مايرد المال من راحي

[أحمد السليمان]

مساء الخير

للتواصل




إي والله إن الزمن خلاني اكذيا=أصبر على هرجة المجنون والصاحي
ماهو رخامه ولاهو خوف من شيا=الهرج باب (ن) وله فالجيب مفتاحي
واللي هرجبي هروج ٍ ماهي بفيا=أضحك معه ولدغه على الكبد يامناحي
وليا بغيت الحقيقه فكر اشويا=لو أني جيته وانا شايل معي اسلاحي
ثم قلتله ليه تهرج ياولد هيا=ثم قال كلمه وانا دفيته وطاحي
مات الولد والسبب دفه من ايديا=واصحبت وسط السجن قاتل وذباحي
وصدر باين (ن) يقول المحكمه العليا=تحكم قصاص (ن) على المجرم وينزاحي
وأبوي في كل ليله يرفع الديا=والمشكله مايرد المال من راحي
امصيبتي عارفن موتي وأنا حيا=باقي ثلاثة ليالن ولبس وشاحي
وجتني زياره من الوافي وانا اهنيا=جايب معه من تخفف عني اجراحي
ضمتني ضمه تزيل النوح والعيا=وقالت عسى الله يفرجها وترتاحي
ثم قلت ياوفي خيك عنده اوصيا=امي وأبويه في ذمتك يابو ناحي
هلت دموعه وقال الخي للخيا=وأمي وابويه وسط عيني ومولاحي
قلت الحقيقه ياوافي مخلص النيا=والله خابر فعولك كلك ارباحي
لاكن خلي ليا جيته عطه ذيا=اربع بيوتن وصورة قلب ورماحي
الاوله كان طيفه بالسجن ضيا=والباقيه سر بين الصاحي والصاحي
ياناس ماني مكمل خاطري سيا=صورة صوره لكم والبرق مالاحي
هيا معي ياعرب هي معي هيا=نضحك بوجه الزمن وتعم الافراحي
إي والله هذا الزمن خلاني أكذيا=اصبر على زلة المجنون والصاحي

[غرك زمانك]

احمد السليمـــــــــــــــــــان
مبـــــــــــــــــدع الله عليك
صــــــــــح لساااانك ملايين
نــــــــــــص رااااائع
تحياتي
غـــــــــــــرك زمـــــــــــــــانك

[علي معلي السلمي]

الله عليك صـح لسآنك شآعر كبيـر ومن اشـد المتأبعين لك

تقبـل خـالص تحيـااتي ولاتحـرمنأ

محبــك

[حلوة المبسم]

جميل هو هوآؤك هنآ وجميلة هي انفآس الحروف ..

رآئع كعآدتك ومبدع ..

كن بآلقرب دومآ ونحن بالانتظآر ..

[دموع تجرح]

رااااااائع يالشاعر
وصح لسانك ملايييييين
دمت بخير

[شمس الوداع]

.
.


صح لسانك ونبض قلبك


يعطيك العافيه نص أكثر من رائع


كل ودي

.

[علي الزهيري]

الرائع/احمد السليمان

يسلم راسك الغالي ولاهنت

وصح السانك لين ترضى

دايماً وانت شامخ وجزل

تقبل تحياااااااتي

[محمد الروقي]

صح والله لسانك لين ترضى

عذرا اخوي على التاخير فلك حق وواجب
ياجزل مروري وكل الاعجاب