آخر 10 مشاركات |
|
انشر الموضوع |
|
أدوات الموضوع | انواع عرض الموضوع |
14-03-2017, 01:21 AM | #25 |
|
|
|
14-03-2017, 08:30 AM | #26 |
|
يا حبيبي البرق لاح
واستهلّت بالمزون بسمتك نور الصباح والندى فوق الغصون ورد جوري يوم فاح تحت ظل الزيزفون يا حياتي مٓ استراح خافقٍ فيه الجنون صابني ماضي السلاح من سهم رمش العيون ليتني طير بجناح واحضنك بين الجفون عاشق الحماد |
|
14-03-2017, 08:50 AM | #27 |
|
جرح قلبي منك يالريم الجفول
وين عهدك والمشاعر والوعد صابني يا غايتي حيرة وذهول وقمت اعاني كل من قام وقعد ارض صدّك كلها شوك ومحول ذقت مر الشوق مع هم السهد متى يضفي خافقي مزنٍ هٓطول متى المح ضوح برقه والرعد وتزهر الازهار في روحي واقول اشهد انه يالغضي يوم السعد عاشق الحماد |
|
14-03-2017, 09:11 AM | #28 |
|
رغبتي نخبتها من خيل ضمّر
مهرةٍ عند الطلب قبّا وأصيلة بالوصايف كنها من مهار شمّر اهل الطولات في كسب النفيلة من سهوم العين معلوقي تدمّر عين حرٍ صيدته خرْب الجزيلة يوم شفت الزين منطوقي تسمّر عنقها عنق المها بأول جميلة ديارها عن ديرتي آخر ما عمّر ليا بغيت انصا الغلا ما لي وسيلة عاشق الحماد |
|
16-03-2017, 09:14 AM | #29 |
|
سر يا قلم وامليك من جزل الامثال
ورزقي على المعبود مهوّن صعيبه محيي هشيم القاع من ديم همّال المعتلي بالعرش علام غيبه مخضر فيافي الارض بفياض وسهال خلاق نور الشمس وايضاًٍ مغيبه منزل على المختار آيات الانفال برسالته ما فيه شكٍ وريبة من بعدها سجلت من زين الاقوال اقوال جزلة بالمعاني عجيبة اوصيك يالمنعور لا تخاوي الانذال اهل سوالف بالمجالس معيبة الحر مرقابه على راس ما طال يشرف على الصيدات بعزٍ وهيبة والبوم اللي له الصوت ولوال خسران من يقنيه وهافي نصيبه من لا يروم المجد ينداس بنعال ومن لا يحوش الطيب لا تعتني به اجزم على الطولات يا طيّب الفال وابعد عن اللي فعلهم تستعيبه انصا الكريم اللي له الطيب شلّال بذبح السمين ويبهر الناس طيبه ملفاك من رايب البن فنجال فنجال رايق يهتني به شريبه ما حسّبت يمناه من دِق وجلال على الكرم والجود يركب نجيبة وارفا خمال الجار بالطيب ان عال وارحم كبير السن قدّر مشيبه هذي مواري الطيب بالناس يا عيال خلك مثل هداج بعذبه وطيبه وصلاة ربي على خير من قال جنّب لظى النيران واحذر لهيبه عوض الرويلي(عاشق الحماد) |
التعديل الأخير تم بواسطة عوض الرويلي ; 16-03-2017 الساعة 12:56 PM
|
18-03-2017, 06:59 AM | #30 |
حزب المدمر
|
شاعرنا عوض الرويلي
مبروووك افتتاح ديوانك مررت من هناا وتجولت بين بساتين احرفك فراقت لي جميعهاا اهنئك ع جمال وابداع قلمك تقبل تواجدي في متصفحك اختك صـدووودٓ |
|
18-03-2017, 07:18 AM | #31 |
|
اقتباس:
كما تحبين مع اجمل المنى. |
|
18-03-2017, 11:29 AM | #32 |
|
الشاعر الجزل عوض الرويلي
الف مبروك افتتاح الديوان عساه ديوان عامر بكل ماهو جميل ومباح لاجديد سواء الابداع والجزاله المعهوده من شاعرنا صح لسانك واعتلا شانك يامبدع مروري وتقديري |
|
|
|