زلة قريبكـ

سلام عليكم

الله يسعد مساكم
مشاركة للتواصل مع تاج القصايد

زلــة قـريـبك عـند الاجـنـاب تـكـويـك=لو كان ما يسوى على الحزم ما طاك
اليا صبرت الصبر ماهوب مشفيك=ولـيا تـرديـت الـردى مـا تـعـداك
اما بركت لحملها والـوجع فـيـك=ولا قطعت بسيف يمناك يسراك
واللي على وضح النقا ما يصافيك=لا تـامـنه لا عـقب الـوقت يـمـنـاك
دور على الي من تجاربه يعطيك=الي ليا شاف الـغلـط منك قـداك
الي عـلى طـيب ومـعزه مـخـاويــك=وعلى الدروب الي تنقصك ما اغواك
ون غبت عن شذب العراقيب حاميك=بالـكـلمه الـزانه وبالـشـين مـا اطـراك
اخير لك من حيةٍ في مخابيك=امـا تـغدى مـنـك ولا تـعـشـاك

عبدالله الصقري ,شاعرة نجد ,ناصر الهواوي و 7 آخرون معجبون بهذا

علي القرني ,النجلاء ,أحمد السليمان ,رحيل ,ملكة الرواسي ,الجووهره ,محمد الغنامي