الزمن ميقات

من الإرشيف


الزمن ميقات .. و الأفعال منّا
والقدر ياخذ نصيبه .. و راضيين

المصيبه لو على بعض نتجنّى
ثم نقول احنا لبعضنا عاشقين

كم تمنيت اسمع النبض المغنّى
لو شوي ونبض قلبي تسمعين

نتهم لا من تبهذلنا زمننا !!
نرتمي في حضن لومه طايعين

وش بيدّي ؟ والقلوب امست وطننا
دمّنا فيها و نرحل ميتين

آآآآه يا ويل الفؤآد اللي تمنّى
يرتعش من صوتك و يغفى سنين

ما تهنى لو هو بحبّك تهنّى
ما جحد جودك كثر ما تبخلين

إن زعلت اجني زعلك و سوء ظنّا
و ان سكتّ يموت في جوفي حنين

أقطف هموم الغلا من كل فنّا
و اسقي عروق المحبّه بـ الأنين

و البس ثياب الأسيَّه و آتونّا
يمكن القى للفرح ثوب ٍ يزين

من دما الأقلآم لي كف ٍ تحنا
و لي خفوق ٍ من ظنا شوقه سجين

والختام افعال كل الوقت منّا
لا فؤآدك حس و لا عقلي رزين

ملكة الرواسي ,الجووهره ,خيال مطير و 1 آخرون معجبون بهذا

رحيل

الله الله
صح لساااانك ميلوووون ولاهنت
ارشيفك جدييد طال عمرك

خيال مطير ,عبدالله الصقري معجبون بهذا

صح بدنك و سلمك ربي رحيل
و لا صار جديد الا بوجودكم
لك اجمل و أرق التحايا

خيال مطير معجب بهذا

صح لســــــــــــــــــــــانك يابو محمد

عبدالله الصقري معجب بهذا

صح بدنك وسلمك ربي خيال
حمدالله ع السلامه
وعودا حميدا يالامير

خيال مطير معجب بهذا

صح السانك شاعرنا عبدالله الصقري
مميز فيما قدمتة ابيات استوقفتني كثيراً
لجمال مضمونها وقوة بنائها يعطيك العافية

عبدالله الصقري معجب بهذا

مبدع دآئما شآعرنا
في قديمك وجديدك
صح لسآنك مليووون
ويعطيك العآفيه على هالرآئعه

عبدالله الصقري معجب بهذا

الجميل هزاع و الجوهره البرَّآقه

الله يسعد صباحكم و كل اوقاتكم يارب

صح بدنكم و سلمت أروآحكم و قلوبكم

دمتم بكل خير و محبَّه

ولكم جل الود و فآئق التقدير و الاحترام