

01-01-2019, 01:54 PM

إيه أنت يامن انت فـ الروح ساكن
أسرفت في قلبي وفي روحي إيه أنت

أدمنت في حبك ولكن ولكن
أخاف لـ انطقها وانا بْحبك ادمنت

ناصر الهواوي

01-01-2019, 06:00 PM

ياسلام مقتطفات من حدايق ورد تخط بماء الذهب
(عساي ادرسه وافك شفرة مفاتيحه)
هالشطر عن قصيده بحالها هههههههههههههههههههههه
صح لسانك
(مريت ضايق بهالمشتل ورحت اضحك=مبسوط ما كن جاء في خاطري ضيقه)
لاهنتي ياشاعرتنا لاهنتي

شاعرة نجد

01-01-2019, 08:02 PM

^
^

(عساي ادرسه وافك شفرة مفاتيحه)

عن معلقه هـ الشطر مو عن قصيده,
مدرسه شعريه شاعرنا
ومنك نستفيد,
وتسلم وصح بدنك وصح لساانك

(مريت ضايق بهالمشتل ورحت اضحك=مبسوط ما كن جاء في خاطري ضيقه)
؛
؛
شرفتني يـ الزعيم بْـ شرحك ومدحك=مرور مثلك فخر,حرفه وتعليقه

ريم الفلا

02-01-2019, 07:04 PM

لديكِ مدونة راقية وجميلة .. أحببتها وأحببت كلماتك وعذوبتك واصلي أبداعك ف انا متابعة لكِ

شاعرة نجد

05-01-2019, 11:35 PM

لديكِ مدونة راقية وجميلة .. أحببتها وأحببت كلماتك وعذوبتك واصلي أبداعك ف انا متابعة لكِ

فديتك ريم وحبك ربك
والراقي والجميل حضورك الفااخر
مرحبا بمتابعتك,’’

ياريم عندي حضورك غير
يامرحبا الف ياريمه

اعداد سجع الحمام عصير
واعداد ماتمطر الغيمه

لك عندي وخالقي تقدير
ومعزه وحشمه وقيمه

شاعرة نجد

07-01-2019, 09:20 PM

في سمايه سحابه غيير لون السحاب
أشهد انها بدت تقتم بْصافي سماي

مانزل من مطرها غير شكل الضباب
لاانْجلت عن سماي وُلاروَتْ لي ضماي

مهرة يام

10-01-2019, 04:02 PM

مساء الورد
ابداع وجمال
صح لسانك
مررت من هنا

شاعرة نجد

10-01-2019, 09:41 PM

مرورك وسام يـ مهرة يام
مرحبا الف:7:

شاعرة نجد

10-01-2019, 09:42 PM

جديدي..
يقول وش ودك وانا اقول ودي
اللي تْعَرْفه يوم ودي و ودك

العام يُم وصلك مع الريح ردي
وبيحت من كثر المراسيل سدك

وانا قفَلت وضاع مفتاح سدي
من كثر مـ اشرد بين مزحك وجدك

واحكي على نفس واسولف بـ يدي
واروح مع هاجوس قلبي لـ حدك

واطلع على سطح القمر واستعدي
بموال شعرٍ كل ماغبت ردك

موال فيه مْن الغلا والتحدي
لـ وهج المشاعر,والهوى صار ضدك

لاضعت في موجي بجزري ومدي
وبْعذب قافي لاقريته وشدك

وانا على روحي بروحي واهدي
كني ولاهمي فراقك وصدك

ويالله من دمعه جرت فوق خدي
وياشينها شيناه لـ الشوق حدك

ملكة الرواسي

15-01-2019, 12:31 PM

https://i.pinimg.com/564x/24/85/f9/2485f9cc9d46e6da17293cbfaf30f2e0.jpg

.
مساء الطيب لأهل الطيب والذوق

كونوا بخير ...

شاعرة نجد

30-01-2019, 11:33 PM

^
مساء النور والطبيعه الجذابه
مرحبا الف,’’

شاعرة نجد

30-01-2019, 11:33 PM

هز يالوجداان بركان القريحه
خل يطلع ثايره فووق السحاب

كمّل الباقي على رووح الجريحه
واحْسب لـ غامض هويتها حْساب

لين تستوطن مشاعرها الصريحه
دولة الحزن ومُعاناة الغياب

بين حال المُجهده والمستريحه
حايرهـ . والصمت يَجْرَحْه العتاب

شاعرة نجد

31-01-2019, 11:28 PM

ياطير ياللي تصفق الريش بشويش
شعيتني ياطير والله حسيبك

وأنا من الفرقاا عْروقي معاطيش
يالله عسى ماصاب قلبي يصيبك

تعبت أهدّي ضيقة الصدر وتْطيش
وين أنت ياللي عَجْز حدسي يجيبك

نطرد ورى الايام مدري على ويش
ونصدّق الاحلام عيبي وعيبك

كافي شبعنا من شقى العمر,بنْعيش
كافي علينا فاض جيبي وجيبك

الشامخه

04-02-2019, 02:06 AM

كنـت هنا ،،
استمـري بـ ابداعك،،
دُمتِ بخير:)

شاعرة نجد

27-02-2019, 11:24 PM

مرحبا الف يـ الشامخه
والابدااع مرورك

جعلك بخير,’’

شاعرة نجد

27-02-2019, 11:25 PM

تل قلبي تل سكسٍ معَ طلعة كرا
تلّه السايق ودخانه اعمَى من وراه

من هجوسٍ لاسرابي معه ليلي سرى
واعتزَى قافي وصور وحيّر من قراه

تاخذ اشواقي من الروح ماحيٍ درى
تستثير الخاطر الغلق وتعكر سماه

ياوليفي آهـ عزاه من ليلٍ جرى
لْجفن عيني لو يغمّض واغطيه بْغطاه

ساهره ليلي مع الطيف واسأل ياترى
هو معي ساهر على الحَدْس والاحساس جاه

والا مع من باع في طرد دنياه وشرى
همه الدنيا ولا غيرها في ذالحياه

يشهد الله مابعد مر ساعه ماطرى
على بالي لين هايمت وادمنت بْهواه

شاعرة نجد

11-03-2019, 10:02 PM

تبكّيني الذكرى وانا قبلها يحّول
نسيم الهوى لامر يمه يبكيني

على البوم شفت اليوم في شاشة المحمول
صور كنّها واللي خلقني تحاكيني

تذكرت مافكرت في بالي المشغول
ولا فـ المشاعر كيف للشووق تشكيني

عبدالله الصقري

12-03-2019, 05:58 AM

القديره شآعرة نجد

صح لسانك ع كل حرف و صوره و معنى

.
.
لـ.الــصـــيـــد مـتـعـه..مـايــقــدّر ثــمــنــهــا
وأنــا بغـيـت أستمـتـع اليوم..وابْلـشـت

صدت سْمكه(يُم)شفتها خفت منها
وخليـتـهـا بـسـنّـارة الـصـيـد وانْـحَـشــت

-----

عبدالله الصقري

12-03-2019, 05:59 AM

ما قريت الا نص المدونه

عبدالله الصقري

12-03-2019, 06:00 AM

..
لو السمك يدري بـ نجد و شجنها
كان انتحر لو نجد قآلت تمتَّعت

يمديه مدمي بـ الصنانير مَلهى
ما بين .. وَجَّعتيني .. و .. ما توَجَّعت

عبدالله الصقري

12-03-2019, 06:04 AM

يعني يجيك للشاطي يقول خذيني
لكن
انتحاره يعني
روح الوجود
أو
دم الاموآت

عبدالله الصقري

12-03-2019, 06:12 AM

أولا لي عوده

دآئما اقول صح لسانك مدد بلا عدد
واسمحي لي شوي

كل حرف اقرآه لك يا نجدنا
يسترقني .. يرتحل بي جآيده

كل معنى فيه موجز جرحنا
من قريته كل جرح آعآيده

قبل عام 2000 تابعتك و انا
من عبير القاف روحي قايده

صرت اتذكَّر طلآل و رسمنا
بالقلم من فوق ذيك المآيده

يوم نترك نعمة الله من هَنَا
لاجل بيت يرودنا و نرآوده

لو نجوع شوي نرجع في غنى
و النفوس تصوم لو هي بايده

شوقنا .. قلب ٍ من اشوآقه رنا
بالحنين قصور همَّه شآيده

ننسكب فوق الصحايف للجنى
نازفين .. و كل قلب و كآيده

كم أمل في الحب؟ و كم نآل المنى!؟
و كم بقى من هالقلوب البآيده !

ليتني في نجد غيمه أو سنا
تُوحِل العجّ . و تكسِّر سآعده

كان ما لاحت هواجيسي ظنا
كلّما جت شآرده أو وآرده

لا ولا عآنقت بسمآت الفنا
يومه الشآعر .. كَفَنْهُ قَصآيده

ما دروا كم لي أروفه من عنا
أو كم أجآنب من بغى به فآيده
.
............

يتبع ..

شاعرة نجد

13-03-2019, 12:39 AM

قبل عام 2000 تابعتك و انا
من عبير القاف روحي قايده

عاد عام 2000 يـ شاعرنا! :smile:
صح لسانك صح لسانك
متابعتك تشريف ونورت مقتطفاتي
لاعدمت حضور المبدعين,
وشكرا لك عـ المتابعه ولكل متابعيني

وصح لسانك عـ المجاراة الفاخره
البيتين هذي / مسابقه في تعليق على صوره
يوم نشاط المنتديات:smile:

وصح لسانك مره ثانيه
ومرحبا بك على متصفحي,’’

عبدالله الصقري

13-03-2019, 01:32 AM

عبدالله الدّنّيش

13-03-2019, 04:47 AM

عبدالله الصقري

13-03-2019, 09:10 AM

يا سلام عليك شاعرتنا القديرة
وصح لسانك ودام عطائك ،،
من حين لآخر نطل على هذه المدونة الفاخرة و(( الخاصة ))
ونعلم أن التعليق على محتواها يسبب إرباكا في صفحاتها

وهي مدونة خاصة .. كما أنوه بأن مشاركة الشاعر/ عبدالله
الصقري بقصيدة أو تعقيب أو تعليق في مدونة خاصة يعد
تدخلا وتشويه لمحتوى المدونة الخاصة بصاحبها .. وقد نجد
له العذر لأنه عضو جديد بالمنتدى .. وليتقبل هذه الملاحظة
بروح أخوية وخالص التحية ،،

.....

أولا أعتذر لصاحبة المدوَّنه ان كنت سبب تدخل و تشويش أو أي شي
و أعتذر ثانيا اني قمت الآن بالرد هنا والواجب ارد برساله خاصه لاخي عبدالله الدنيش اللي يفترض به ان يرسل لي عالخاص هالكلام مو يقول شوهت مدونه خاصه و يرد في نفس المدونه و هو مثلي مجرد فرد لا هو مشرف و لا اداري
ولا أدري وش اللي خلاه ينقز علي هالنقزه
لا و يتعذر عنيّ كمان !!
عموما شكرا يالسمي ما قصرت ووجهك ابيض ولاتلومني توي جديد ما افهم شي
ما كن عندي مدونه والكل يعلق بما شاء فيها
أعتذر مجددا للكل و اتمنى ما يكون هالحاصل حاجز بيننا و الله يشهد ان ما بخاطري شي لا عليه و لا على غيره
وسلامة الجميع

محمد الروقي

13-03-2019, 10:29 AM

مروري وتقديري
وصح كلك يابنت الرجال.. كل حرف نهر من الجزاله

شاعرة نجد

13-03-2019, 10:30 PM

تسلمي و دام ابداعك
و قبل عام 2000 هذا لأني من متابعين مجلة المختلف قبل صدور فواصل و أصداف
أذكر من الشاعرات شاعرة نجد , ريميه , بنت ابوها , بشاير العتيبي و كثير
بس الأكيد ما ادري هو انتي اللي قصدتها او لا
و جا البيت هذا معاي تعبير عن تقدير و اكبار لشخصك
و كذا او كذا انتي على الراس من فوق وكل من في الرواسي شعراء و شاعرات
على راسي و في عيني و اتمنى التوفيق للجميع وسلامتك شاعرتنا وتقبلي مروري المتوضع
و لك مني كل الود و التقدير و الاحترام

سلمت ودمت يـ الصقري
والله يكبر مقدارك ويطول بعمرك على الطاعه
بالنسبه للمجلات اللي ذكرت انا كتبت بوحده منهن باسمي الصريح
لكن بـ اسمي المستعار ماكتبت بمجلات ابد
الا ان الشاعر الاعلامي حمد الدليهي استأذني قبل ثلاث سنوات تقريبا
بنقل بعض قصائدي في مجلة كان ممثلها,بـ لقبي(شاعرة نجد)
أوجه له الشكر والتقدير عبر هـ الصفحه

وفيه شاعرات يكتبن بـ اسم شاعرة نجد منهم وحده قرأت لها بتويتر
وكثير شعراء يسألون هل هي انا,قلت لا,لاني ماكتبت بتويتر ابدا

وبداية كتاباتي عـ النت كانت عام 2006,واشكرك شاعرنا عـ المتابعه
ومرورك تشريف,,,

لاهنت,’’

شاعرة نجد

13-03-2019, 10:45 PM

شاعرة نجد

13-03-2019, 10:48 PM

مروري وتقديري
وصح كلك يابنت الرجال.. كل حرف نهر من الجزاله

التقدير لك شاعرنا المبدع
وصح بدنك والجزاله حضورك طال عمرك

شكري وتقديري,’’

شاعرة نجد

13-03-2019, 10:53 PM

طفّى ضياا المصباح يوم اشرق الصبح
حرام ماستمتعت شرقة صباحي

جيته كذا لامن خساره ولاربح
وبيدينه الثنتين قصقص جناحي

سيفه ذبح رووح الجديد البري ذبح
من عقب طرزت الحروف بوشاحي

شاعرة نجد

14-03-2019, 11:00 PM

https://encrypted-tbn0.gstatic.com/images?q=tbn:ANd9GcQpfFIHJYKdXMd3Y8FUsLLV4T3FK85St MGm-nje0C8YSwAi1lV8

في جمال الورد من روحك علامه
الشذى واللون والطيبه بعد

كم كسبت القلب واوليت اهتمامه
بـ انتظارك عشت عمري عـ الوعد

شاعرة نجد

23-03-2019, 12:19 AM

متوقعـه,والـبـارحـه مسـتـخـيـره
وامّا رضينا غصب عنا رضينا

خيره,ولـو مـاودنـا بــس خـيـره
لاصـارت الفرقـى لــزومٍ عليـنـا

شاعرة نجد

23-03-2019, 10:27 PM

http://t2.gstatic.com/images?q=tbn:ANd9GcRMw8vh1PqmG_2FglNDuddnfL27K9HDY w2pyQW8LQO3j4X8K_7hnVbFBlU

ياضايق الخاطر تـرى خاطـري ضـاق
ضيقَتْـك زادت ضيقـة الـصـدر ضيـقـه

بشويـش ياليلي,ظهـر نــور الاشــراق
مانـمـت مــن وهــج المشـاعـر دقيـقـه

واللعب مايصلح علـى بيـض الاوراق
اللعب تحت الماء هو أفضل طريقه!

شاعرة نجد

26-03-2019, 10:27 PM

https://i.ytimg.com/vi/ww4boUJ8XVc/hqdefault.jpg

ياحلوها لاجت على هام السحاب
حلّق بها فـ آفاقها سواقها

وتهيّض الخاطر وجو الشعر طاب
والعين شوف الغيم تحتي شاقها

إيه السفر ننسى الكدر والاكتئاب
والروح للغالي تزيد اشواقها

اسبوع كافي ماحسبنا له حْساب
فرصه ثمينه وين حظي ساقها

وياللعجب صار العتب ملحٍ وذاب
والشمس لو غابت يعود اشراقها

محمد الروقي

26-03-2019, 11:00 PM

الله عليك
دوريلي جودري وبطانيه
نويت ارقد في هالمدونه ولا تنسين القهوووه ابا امخمخ على الجزاله

شاعرة نجد

31-03-2019, 10:59 PM

^
^
مرحبا الف شاعرنا المبدع
حضورك تشريف ويكفي عن الكيف

الجزاله حرفك الفاخر طال عمرك
شكري وتقديري,’’

محمد الـفراج

31-03-2019, 11:06 PM

ياضايق الخاطر تـرى خاطـري ضـاق
ضيقَتْـك زادت ضيقـة الـصـدر ضيـقـه

الله الله
عن قصيده

مدونه رايعه يا نجد ودايم ازورها
صح لسانكـ يالجزله

شاعرة نجد

03-04-2019, 10:34 PM

الرائع حضورك يـ الفراج
وصح بدنك,زياراتك تشريف طال عمرك

مرحبا الف,’’

شاعرة نجد

03-04-2019, 10:46 PM

تـهـمـنـي ويـهـمـنـي مـايـجــي مــنـــك
حـتــى ولـــو كـابــرت بـيـنـي وبـيـنــك

أجـحــد عــلامــات المحـبـه,واراهـنْـك
لو غبت مهما غبت مـ اقول وينك

وأنــا بعـيـد وعايـشـه فـــي مـواطـنْـك
قـلـبــي وفــكــري كـلــهــم عـايـشـيـنـك

لابـارك الله فـي جفـا وقتنـا الضـنـك
جـبـار,لـوتــرفــع لـســيــفــه يــديـــنـــك

لانــاشـــدٍ عــنـــي ولانـــاشـــدٍ عـــنـــك
وأنـا الضحيّـه وانتظـر لـ اجـل عيـنـك

شاعرة نجد

07-04-2019, 12:34 AM

http://files2.fatakat.com/2017/12/posts/small/1514552145_5540.gif

تراكم الغيم كنْه الليل
وبْرووقه تْشووق من قبله

أطرب على شوفته بالحيل
إيوالله اشتاق واطرب له

قريحتي من مَطَرْه تْسيل
من سيلها الحرف يكتب له

بـ اوْصَفْ لك الجو بالتفصيل
برق ومطر والرعد قَبْله

كني على جال نهر النيل
سيل ومطر ياكبر وبله

وسويت دله وزدت الهيل
والقاف يسكب وانا اسكب له

وغنيت لو جوّنا تهليل
لو قالوا الناس منهبله

البُعد جوره يهد الحيل
من ضيمه الكبد مندبله

من لامني لو لحقني ميل
ياضعف عقله وياخبله!!

شاعرة نجد

24-04-2019, 11:17 PM

ياود داام ضلوع صدري تكنك
إزرع على شريان قلبي بساتين

خذ كل ماتحتاج مني ومنّك
عذب المشاعر ترسله شاشة العين

ماردني يامالك القلب عنّك
الا مقاديري وانا وانت دارين

لايختلف مع ساير الوقت ظنك
الصدق يرجح يـ الغلا بالموازين

شاعرة نجد

13-06-2019, 12:20 AM

شيطان شعري صار له شهْر مربوط
لا والله الا ازوَد من الشَّهْر بشْوَي

شهر رمضان الله يعيده له شروط
صْيام وقْيام وهدى الخافق الحي

واليوم خَذْت بساحة الشعر لي شوط
كم بيت لو ماعبّرت كل مافي

فكري على بدع الجزيلات مغْبوط
وانا ترى في ذمتي مـ استفد شي

شاعرة نجد

13-06-2019, 12:22 AM

http://files2.fatakat.com/2013/6/13713362111550.jpg

لو تنطبق سبع السموات عـ الارض
مـ امدّ لك عقب الهجر راحة ايدي

فرضت حبك يـ الغلا فـ الحشاا فرض
قسم قسم يجري غلاك بْوريدي

لين انقرض من قسوة ايامنا قرض
حكْم القدر مكتوب لو مانريدي !!

الجووهره

14-06-2019, 07:16 AM

مبدعه شآعرتنا
مدونه رآئعه و مقتطفآت جميله
صح لسآنك ودآم ابدآعك

كنت هنااا

شاعرة نجد

18-06-2019, 12:03 AM

صح بدنك مراقبتنا وجوهرتنا
والابدااع والجميل مرورك لاعدمتك

شكري وتقديري,’’

شاعرة نجد

18-06-2019, 12:24 AM

https://encrypted-tbn0.gstatic.com/images?q=tbn:ANd9GcR_TG0mKqfPe4rAmYSWJftG28zZUUWvB 1_kAUI0TQ4KJZgeSvl-

ياطير وين..اترووح عطني دوره
بالله تكـرم.. واهدنـي جنحانـك

تعال شرّف..غرفتي الْمَستـوره
شف نافذتها..مْقابلـه بستانـك

وأنا بـ احلّـق فالفضا..مسـروره
وارووح لاوطانٍ مهيب أوطانـك

يامـا قعدّت..اطالعك..مقهوره
وانْتَهْ..تغنّي من جديد الحانك

رحيل

18-06-2019, 07:32 AM

يسعد صباحتس شاعرتنا
تم السطو مدونتس
واخذ هالابيات الجميلة (:

https://1.top4top.net/p_1264eglah0.jpeg (https://up.top4top.net/)

شاعرة نجد

21-08-2019, 12:11 AM

^
^
^

الله الله الله
رووعه رووعه لاعدمنا الانامل مصممتنا المبدعه ومراقبتنا الفاضله
تسلمين فديت جودك وجهودك

شكري وتقديري,’’

شاعرة نجد

21-08-2019, 12:12 AM

https://encrypted-tbn0.gstatic.com/images?q=tbn:ANd9GcT4GiWM4k8z7kwo6Zg6zCSKU6DVe4D6U V40zsVjQQAgaLccs87K

لا لاتعيد الذكريات القديمه
بالله عليك اللي مضى خله يْروح

مافات مات وغيره الله يديمه
أنا سمحت مْن الجفَى وانت مسموح

مابيننا لاهنت غير الحشيمه
والا الغلا حِشت عْروقه من الروح

حشيتها بيديك والله ظليمه
واودعت قلب المخلصه مَعْك مجروح

لين ارتوت من سيل هجرك وغيمه
عافت وشافت مالها منك مصلوح

شاعرة نجد

24-08-2019, 03:34 AM

http://up.albrari.com/uploads/12878701551.gif

لَـ جاا المطر بيت الشعر والبر والجو الجميل
يسوَى المدينه والشوارع والقصور العاليه

جلسه على بْساط البساطه عطرها بنٍ وهيل
يازينها وياقلّها في ذا السنين التاليه

شاعرة نجد

24-08-2019, 03:37 AM

يستثير النسيم العذب حس الشعور
لين صمت القريحه يستبيحه جديده

يانسيم المساا لاجبت عطر الزهور
بين جوري ويشموم وروايع فريده

فالحدبقه يطيب الليل واسري وازور
مع هجوسي ديارٍ عن دياري بعيده

واتعلّل على كيفي واعوُد بسرور
مع خيالي واسامر مَن خفوقي يريده

للظلام ونجوم الليل مُتعه ودور
من صوَرْه العجيبه ماتجيبه قصيده

شاعرة نجد

26-08-2019, 11:59 PM

https://i.ytimg.com/vi/AvFgkYQIot0/hqdefault.jpg

مع جاري الارسال مسيت بالخير
يالغايب اللي طال عني غيابه

أرسلت لك مع صادق الحدس والطير
شوق وغلا وسووؤال ماجاا جوابه

مـ عاد هي قصة حظوظ ومقادير
والا كذاا لاجابه الله جابه

لا والله الا تكتكه والمخاسير
ما زااد فيها ما حسبنا حسابه

أما كذا والا بلاش المعاذير
ما بالتواصل ياغلاتي طلابه

شاعرة نجد

27-08-2019, 12:03 AM

https://2.top4top.net/p_1332xe9xy0.jpeg (https://up.top4top.net/)

شكرا جزيلا مصممتنا ومبدعتنا
رحيل:7:

شاعرة نجد

27-08-2019, 12:27 AM

في أمان الله يـ اغلا من خلق ربي علي
لو تغيب الدهْر كله انتظر ساعة حضورك

للظروف احكام وانت ادرَى بحالي من هلي
لامتى الترحال وانت تزورني والا ازورك

ياوليفي لو قسمت وقلت لك ما عاد لي
فـ التشتت أي طاقه كيف وش بيكون دورك

رحيل

04-09-2019, 10:19 AM

العفووو شآعرتنا
وصح لسانتس مدد .

دمتِ عذبة رقيقة ودامت حروفكِ
تحياتى وودى يا غالية

شاعرة نجد

11-09-2019, 12:37 AM

بالهون يامحمد تركد بممشاك
بين المدي والمزرعه وقف شوي

في خاطري حاجه ولاهيب تخفاك
ماهيب فـ ايدينك ولاهيب فـ ايدَي

هذا مكان ابوي واشجاره وذاك
مجلس سموّه لو رحل باقيٍ حي

لكن تمهل ياعسى الروح تفداك
بـ اكْحل عيوني لو تخيّل وتبكي

شاعرة نجد

22-09-2019, 11:53 PM

https://1.bp.blogspot.com/-A_g3PfsZvDY/WbAL__b_gII/AAAAAAAADdg/aSGqKOaTk-4ByABTvD0mSILWH7GbgXOfACLcBGAs/s400/52.gif

جعل الوطن داايم بخير وسلامه
وبعز قادتنا ترفرف أعلامه

همه الى القمه وطنا وطنا
عز وفخر تاج وعلى الراس هامه

خيال مطير

23-09-2019, 09:07 AM

ياحلوك أميرهه ,
احترامي لسموك
الكريم
تبقين نور ع نور
صح لسانك شاعرتنا
ثم
صح لسانك
الله يحفظكِ

خيال مطير

23-09-2019, 09:09 AM

بالهون يامحمد تركد بممشاك
بين المدي والمزرعه وقف شوي
في خاطري حاجه ولاهيب تخفاك
ماهيب فـ ايدينك ولاهيب فـ ايدَي
هذا مكان ابوي واشجاره وذاك
مجلس سموّه لو رحل باقيٍ حي
لكن تمهل ياعسى الروح تفداك
بـ اكْحل عيوني لو تخيّل وتبكي

راقة لي

شاعرة نجد

17-10-2019, 12:03 AM

مرحبا مستشارنا
شرفت المدونه,وصح بدنك
غايتي امتاعكم

تقديري,’’

النجلاء

18-10-2019, 05:58 PM

صح لسانك شاعرتنا الراقيه
جزله ومبدعه وشهادتي فيك مجروحه
استمتعت بزيارتي لركنك المميز
كنت هنا
النجلاء

شاعرة نجد

06-11-2019, 11:35 PM

يامرحباً الف يـ النجلاء
حضورك العذب يكفيني

شاعرة نجد

06-11-2019, 11:41 PM

يسرقني الوقت مدري كيف يسرقني
وأسهر وأنا مال عيني فـ السهر حاجه

بلاش لاتستثير الحرف ترهقني
وفر عليك اتصالك لين نتواجه

شاعرة نجد

25-11-2019, 10:10 PM

http://www3.0zz0.com/2010/11/28/21/804013249.jpg

ياليل الشتا يامنوة العشق والعشاق
يطيب السمر والشعْر والضو مشبوبه

بدايه من الثلثين لـَ طلعة الاشراق
سوالف وكل ومايجود بْه محبوبه

سوالف عذيه تروي الهايم المشتاق
لذيذه بكاسين المودين مسكوبه

وسوالف عن الدنيا وعن لوعة الَفْراق
على خاطر العمسان لا جات محسوبه

على ذمة الارسال تجري مع الآفاق
تجيني منَه وتروح مني انا صوبه

وليلي طويل وهاجس الشعر لامن راق
يسلي ولكن يكشف السر عذروبه

هزاع محمدالعاصمي

25-11-2019, 10:28 PM

لاخفيك شاعرتنا المميزة انني مررت من هنا
وأسعدني مروري لما يوجد في هذه المدونة من جمال
وشعر يلامس القلب وأحببت تسجل إعجابي بما اطلعت علية
بالتوفيق

شاعرة نجد

28-11-2019, 12:39 AM

^
^

مرورك تشريف شاعرنا
مرحبا الف..
من ذوقك طال عمرك,’’

شاعرة نجد

02-12-2019, 10:06 PM

وليفي شريك الروح ماخفت من عذال
ولكن ظروفه لوّعتني ولوّعته

تعبت وشبعت ولعت من سكة الترحال
ولا ادري وش القَى في طريقي وقارعته

أبيها تزين وكل ماجات عال العال
ولميت بيديني شتاتي وجمعته

تهب الرياح وتدفن احلامي الرمال
ويموت النبات اللي من الروح زارعته

واكفكف دموعي لاسرى ليلها همال
واعبّر بغصة عبرتي,ماتوقعته

على الله تزين ومن حلاها يزين الحال
بجرعة عسل من عقب مرٍّ تجرعته

شاعرة نجد

16-12-2019, 12:26 AM

الناس بردانه وأنا لاهب الشوق
في صدري المكتوم يحرق لهيبه

ماصوّره شعري ولانثر منطوق
غريبه ونشرة حياتي غريبه

لاصرت لافضفضت مـ أرتاح واروق
بلاش والدمعه بعيني قريبه

حدب الضلوع جْسور والقلب صندوق
على خفايا الروح ياطيب طيبه

غيم المشاعر لاسرى ليله بْروق
يااخذ من الوجداان واافر نصيبه

على سناه أنظم من الشعر لي طوق
والبس وتخنقني طلاسم عجيبه

شاعرة نجد

10-03-2020, 11:14 PM

https://i.ytimg.com/vi/HVZVm_ReDe0/hqdefault.jpg

بارك الله فـ القصيد وفـ القلم لاضاق صدري
يشرح الخاطر وهذي حيلتي واقصى جهودي

وأن كشفني حرف شعري واسألوني قلت مدري
والا من نسج الخيال وضاع من يبحث سْدودي

والله انّه والله انّه,مانقص قدره وقدري
بس كثر الشوق ماغذّى المشاعر والوعودي

تنقض الذكرى جروحٍ حطها المكتوب بدري
ومرت الايام واللي راح ماظني يعودي

غرد العصفور فوق السور والا غصن سدري
التبلّد صار فيني مكتسيني لاحدودي!!

شاعرة نجد

31-05-2020, 01:34 AM

https://ichef.bbci.co.uk/news/ws/410/amz/worldservice/live/assets/images/2015/05/28/150528110121_children_640x360_thinkstock_nocredit. jpg

ياصفحتي وان طول الوقت ماجيت
أرجع واجيب مْن الحروف الجديده

وأكتب عليك مْن أعذب الشعر كم بيت
لامن سرى الهاجس وداري بعيده

واسترجع الذكرى وطرّى وطرّيت
عبر الموبايل ذكرياتٍ عديده

فجّر ينابيع القريحه وغنيت
والقاف ياخلاّف فكيت قيده

واظهر من المخزون ماكان خبيت
وهج المشاعر صار منها قصيده

شاعرة نجد

20-06-2020, 01:10 AM

يقول الهواوي

ياشاعرة نجد خضران القلوب ليا قروا لك قصيد
يرجع بهم للورى ما جد لك وايصفر قلوبها

نوب القصايد اتخفف ما يعانونه ونوبٍ تزيد
وتبذح بمشرط قوافيها لوانه ما اتجه صوبها

باحداث هالوقت قلبٍ يعتبر والقلب الآخر عنيد
به فاهمٍ للحقايق صح واللي شاف مقلوبها

تقديم من ما تيسر للموافق للقصيد الفريد
لمعانقه نسرج مهار البيوت ليا عصت عوبها

ومن بعد ذا ياهجوسي عد بنا للي نبي من جديد
فازت مواعيد عرقوب بثلاث ارباع مكذوبها

يلف حبل الوصل من شان ينقص والمباعد يزيد
ويصنع له معوقات بلا سبب ويسدد دروبها

قلت

يا شاعر المجد كان الشّعْر مايجري بدم الوريد
لامن لعب شاعره وابدع لمن يسمع بمسحوبها

واستمتع ومتّع وجاب الجديد اللي يزيد ويفيد
وهيّض هل الذايقه من عذب قيفانه وغنوا بها

فلا يغني مع الشعار يسبح فــ البحر مايجيد
فن السباحه ولايفْرق شروق الشمس وغْروبها

وان كان هيض غزيري هاجسك ياجعل عمرك مديد
ياما تهيّضت من روعة مواويلك ومكتوبها

وانا سجينه ورى جدران وابواب ومقابض حديد
والحجر طوّل ورحلات الاجازه ضاع مندوبها

والشعر منفس ليا صكت على الخاطر يجيد ويعيد
ترسم به الشاعره وتصوّر الاحداث بـ اسلوبها

شاعرة نجد

25-08-2020, 01:08 AM

https://encrypted-tbn0.gstatic.com/images?q=tbn%3AANd9GcTUGLVcUurmDLBiqWI0qcpRZyJpWSK KtGQfhw&usqp=CAU

ياسمو المشاعر ناشد الليل قلّه
ليش يجلب همومي كل مـ اسدل ظلامه

ليش قلبي ليا ذعذع نسيمه يتله
وليش عيني ياعيني تسهره ماتنامه

فيه قدره عجيبه تذهل الكون كله
يشعل الشوق والمشتاق يرفع غرامه

يستثير ويثير وكل كوكب محله
من بعيد لْبعيد بْهيبته واحترامه

وان تهيّض جزيل الشعر والقاف شله
مايبي لـ سرى الهاجوس غير السلامه!

رحيل

25-08-2020, 09:27 AM

رائعة يا نجد ..
وجميلة .. كالعادة :)

شاعرة نجد

21-10-2020, 12:26 AM

^
^

الراائع مرورك غاليتي
شكرا جزيلا,’’

شاعرة نجد

21-10-2020, 12:26 AM

https://farm1.static.flickr.com/69/203285877_b54610e197_m.jpg

ياطير بشرني عسى خير ياطير
يومك تعَرْف اللي بقلبي واريده

تدري وانا ادري بس انا وانت لاغير
حتى ولو يقرأ الفطين القصيده

رموز ودي ماتجيد التعابير
في تمتمه لو تدخل القلب سيده

شعر ومشاعر بددتها المشاوير
وان لمّها المشتاق قصت وريده

بين الامل والياس من غير تبرير
لو كل يوم اكتب قصيده جديده

واشرح عليها بعض ماصار ويصير
وان بيّحت,سويت نفسي بليده

ياطير لك عندي معزه وتقدير
بيدك مفاتيح الخفوق وبريده

وان جاك في تقرير الايام تقصير
غصبٍ علي حكم الظروف العنيده

قسم فْراقك من كبار المخاسير
والامر لله والمقادير بيده!!

شاعرة نجد

01-12-2020, 12:15 AM

https://www.storiesrealistic.com/wp-content/uploads/2020/07/lq1SQg6M-390x220.jpeg

كنّ في خاطري ذالليل حاجه
ومْتهيض على بدع القصيد

ليش مدري وش مْكدر مزاجه
ضايعه بين اريد وما اريد

لـ نهض لي فرج صبري حْجاجه
جد لي من مقاديري جديد

شاعرة نجد

31-03-2021, 01:36 PM

http://www.shuuf.com/shof/uploads/2014/09/08/png/shof_b9bd3aa9d08865d.png

ياحلم كم ضاعت منَ سْنين وايام
وانا انتظر ولاتحققت ياحلم

الحال مثله قبل واليوم والعام
عيت تجي عـ الكيف مدري وش العلم

نجري ورى الايام ونْقول قدام
حياتنا قصه وانا نجمة الفلم

البُعد والحرمان في حكم الاسلام
ياشيخ وش فرقه عن الجرم والظلم؟

شاعرة نجد

25-05-2021, 10:48 PM

https://encrypted-tbn0.gstatic.com/images?q=tbn:ANd9GcRx3I7k4wsW83fDVdaI3tT6Bh4t5QGqO XGfcvOzl4ZIuWqJNyYliXJSSrPBMbc794yBWK8&usqp=CAU

ياقمر نورك على سطح البحر يسحر ويبهر
مع هدير الموج يازين البحر والجو ساكن

ودي اجلس طول ليلي لين شمس الصبح تظهر
عندي اروع جلسة الشاطي ولا فخم المساكن

شاعرة نجد

07-06-2021, 12:57 AM

https://lh3.googleusercontent.com/proxy/HBuCFNPyOpdeW2ph5A_PCMnv3wQXgmxTwV3sNE_HcyGZswT0k6 Asiah-NEGHMhccpW8zktgsuM749-dVtxlNPHFFfxRmctbz2GPf_aOH5aiKzAt49Ub1pMMgGa_YMXJF 7HQhJESqfCO8UvyLGQ

نمت وُحَلمت وقمت ماحولي الا
شالي وجوالي لْحالي وعودت

أنام واحاول عساي ولعلا
أقطع طويل الليل لو ما تعودت

على فرااقه,لين قمت اتسلا
بـ ابيات شعرٍ في بناها تجيودت

وارسلتها عبر البريد اتغلا
واشره ولو طعت اعذب الشعر زودت,

شاعرة نجد

10-06-2021, 01:19 AM

http://1.bp.blogspot.com/-hUB3NdjDqK4/VbedM75tE3I/AAAAAAAAAXA/tvAwNe7zqoc/s320/1276363979.gif

يشبهني الموج واشبه جزره ومده
زحمة هواجيس تقبل بي وتقفي بي

مدري وش اللي بصدري طول ذا المده
متى على الله تحقق لي مطاليبي

شاعرة نجد

06-07-2021, 12:47 AM

لـ ضاق صدري وصب الشعر فنجاله
مدّ وتقهويت عذبه,طيّر عْماسي

والا سحب ناصر السيحانِ(ي) مواله
في شيلةٍ لامست شكواي واحساسي

والشوق فرّغ قفص صدري من اقفاله
واظهر غزيره وسطّرته بكراسي

وجريت قافٍ يصوّر حالي وحاله
من صادق الروح حتى يقطع انفاسي

أبحر بسطح البحر مدري على جاله
مركب غرامي يعوم ويوم غطاسي

ياغيمة الود شوفي نجد رحاله
مع هاجس الشعر حتى لو وسط ناسي

هيَّا امطري من وبل عذبك وهماله
لين ارتوي من ضمايه يابعد راسي,

شاعرة نجد

25-07-2021, 12:25 AM

https://lh3.googleusercontent.com/proxy/FP9q2rqaitxbgRLcCnlzV73J6433D9C--ygMouSmhBYk3QLsNOkLRSjmHa8BJ9LPVcQ4jVKo81tpcKcXWia IVMJdtWFpKwOPOig

هديل والا نوح ياللي على السور
في صبح يوم العيد شد انتباهي

حسك وانا كلي احاسيس وشْعور
لو ظاهري مبسوط واللبس زاهي

بالله روحي لحظة افرااح وسْرور
بجاه الكريم استعطفك ثم جاهي

يامصدر الهامي ترى القلب معذور
والفكر لامنّه شرد بي وتاهي

لـ ضاق صدري ضاق من ضيقه صْدور
وانا افتخر بـ اعياد ناسي واباهي

طيري امانه غادري ساحة الدور
مداام كلٍّ في ضحاياه لاهي..

شاعرة نجد

18-08-2021, 11:54 PM

مد لي كف الغلا وامد كفي
جود بالموجود خل الشوق يقلط

نكتفي باللي مضى جرحه يكفي
والطلاسم بيننا تصدق وتغلط

شاعرة نجد

22-08-2021, 12:46 AM

https://t3b.org/upload/items/40891501091164.jpg

اللي رقد ليله ليا طلعة الشمس
مايلحق اللي بـ أول الليل ساري

خلاص لو تَحْمس لي العاطفه حمس
جبّر غيابك والليال انكساري

ياما عشانك يالغلا خاطري عمس
ايلين جاري الوقت عدل مساري

مـ عاد يمدي تستعد روعة الامس
رااحت علينا من يمين ويساري

شاعرة نجد

28-08-2021, 01:34 AM

والله اني ماغبطت مْن الخلايق
غير بنتٍ شامخه حيٍ ابوها

قرمٍ الى عدوا العربان فعله
بمال قارون المسمَّى ثمنوها

لـ تضايق صدرها وانتك جاته
نَسْيَت هْموم البسيطه كلبوها

شاعرة نجد

05-09-2021, 12:02 AM

أحب السكينه والهدوء واكره الازعاج
واحب القصيد العذب لـ جاا على حله

واحب البحر بالذات لـ صارت الامواج
تلاطم بهون ويسري الليل مـ امله

مع الذكريات الماضيه قاضيه واحتاج
بشيٍ من النسيان لو ماحصل كله

بـ اعالج جروحي بْعَسف روحي بدون عْلاج
وابنسَى جَميلٍ رااح لو ماحصل زله

ذَرَتْه الذواري لين غصن الغرام انعاج
ويَبَست عْروقه لين عج الهجر تله

رحيل

08-09-2021, 02:38 PM

مقتطفات رائعة و ممتعة ~

صح لسانك شاعرتنا

شاعرة نجد

11-09-2021, 12:39 AM

الرائع حضورك رحيل
وصح بدنك

شكري وتقديري,’’

شاعرة نجد

11-09-2021, 12:40 AM

يغري جمال الكون والـورد يغـري
وسطح البحر مع طلعة الشمس جذااب

والفكر يسرح كيف وشلـون مـدري
واللي يقول أقدر على القلب كـذااب

والشعر يشرح بعض الاحيان صدري
ومن أعذبه لو كان قلبي صخر ذااب

شاعرة نجد

12-09-2021, 02:06 PM

رسمت الحياة,وشاقني لوحة الرسام
وأنا لوحتي ماجت على ماتخيلته

عليها الله أكبر كيف تخدعني الاحلام
لو أن المخده واديٍ كان سيلته,

شاعرة نجد

17-09-2021, 11:07 PM

علمتني الصبر دوراات الليالي
كل ماضَعْفت عْزومي شجعتني

لين صاار المر يامنصور حالي
والعواصف تصطفق مازعزعتني

شاعرة نجد

17-09-2021, 11:11 PM

http://t3.gstatic.com/images?q=tbn:ANd9GcTI2HK239BajeoxX-2pGrMxRGPfYkapScfwtzVpx79dUX35Pg7r

كفي عن النووح الشجي ياحمامه
كفي ترى دمعي على رمش عيني

بيني وبينك,لو لحقني ملامه
لو كنت مثلك قلت فيني وفيني

وغنيت قبل الليل يسدل ظلامه
قبل الغروب يْحول بينه وبيني

قبل المساا يشكي لـ صبحه غرامه
والورد يذبل فووق راحة يديني

شاعرة نجد

18-09-2021, 11:49 PM

في خاطري حاجه,ولاقلت حاجات
حاجه فقط,ماقلت مليون حاجه

كافي علي من ضايع الوقت,مافات
كافي على غصن الغرام,أنعواجه

ياما تنازلت,,وتنازلت,,بسكات
أقرأ العتب وأنساه,عند المواجه

وأشره على الصياد في بعض,الأوقات
لاصاد,ضيع صيدته في عجاجه!

رحيل

23-09-2021, 11:54 AM

يالجمالكِ نجد
دائما مميزة شاعرتنا

شاعرة نجد

28-09-2021, 11:22 PM

الجميل مرورك رحيل
لاعدمتك غلاي,’’

شاعرة نجد

28-09-2021, 11:33 PM

ليـت سجـان الخفـوق يْفـك قيـده
طــال صبري,والمقـاديـر امنعـنـي

لاتقول انـي علـى بعـدك سعيـده
لاتـــقـــول أن الـلـيــالــي طــوّعــنــي

لاتـشــرّه وانـتـبــه جــرحــي تــزيــده
قفّل الموضوع,يكفي غبت عني

والـمـراسـيـل الـقـديـمـه والـجــديــده
مـــــرّ تـطـربـنــي ومــــــرٍّ يـوجـعــنــي

شاعرة نجد

28-09-2021, 11:37 PM

هااك القصيد اللي من الرووح للروح
ابيات عذبه لو قليل عددها

فيها الغلا والود جاري ومسموح
يطلع على ذيك الغيوم وبردها

ويمطر من الاشواق مع فااخر البوح
اللي كثير اهل الهوى تفتقدها

ماودي اسرح في سماا الفكر وارووح
بلاش خل اسرارنا في مهدها

شاعرة نجد

04-10-2021, 09:47 PM

لاتكسّر مجاديفي وكلّي أمل
في سموك وغيمك وروعة سماك

نطوي الياس وانّ امْطَرَت محتمل
نستعيد الحياة وننتشي عذب ماك

لو على الهجر والحرمان حكمه صمل
فيك حظه رماه وفيه حظك رماك

ورغم هذا وذاك وذيك مايكتمل
روعة الرسم والالوان وانت بْعماك

شاعرة نجد

06-10-2021, 01:04 AM

صبيـت لـه مـن جديد حروفـي العـذبـه
كااسٍ يشافي المريض ويروي الضامي

خـلـطـة مـشـاعـر لـذيـذه,جـات مـنـجـذبـه
تعْزف على هونها من صـادق الهامـي

شاعرة نجد

11-10-2021, 12:38 AM

كنت البارح عـ البحر وجت هـ البيتين
والليل مظلم حيييل
وكان الجو خرافي وممتع

ياموج روعة هديرك فـ الظلام العتيم
تثير فـ الشاعره عذب الشعر والشعور

قسم قسم ثم والله ثم واللهْ العظيم
ان القصايد على شاطيك تشفي الصدور

شاعرة نجد

11-10-2021, 12:48 AM

مراسيل الغلا عبر الهوى ماتنطر العنوان
توجهها المشاعر لو تعثر دونها المرسول

تواقد نارها من غير لاشعله ولادخان
تجاذب مغناطيسي من صفاته يجذب المجهول

على سطح البحر من غير لاقارب ولاربان
وعلى صحراا الهجر من غير لاحارس ولامسؤول

وعلى درب الغرام احلام ماتقطع ظماا الظميان
تصول بْنا الظروف وتستمر ابّطشها وتجول

رحيل

16-10-2021, 11:22 PM

الله
صح لسانتس شاعرتنا

شاعرة نجد

09-11-2021, 10:54 PM

هلابك رحيل
وصح بدنك ولاعدمت عطر الحضور

ودي و تقديري,’’

شاعرة نجد

09-11-2021, 10:55 PM

مد لي حبل الغرام ان كان باقي به غراام
تنتعش روح الحياة اللي بداا الحرمان فيها

وكان قصه خنجر الهجراان عـ الدنيا السلام
وانتهت قصة غلانا لو تحسفنا عليها

شاعرة نجد

14-11-2021, 12:25 AM

أعَرْف انّه الى منّه خياله جاا على بالي
على باله تخيّلني بنفس اللحظه وُجيته
" " "
على شاشة عْيوني صورته حلّي وترحالي
قسم بالله لو طال الزمن ماني بناسيته
" " "
على سمعي سواليفه صداها جر موالي
كتبت اسمه طلاسم في بحر شعري وغنيته
" " "
على قلبي من احكام الظروف القاسيه صالي
غياب،فراق،حر اشواق،مدري ويش تاليته
" " "
ياغالي والله انك داري انك يالغلا غالي
سواء اعلنت لك والا الحياا عيّى وخبيته،

شاعرة نجد

21-11-2021, 11:47 PM

ياعين نامي رااح فـ الليل ثلثين
مـ عاد باقي عـ الفجر غير ساعه

ياعين نامي جارك الله تكفين
لـ يْضيق بي الكون عقب اتساعه

ماللسهر داعي ولو ماتنامين
ماغيّر بْحالك ولا بـ انطباعه

كل الخيال الممتع اللي تشوفين
سرااب,لاقطره من الماا بقاعه

نامي بـ انام الناس ياعين ممسين
ياواهني من لابغَى النوم طاعه

شاعرة نجد

06-12-2021, 12:21 AM

https://m.media-amazon.com/images/I/71I3ilPhpJS._AC_SX466_.jpg

الضو مشبوبه ولو يبطي البرد
لريح السمر في مجلس البيت بنّه

فـ المزرعه في جلسةٍ حولها الورد
والكيف كايف ريح هيله وبنّه

شاعرة نجد

17-12-2021, 11:37 PM

ودي يزاورني خيالك الى نمت
وأن صار أنام الليل مع طول يومي

مَـ دام مابه غير ذكراك لاقمت
وطيور شوقي في سمايه تحومي

ومَـ داام تأسرني ظروفي ومادمت
مثلي ظروفك في ضحاها نجومي

خل الخيال يْحاكي الروح في صمت
يجمع شتاتي لاتردّت عْزومي

شاعرة نجد

12-01-2022, 10:50 PM

ولي كورونا يوم زان الجو واعلنّا السفر
جيتي وهديتي وسويتي وفتتي العظام

عشْرة ايام وكنّها عامين وان ضاق الصدر
صليت واستنجدت بالله واستعنته قبل انام

والله كريم وزالت وزانت وعديت الخطر
والهجس حضّر واقتحم ميدان صدري اقتحام

طبت ولعبت وحرك الالهام ماسوَّى الحجر
شعر ومشاعر والعزيمه فووق لو ماجت تمام

يالله عسى بكره ومابعده ومابعده مطر
لو ضاعت السفْره يعوّضنا المُخيم والخيام

شاعرة نجد

12-01-2022, 11:19 PM

هونك علي يالمشاعر عجتك ثارت
وضْلوع صدري جريد ولافته عجه

الله واكبر على الايام لـ دارت
عقب السلامه والاستسلام محتجه

صارت ولا ادري قسم بالله وش صارت
بس اختفى همس صوت الامس فـ الضجه

شاعرة نجد

17-01-2022, 11:53 PM

العافيه حلوه وانا اشتقت لـ النار
ولْشبّةٍ فالمزرعه ريحها غير

حذّرني الدكتور مـ اطلع من الدار
لكن تهيض خاطري دوون تفكير

وشبيت ضوي واستلم هجسي الطار
وغنيت لو يلحق على الصوت تقصير

والهَمْت واستلهمت من عذب الاشعار
اللي يفجر سيلها الصدر تفجير

والشوق شاق وساري الفكر محتار
مابين بين وبين والصاير يْصير

مع سكة الاقدار من غير مـ اختار
واكبت مع ركْب المسيره عسى خير !

شاعرة نجد

04-02-2022, 11:50 PM

وين القصيد اللي لياحان بركان
زلزل مشاعر كل شاعر وغنى

ايوالله اني خاطري تو مازان
وابيات شعري جات منا ومنا

والغيم غيّم والمطر هل ودان
هيض سنا برقه خفوق المعنّى

واشتقت يوم الشوق من طبع الانسان
الا بليد حْساس نام وُتهنى

راتع ولا لاعه من البعد حرمان
عايش حياته داله ومرجهنّى

شاعرة نجد

06-02-2022, 11:04 PM

حطَّني فوق كفك يالغلا كـ الفراشه
وغن لي من مواويل القصيد الجديد

واكسب الاجر في قلب العنى وانتعاشه
ياعسى يالعل اتّْجي على مانريد

أحْسب العظم بس اللي يجي به هشاشه
لين هشهش فوادي غيبتك يالبعيد

شاعرة نجد

04-03-2022, 11:18 PM

http://3.bp.blogspot.com/_9aHMT9xe-3k/SUe4FmXfyAI/AAAAAAAABK0/be4vojCRNUo/s400/%D9%85%D8%A3%D8%B3%D8%A7%D8%A9+%D8%B9%D8%B5%D9%81% D9%88%D8%B1%D8%A9.jpg

بشويش ياطير الغصون النديه
من غصن لـ غصْن وتنقّل وانا اشوف

بالله هوونك داام مافي يديه
أطير مثلك,راعني سو معروف

شاعرة نجد

08-03-2022, 11:11 PM

جديدي..
https://upload.3dlat.com/uploads/3dlat.net_17_16_6f99_674d162cfa741.jpg

بالله شمس الغروب,اكتب لروحي رساله
على خيوطك قبل ما تعلنين الغروب

جول الطيور وسكون الجو يذهل جماله
ويْثير عذب القصيد,الله يَغَفْر الذنوب

عادي ولو كانت حْروف الغلا في عُجاله
بين المواليف رمز يْجيب مافي القلوب

لهفة غلانا بسمانا نجمٍ تمَيّز لْحاله
والشوق لو مر عـ القطب الشمالي يذوب

مناي,نسمة هواي,اقصَى جهودي وصاله
لو قصّر الحظ عن بلسم حياتي مـ اتوب

وان طاب حظي وسوّىَ الوقت فيني جماله
والا بصيص الامل شمعه تضيء الدروب!

شاعرة نجد

27-03-2022, 11:38 PM

ساخنه!!

ماكل قافٍ يجي عـ البال غنيته
لو القريحه تفيض بْموجها الطامي

ياما وياما بجوف الصدر رديته
ولا طلع غير بين الروح واحلامي

والا طلاسم بسحر الشعر مخفيته
لو حللت واستحلت رووس الاقلامي

بيني وبينه ولا جاني ولاجيته
الا مع الزفره اللي دقت عْظامي

أفووق وارووق مخطيته ودليته
هي هكذا الطلسمه يـ الصادر السامي

شاعرة نجد

16-05-2022, 11:53 PM

https://encrypted-tbn0.gstatic.com/images?q=tbn:ANd9GcT_MJrIBhz6Bcqy2RTlyk7e3zkMPnN78 BBprhyiDcjEjPmHzFjGyszcxPhq6wMQE9Lal08&usqp=CAU

قفلت صندوق الضماير على السد
وحْـروف شعـري بيّحـت وفْضحتـنـي

لابــــد مــــن قـمـريــة الـغـصــن لابــــد
أن جـتـنـي مْـسـيـان وان صبحـتـنـي

تـثـيـرنـي بـ الـحـانـهــا غــصـــب وارد
صارحـتـهـا بـ اســـراري وصارحـتـنـي

نــعــم اغــــار وغـيـرتــي مـالـهــا حــــد
لاشـــــــــك مـابـيــنــتــهــا وذْبــحــتـــنـــي

تقفـي وتقبـل بـي مـع الجـزر والـمـد
لاغــــيـــــرت حــــالـــــي ولاريــحــتــنـــي!

شاعرة نجد

29-05-2022, 12:01 AM

https://i.ytimg.com/vi/-krbFwprxL0/mqdefault.jpg

يازين زقزقة العصافير عـ الصّبح
إيوالله انْها تفتح النفس ياسعود

مخلوق ماهمه خساره ولاربح
عايش على الفطره وساكن على العود

ماطلسم التغريد,مابعّد الشبح
ماشال من هم المناقيد منقود

وانا ذبحني هم من همني ذبح
غردت ماغردت مافِـ الحكي فود

يسبح بي الهاجوس في غبته سبح
ويْروح بي مع صفْق الامواج ويْعود

شاعرة نجد

29-05-2022, 12:12 AM

ياليل سولف لي بعيدٍ عن الناس
وأنا بسولف لك خفايا سْدودي

بـ اشكي لك هْمومي من الراس لـ الراس
أما يزوول الهم والا يزودي

شاعرة نجد

25-06-2022, 12:40 AM

ياسموم القيظ وش عاد باقي فـ الشهر؟
ننتظر,تكفين خفي علينا يـ السموم

ونْتجهز عقبها للمصيف وللسفر
لـ الديار اللي سماها تغطّى بالغيوم

والخضار اللي نشوفه على جال النهر
يشرح الخاطر ويجلا من الصدْر الهموم

لو مـ هي بديارنا بس فتره فالعمر
ننتعش ونْعيش في جوّهم لو كمّ يوم

شاعرة نجد

09-08-2022, 11:03 PM

ذكرااك صارت في حياتي حكايه
يامشغلٍ بالي على غير مصلوح

رفعت لك يامسْهر العين رايه
زرعت لك بستان من فااخر البوح

يامهجتي يادنيتي ياهوايه
قلب الحزينه من جفى الوقت مجروح

لو غاب نجمك ماطلع في سمايه
ماغبت,ساكن يـ الغلا داخل الروح

شاعرة نجد

15-08-2022, 12:31 AM

تسابق حْروفي واناا لي شْفوفي
متمكنه لو كل حرفٍ ولَه ظرف

أدرَى بروحي لو تعاند ظروفي
وأمس حبل الهجر لو يسهر الطرف

بروحي وانا ادرى ليت روحي تروفي
بْحالي بعد مـ اسرف بها همها سرف

أطلع الى القمه على مد شوفي
وكلّ الامل وانهل من جرف لاجرف

مـ عاد لك ذرة غلا وسط جوفي
ومـ عاد لك بين القوافي ولاحرف

شاعرة نجد

05-09-2022, 11:59 PM

https://encrypted-tbn0.gstatic.com/images?q=tbn:ANd9GcR_0O5bdB8QVfVD2jlEZBgFSXFu8FXBv v-ozvJ3EhaucuzO8uporNTovuyys7hAL_SiwMY&usqp=CAU

صف جيش المشاعر واستباح الشعور
واسْرف بْقو صبري لين هده وطاح

استثاار الغباار وطاار جول الطيور
يوم هبت على غصن الغراام الرياح

باح سد الحروف,وسااح حبر السطور
وفااح صدر الغلا من حر الاشوااق فاح

مابقى غير جُمله(ياعذااب الصبور)
طاال ليله وهو ينطر خيوط الصبااح

شاعرة نجد

05-11-2022, 10:32 PM

ياليل سلم لي على الليل ياليل
قلله ترى ضيّعت وجهة مساري

تعطلت عندي وصارت غرابيل
بعض الخطوط اللي تشوّش مداري

هي هكذا صارت ولو يطفح الكيل
واللي فرضها الوقت موب اختياري!

حاولت لين ازريت وابليت بالحيل
ومع النسيم أرسلت جل اعتذاري’,

شاعرة نجد

05-12-2022, 10:38 PM

https://thumbs.gfycat.com/MindlessDisguisedBoto-max-1mb.gif

لاسمعت الورق يسجع على الغصن الرطيب
غنَّ لي وارسل مع الحدس لاهبت هبوب

العصر قبل المساا حوله وقبل المغيب
للهوى في ذيك الاوقات متعه فـ القلوب

ومع نسيم الصبح كل المشاعر تستجيب
من شمال وشرق والغرب والا من جنوب

بالتجاه اللي توجّه مع الحس الغريب
لاجذب قلبي وغلبي وجت من كل صوب

المطر والغيم والبرق والجو الرهيب
جابت الليله ذالابيات والعمر مْحَسوب

ناصر الهواوي

20-12-2022, 09:41 AM

بصراحه مريت على اخر صفحه وتمنيت لو عندي وقت وابداها من اول صفحه من روعة
وجمال ما وجدت في الروضه المزهره بعد علها همال الابداع
صح الله لسانتس شاعرتنا ولاهنتي ودمتي وسلمتي
تحياتي

شاعرة نجد

21-12-2022, 12:17 AM

الله يصح بدنك شاعرنا
مرور المبدعين تشريف طال عمرك

شكري وتقديري,’’

شاعرة نجد

24-12-2022, 10:30 PM

https://cdn.sotor.com/thumbs/fit192x110/37549/1553853642/%D9%82%D8%B5%D8%A9_%D8%B9%D9%86_%D8%A7%D9%84%D8%B5 %D8%A8%D8%B1_%D9%84%D9%84%D8%A3%D8%B7%D9%81%D8%A7% D9%84.jpg

قلّب الصفحات واقرأ وانا بـ اقرأ وازيد
من جديد الشعر لو مامضى يرفض زْياده

لو عنيده وانت بالمثل يالمجرم عنيد
بس حوى اعظم ولو يبطي آدم في عناده

تكسره مع طول الايام لو باسه شديد
ويْتردد ويْتودد وينزل من شداده

يمكن اقول انحنَى لو قوامه من حديد
ويمكن اقول البطل يحترم رغبة فواده

للنسيم الى اصبح الصبح واومَى بالجريد
نفحةٍ ينعش بها الروح لاذعذع براده

ويْتهيض هاجس الشعر من عذب القصيد
والمشاعر تلهمه لين يسهب في مراده

إيه والله غصب عنّه يوضّح مايريد
لافرغ صبره وعدّاه من شربه وزاده!

الهواوي

هههههههههههههه الله سبحانه قال/عن كيد الشيطان ضعيف وقال سبحانه ان كيدكن عظيم
اهلا بشاعرتنا المبدعه بدون مجامله صح الله لسانك ولاهان راسك ودام تواجدك رائعه وعذبه القصيده تعتبر من الوزن الثقيل كما يقال
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
مرحبا ترحيب معجب ولا تبغى مزيد
بمن تحل وتفتل القاف بهدو وركاده

ما يحصل ختم(ممتاز)من مخه بليد
لو من كبار النعم تحسب احيان البلاده

كل ما قلتي مدون بقرآنٍ مجيد
وانتي اعلم به ولكن من باب الإفاده

مع سعيده لو يقولون وش شربك سعيد
والسؤال موجهٍ لي انا قلت القراده

مسلكٍ ما تقدر اتحيد عنه ولا يحيد
موجب وسالب شريكين في حزن وسعاده

من قسا حوى ومن كيدها كثر الوعيد
بحق هالمسكين لو كان ما تقوى بعاده

تنبسط لاقالوا الناس جابت فيه عيد
وفص ملح يذوب لوقال مالي فيك راده

ترجمة ظاهر مقاله لتوكيد الاكيد
مع بقى رمزية محرر القاف ومراده

تشرفت بمجاراته شاعرنا في سجن القوافي
وحبيت احتفظ فيها بركني
شكري وتقديري له,’’

شاعرة نجد

03-01-2023, 12:01 AM

ارحميني ياظروفي واسعفيني ياحروفي
الشتاا ليله طويل وفـ السهر متعه وراحه

ياهجوسي ابتعد وارعد ولاتخشى ظروفي
هات ماعندك وكوّن في دجَى ليلي مساحه

شاعرة نجد

09-01-2023, 09:57 PM

https://www.ariffino.net/wp-content/uploads/2021/06/telechargement-7.jpeg

يازين غايم جونا اليوم زيناهـ
ياليت جوي داخلي مثل ذالجو

أنشهد انّه جاا على مـ اتمناهـ
صدر السماا (يُم)شعلل البرق محلو

عانقت غيمه لين حجري نثر ماهـ
دمعٍ على خدي مثل وابل النو

ياليت للهاجوس ريموت ليتاهـ
واسكره وارتاح لآنا ولا هو

واسلا واعيش ومامضى كله انساهـ
واقول ياقلبي كفَى,ماتبي سو

قررت يوم العزم والعزم مـ اقواهـ
شد وسندني دون لكن ولا لو’,

شاعرة نجد

22-01-2023, 11:35 PM

لاشفت الغيم يالغالي تفكرت وتذكرتك
قسم بالله مدري كيف تاتي مع رباب الغيم

تقول اني نسيتك ياغلايه واحترق كرتك
ولاتدري وش بْصدري وبعدك كم لحقني ضيم

أسامر ذكرياتك واقضي الأوقات فاكرتك
تضيّعْني واضيّع حضرتك مابين سين وجيم

تعلمت الصّبر من فضل ربي ثم شاكرتك
عطاني بُعدك اللي سم حالي درس فالتعليم

ناصر الهواوي

05-02-2023, 08:24 PM

بصراحه وبدون مجامله هنا مشتل للورود والازهار النادره
صح الله لسانك ياشاعرة نجد الى مالا نهايه

شاعرة نجد

26-02-2023, 09:52 PM

صح بدنك شاعرنا
مرور الكبار مكسب و وقار

شكري وتقديري,’’

شاعرة نجد

26-02-2023, 09:54 PM

يسم البدن فرقى الحبايب ويبرا الحال
ولا ادري متى بتْزين واسلم من الفرقى

طواني الهيام,وهد حيلي,وصبري طال
وكسّر ضْلوعي عبرةٍ تنزل وترقى

شاعرة نجد

06-03-2023, 10:09 PM

https://m.3bir.net/files/113181.jpg

يازين شوف الورد لافتح الورد
وعطى الطبيعه لون مع دفوة الشمس

وجت القريحه تسرد حْروفها سرد
تجمع شتات الروح فـ اليوم والامس

شاعرة نجد

26-04-2023, 11:58 PM

مـ احلا نسيم الليل لامن سرى الليل
فـ المزرعه ياسعود والجو هادي

يطيب لي حلو السهر والتماثيل
تطيب لـ استرسلتها من فوادي

واعيش معها جو من غير تمثيل
هو حلم والا علم وش كان, عادي

واعيد واستعيد واحط واشيل
في عالم الذكرَى حدَى الفكر حادي

مدري مع اللي رااح والا المقابيل
والعمر يقضي والليالي جْدادي

وابليس من بعد رْمضان اسرج الخيل
مربوط لين اطْلِق سراحه وعادي

خَذْني وانا ماني بَحَقّ البهاذيل
قبله وانا انعم فوق ريش الوسادي

شاعرة نجد

08-07-2023, 01:28 PM

https://i.ytimg.com/vi/wBCkc7lm2OA/mqdefault.jpg

يازين تغريد العصافير فـ عْصير
بعد العصر والا قبل طلعة الشمس

في حزةٍ لها على الروح تأثير
صدري يضيق وخاطري يالغلا عمس

ايوالله انه ماجرى منك تقصير
لكن ظْروف اليوم ماهي بْمثل امس

فرقاك عندي من كبار المخاسير
وصار وحصل لو نضرب الخمس بالخمس

شاعرة نجد

30-08-2023, 11:27 PM

ياعين تكفين روقي وابلعي الدمعه
ياسرع من بَعْض الاشياا ماتهلينها

تكفين لـ صارت الاحباب مجتمعه
وش ماتشوفين منها زينها وشينها

لاتكسرين القزاز وتَطْفي الشمعه
ويبين للناس حاجاتٍ تخبينها

شموخ نفسي كسبته بينهم سمعه
ماودي أضعف بعبراتٍ تجيبينها..,’’

ناصر الهواوي

31-08-2023, 11:20 AM

منبع ابداع وروض امتاع وبس
لله درك

شاعرة نجد

02-09-2023, 10:51 PM

الابدااع مرورك شاعرنا
شكري وتقديري,’’

شاعرة نجد

02-09-2023, 11:06 PM

https://encrypted-tbn3.gstatic.com/images?q=tbn:ANd9GcQnNbMlxQIL5-wVnFihxWr3wpM2bzSYN1tHoK46BZ-GcsiAKQTBZw

حبيـبـي تــرى الفـرقـا وجعـهـا يـهـد الحـيـل
دخـيـلــت عـيـونــك يـاعـيـونـي مــــن الـفـرقــا

بـعـيـد وبـعـيـده بـــس جـابــك نـسـيـم الـلـيــل
سَـهَـرْتــك خــيــال وعـبـرتــي تــنـــزل وتــرقـــا

وأحـاكــي ظـــلام الليـل,يـاويـل قـلـبــي ويــــل
مــن فْـراقـك الـلــي مـحــرقٍ خـافـقـي حـرقــا

نطرت وصبرت وبااح سدي وفااض الكيل
عـلـيـك الله أكـبــر ســـارقٍ رااحــتــي ســرقــا

غصون الغـرام مْـن الهـوَى والهيـاام تْميـل
عليهـا مـن الوجـداان كــم نـااحـت الـورقـا

ناصر الهواوي

05-09-2023, 12:04 PM

لله درك لاجديد الا الابداع

شاعرة نجد

25-09-2023, 09:56 PM

الابداع مرور المبدعين
تقديري,’’

شاعرة نجد

25-09-2023, 10:17 PM

الا ياغلاتي كان تشكي علي الحال
أنا مـ اشتكي الا على العالم بْحالي

عليه الفرج لا ضاق صدري وصبري طال
بَعَد مـ اطلبه واشكي له,اجر موالي

مَـ غير اتسلا بس واخشى من العذال
كذا فضفضه لو مالها اول ولا تالي

أوسع بها الخاطر ولو فيه ثقل جْبال
تضمه ضْلوع الصّدْر مايطلع اشوا لي

يخفف علي القاف لو ما معي من شال
من روحي على روحي واغني لي لْحالي

أشوف الحياة احيان عندي ولا بريال
ومراات كن الجو يصفى ويحلالي..!