مجرد اقتراح

بسم الله الرحمن الرحيم
اخواني واخواتي اعضاء واداريين منتديات الرواسي
السلام عليكم ورحمة الله بركاته
اخوكم مايعرف للمقدمات يبي يدخل في الموضع على طول
منتديات الرواسي تتميز عن غيرها من المواقع الاخر ى
بتعدد الشعار والشاعرات واغلبهم يجيد بحوره المتعارف عليها
ولكن الجماهير في الجزيره العربيه والخليج العربي
يحبون شعر القلطه والمحاورات حتى ان اكثر المواقع وجدت فيه
افضل وسيله للدعايه لمواقعها
واول ماتبتدي المحاوره يضعون الرابط على مواقع التواصل من فيس بوك
وتويتر ويحضون باعضاء جدد من شعار او محبين لهذا النوع من الشعر
وعندي اقتراح وانتم بالتاكيد محين لمنتداكم واعرف مني
في مصلحته
بودي نخصص يومين في الاسبوع يتم الاتفاق عليها بعد التشاور مع الشعار
تقام فيها محاوره بين اثنين من الشعار ومنتداكم واعضاءه اولى بكم من
غيره
يخصص اداري او شاعر بالتنسيق بين الشعار وتسجيلهم في جدول
مع تحديد اليوم والوقت لكل شاعر
انا ابي اسدكم في الصفوف والاخوان والاخوات ماراح يقصرون
اتمنى من كل شاعر يوافقني ويحب ان ياخذ دوره مع الشعار ان
يذكر الشي هذا من خلال رده على الموضوع
ويعمل تصويت للمسؤول الذي يتولى الاشراف عليها
والختام سلام
ملحوظه
هذا مجرد اقتراح ولااعلم اذا احد سبقني عليه
اذا راق لكم والا حولوه على المحذوفات

اقتراح جميل
واكيد سيعزز من موقع المنتدى
ماشاء الله مجوعة الشعراء فيهم الخير والبركة

كلامك صحيح يالصارم وانا اوافقك عليه
بس حنا اول شيء نبي مشرف للقسم
يكون صاحب خبره فالمحاوره علشان يتولى القسم
ويقوم بتنشيط القسم وتشغيله ومنع حدوث المخالفات
من خلال احتاك الشعراء ببعضهم البعض حتى ماتصير النتائج عكسيه
ومن ثم يقوم بجدولة الشعراء والتنسيق معهم .. اذا كان عندك استعداد للشيء هذا
بنكلم الاداره ونطلب منهم يحطونك مشرف للقسم وعساك على القوه شف شغلك وحنا معك

ليه ماترد يالصارم على سؤالي هههههه

الاستاذ زيني
وشاعرنا عائض
ارحبو ثم ارحبو
الشاعر عائض العتيبي
خدمتكم انت واخويانا شرف لي ولغيري وماراح اتوانا عن خدمتكم
لكن الاشراف والمسؤليات شارد عنها من قبل واخاف من زعل ناس
احترمهم واقدرهم وسبق وعرضوها علي وتوجهو علي بشرواك ورفضتها
والقسم صراحه مهمل وهو من افضل اعمدت المنتدى وركائزه
ويحتاج الى عدد 2 مشرفين يكون واحد مسؤول عن التنسيق بين
الشعار والاخر مسؤول عن الصفوف وانا راح اقف بجانبهم بكل
ما املك من قوه ومعرفه
والتنسيق بين الشعار يحتاج لشخص له قابليه عند الجميع ويحضى باحترام زائد
انا عندي خبره في تدريب الصفوف على ايام حبيب العازمي الله يذكرك
ويذكره بالخير والصفوف ابي اشعللها
ومن كلام تبين لي اذا لم اكن غلطان انك اخشى من حدوث زعل بين الشعار
لكن شعارنا غير عن كل الشعار والله لايجيب الزعل
والمشرف على القسم نبي الشعار كل واحد يختار اسمين ويرسلها سريه
على الاداره والاعلى منهم في رغبة الشعار والجمهور يتم اختياره
واحنا عصاهم اللي ماتعصاهم

اسف على التاخير اخوي عائض كنت فالصلاه

معذور يالصارم ماحصل شيء يوجب الاعتذار جعلك تسلم
بس انا ودي لو توافق تستلم القسم وتولى موضوعه والزعل وش يجيبه
المشرف عنده انظمه يطبقها على القسم اللي هو مشرف عليه
واللي بيزعل يزعل على النظام لايزعل على المشرف هههههههه

خل نشوف ردود البقيه وننسق مع محمد ونبي نحصل واحد يخدمنا