آخر 10 مشاركات |
|
تاج القصيد .. خاص بنزف شعراء رواسي نجد. بالأسم الصريح .. |
انشر الموضوع |
|
أدوات الموضوع | انواع عرض الموضوع |
13-10-2018, 02:03 AM | #1 |
|
يوم التقينا ...
كل الحكايه وضعنا هيك غادين=واكبر خطا هو وأد حلم الطفوله اليا متى وحنا بهالوضع راضين=اسماء عن نيل المطالب كسوله اسماء ما تحمل حلول و مضامين=تركض بنا سود الليالي عجوله وصرنا على هالحال بالوضع لاهين=نرجي القدر لنا يقدم حلوله وراحت بنا الافكار مدري على وين=حتى خسرنا الحب من نصف جوله والقصه انا بالوصل قبل عامين=عشنا ربيع الحب باجمل فصوله عشنا الغلا وكنا مع الود سارين=والسعد لاجل عيونك اعلن وصوله واقلوبنا ارق والين من الـلـيــن=وصدورنا بنبع الـحـنــان مـغـسـولــه واليوم دجينا عسى ربك يعين=شفنا ضروفا حيرتنا مهوله ولو كان ينفع للأحاسيس تامين=امنت عن غدر الزمان وميوله كنا من ايام البدايه صريحين=كنت المطر وانتي سماه وسيوله كنت الوسم وانتي هواه وتثيرين=ارق من نسمه مشاعر خجوله والمساله ماهي ايحاء وتخمين=جيتك بقافا ناخ عندك ذلوله جيتك علي وضح النقا كان تدرين=وردك وصلني قبل شخصك يقوله هذا وانا اللي اعشقك حول عامين=واركض ورجلي يم حبك عجوله وان كان في زينك وذوقك تحدين=انا اعترف لك بالحلاا والبطوله يحق لك باجمل صفاتك تباهين=و مركزك الاول مدركته بسهوله وانتي ترى قدرك على الراس والعين=لكن من اللي صار نفسي جفوله عندي الكرامه مابها واحد ثنين=كلا يتحمل غلطته يا عسوله الجرح لامن جاك من ناس غالين=اثاره اكبر من مجرد حصوله يجي الالم بالكم والكيف والبين=ولا هوب انا كل الخلايق تقوله والغالي اللي عاش في عينك سنين=يا شينها لا صار جرحك نزوله اللي يتضايق لو سمع منك حرفين=هذاك ماهو يم حبك ميوله طبع الغلا يحتاج لطفا وتطمين=ماهو بصناعه طايره او بطوله يحتاج عطفا يتمزح بين قلبين=قبل شتاء الشوق يعلن دخوله وباللي حصل لا تزعلين وتلومين=وانتي اهم اسباب لحظه حصوله عجزتي تسوي للاشواق تمكين=من قلبك اللي بالبياض اشهدوله وما باعد اللي بالموده قريبين=الا سحابا كف عنا هطوله يمكن تعدى صوب ناسا بعيدين=يومنهم بكفوفهم صفقوله ويبدو لي انا مضيعين العناوين=واللي بغينا صار صعبا ننوله وان كان ماودك عليه تردين=ردك عرفته قبل شخصك يقوله وسلامتكم الرويلي لقيت روحي |
التعديل الأخير تم بواسطة الناقد/عبدالله الروقي ; 05-11-2018 الساعة 10:04 PM
|
|
|