عاد عيدكم

السلام عليكم وعاد عيدكم وكل عيد وأنتم بخير .

^_^_^

مضى شهرنا المبروك بالخير والإنعام = وربي يجازي بالعفو كل من صامه
وضوّى هلال العيد ويبشّر الصوّام = ويحسب شهور العام والعمر وأيامه
وعسى عيدنا ينعاد في تالي الأعوام = وحنا بطًولة عُمر ونتورخ أعوامه
وأهني عموم الشعب بالعيد والحكام = وعسى الأمن والإيمان بالخير دوّامه
وهذي تحية راسية تسبق الأعلام = تعمّ الرواسي م السراوات وتهامه
طوتنا المغيبة والمعاذير ما تنلام = وتشفع لنا و النفس للعَود لوامه
بنادي الرواسي رنة الشعر والأنغام = ومعها ربيع العمر تتهيض أنسامه
تعوّد بنا الذكرى ليا سالف الأيام = وليل السهر والهجس تتوجد أحلامه
وتسري هواجسنا على نجد والدمام = وتحمل سحايب شوق بالعشق دمّامه
وفيها تهيض النفس بالشعر والإلهام = وبيت القصيد اللي نهوجس بمنظامه

وسلامتكم وطابت أوقاتكم ،،

ناصر الهواوي معجب بهذا

اهلا يابو عامر وصح لسانك وكل عام وانت والجميع بخير وصحه وسلامه
والرد موضوع جديد هنا

عبدالله الدّنّيش معجب بهذا

اقتباس:

المشاركة الأصلية كتبت بواسطة ناصر الهواوي

اهلا يابو عامر وصح لسانك وكل عام وانت والجميع بخير وصحه وسلامه
والرد موضوع جديد هنا

##
سلمت ودمت وصح لسانك ابو عبيد
وشكرا على ردك في سجن القوافي
ولك أجمل التحايا ،،

ناصر الهواوي معجب بهذا

عليكم السلام

وعيدك شاعرنا,وكل عام وانتم بخير
وصح لسانك على هـ الفاخره والابدااع

وسلمت ودمت,’’

عبدالله الدّنّيش معجب بهذا