يا هاجسي من بحور الشعر قم واغرف

‏

يا هاجسي من بحور الشعر قم واغرف=هيضني البارق اللي ناض من قِبله
طرا لي الشوق وانا مثل ما تعرف=لا بنت رجلٍ ضعيف ولا ني بخبله
والحب ماهو شعور تافه ومقرف=إحساس في الذوق لا بعده ولا قبله
لو إن ترك المحبه والغرام اصرف=للبنت من هاجس ماهيب تحسب له
واللي بنى بيت حبه في الخلا مطرف=عن ديرة الدين واسلوم الرجال أبله
وأنا غرامي عفيف وصادقٍ وأشرف=من الشرف لو زهور وصالنا ذبله
عليه دمع العيون من البطا يذرف=شيخٍ علوم الوفا والطيب تنسب له
طلق الحجاجين في مد العطا مسرف=واحرجني بطيبته وأخلاقه ونبله
يقول بس اشرطي وانا علي اصرف.**=والمهر خمسين ناقه من خيار إبله
من قومٍ اجواد بيرق مجدهم رفرف=يعقب ردي النسب يلبسني الدبله

سلمى

عبدالله الصقري ,ملكة الرواسي ,رحيل و 3 آخرون معجبون بهذا

النجلاء ,الجووهره ,محمد الغنامي

سلمى
صح لسانك واعتلا شانك
مبدعه وجزله شاعرتنا
دمتي بخير

مبدعه شآعرتنا سلمى
صح لسآنك مليوون ولا يكفوون
ويعطيك العآفيه على هالرآئعه

سلمى
صح الله لسانك ملايين يارائعه
ابدعتي وامتعتي كما تعودنا من سموك الابداع والامتاع والحضور المميز
دمتي ودام مداد قلمك ورقي حرفك
تقديري وتقييمي لسموك
النجلاء

الله الله يـ سلمى
راائعه وعذبه وكايفه ونايفه
لاعدمنا قافك الفااخر

صح لسااانك,’’

الله الله
الله عليتس ي سلمى
والنعم والله
صح لسانتس مليوووووون
ولاهنتي يالغالية

تم التنسيق

مرحبا بالشاعرة المبدعة
وصح لسانك على القصيدة الرائعة