هنا .. سجن القوافي !!

ياشيب عيني من الناقد عجيب وغريب=لامرنا كن راع السيف يركظ وراه
ما يصغي إلزاهمه وان سمع ما يستجيب=ليا طمعنا بمعواده عطانا قفاه
قالو اقفياة ضبع واقول انا اقفاي ذيب=هجد فريق ودرا فيه الرقيب ورماه

عبدالله الصقري ,الجووهره ,خيال مطير معجبون بهذا

صحت السنتكم جميع
ومنور يالناقد بعد غيبه
يقول الشاعر



قالوا تحب الخيل ياحظها الخيل .. خذني معك مهرتن وبيدك رسنها
ياللي عيونك يسري ليلها الليل .. وياالي شفاك حدث الموت عنها
إنت الهوى من بد كل الرجاجيل .. وأنت الذي روحي غرامك سكنها
تعال وازرع في عيوني مواويل .. تعال خذ روحي غرامك سكنها
تعال ابقهربك قلوب العواذيل .. وهاك البنات اللي جمالك فتنها
اشعل لي الدنيا شموع وقناديل .. وقف ثواني الكون خلك زمنها
لا يا بعد عمري طفح فيني الكيل .. أفديك انا يا روح روحي وطنها
هذي دلالي من شفاهك تبي هيل .. قم بهر الدله وابرشفك منها
قالت تحب الخيل قلت إيه بالحيل .. ماظن نفسي تقدر تصد عنها
سحر العيون ومهجتي شوفت الخيل .. هي علتي ودواي مسكت رسنها
يا بنت أنا بذلل الحرف تذليل .. لأجل الحروف اللي فوادك حضنها
من سبتك يا بنت أنا ممرح الليل .. هرجك جرح روحي ونفسي فتنها
اللي جرحني بالرموش المظاليل .. محبته بأقصى فوأدي دفنها
جيتك وأنا شيل الحطب والمعاميل .. بأسوي القهوة وأباسقيك منها
واللي يعذلك راح من غير تحصيل .. والله لا أخليه يدفع ثمنها
ما عاش من يجرحك لو قيل ماقيل .. لا جلك حياتي يا لمها جزت عنها

عبدالله الصقري ,ناصر الهواوي ,الجووهره معجبون بهذا

ياسابقي حبـك مقيـم علـى سـاس
مولّـع فـي حبـك القلـب توليـع
حلفـت لوسامـوك بفلـوس عبّـاس
اني شفيع فيك لا اصخـي ولا ابيـع
ولادخل قلبي مـن البيـع هوجـاس
وان زودوا لي بالثمن قلـت ماطيـع
ياما حلا لا شلّـت الذيـل والـراس
مثل المهـاة اللّـي تهـاب المتابيـع
ريميّة شمّـت مـن الريـح نسنـاس
حلّت على زول المبندق مـع الريـع
والاّ كما شيهانـة تبغـي الأفـراس
جول هـوى تبغيـة قـدم التواقيـع
باغي الى جانا مـن القفـر عسّـاس
وسميّـة فيهـا الزبيـدي مصالـيـع
وانا عليهـا قـدم الاسـلاف نطّـاس
لا جات حزات الفـزع والزعازيـع
لا صوّت الصّيـاح بـاد بـالارواس
يفرح بي الذّود المطرّف الـى ريـع
والـى لحقناهـم والاريـاق يبّـاس
مركاضنـا ماهـو بهـوز وتماتيـع

عضيب بن حشر القحطاني

عبدالله الصقري ,ناصر الهواوي ,الجووهره معجبون بهذا

الضحى الضاحي ونسناسها بارد شمال=ما تقول الا دخول الشباط الاولي
والسما زرقا صفا لا عسام ولا خيال=وصف للحاله فقط وانصتو للي يلي
الجمال اليوسفي يامدورت الجمال=لون جسمه يالمطيري به اتذوب الحلي
مرني كنه يبي شي ما حصل مجال=ورحت اباري له لعل وعسى مالد لي
سبكته يامسندي لجلها يرمى العقال=مقصده في مرته واضحه واثر علي
الحواجب والعيون امتعليهن هلال=والورود اللي عليها الرموش اتضللي
واشعلٍ مثل الذهب من على الامتان مال=لابدين ولا نحيف ابقوامه ممتلي

الجووهره ,عبدالله الصقري معجبون بهذا

يقول جدي ناصر رحمه الله من قصيده طويله
البيت تلعب به هبوب الذواري = بغى يطير وقاضبته المناسيب
ياواصلٍ مني حسين ومشاري= خوالي اللي ينطحون المواجيب
قله يدور لي خطاة السواري= وغير السواري مال كفي مطاليب
وايدور المربوب ماهوب عاري= ترا الصنق يطق بام اللعابيب
ــــــــــــــــــــــــــــــــــــــــــــــــــ ـــــــــ
رد الهاجري رحمه الله
البارحه طاري علي الف طاري= من كثرهن حطن بقلبي جناديب
اللي يخج القلب واللي يباري= واللي يشذب ثومة القلب تشذيب
يابو عويض خبرن ويش جاري=قل وش طرالك ياحصان الاطاليب
ان كان تنشد عندنا ملح ضاري= مير انهم جب ياحبيبي وانا اجيب
بنت الذي بالمرجله ما ايداري =بابٍ على السكه وبابٍ على السيب
ــــــــــــــــــــــــــــــــــــــــــــــــــ ــ
وهما طويلتان بس هذا ما احفظه
السواري نوع من البنادق القديمه
الصنق يعني الصدا بالحديد
ام اللعابيب مرض يصيب الصغار ويصير مدنق براسه ويقرقعون له باللعبه حتى يرفع راسه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
طرا على البال ياشموخ ما يطري على البال=واللي يطريه لي حب الجماعه للمغيبه
صرنا على شويش نفقد ربعنا بنات وعيال=وكان استمروا على هالوضع يكبر المصيبه
العام اهل ظلم والعواد مازالوا ولازال=والريم والشاعره بغيابهم شكه وريبه
والعاصمي والدنيش اوضاعهم حِلٍ وترحال=والناقد ايقول غيباتي من اوضاعٍ صعيبه

الجووهره ,عبدالله الصقري معجبون بهذا

بمناسبة عودة ابو منصور لقيت هالارشيفيه ونزلتها هنا


يا اهل الجيوب اللي محن سمعة العيس=يطون بساعه ما بجمعه طونه
مشوار ما يبغا جواز ومنافيس=وعليِ اكمل كل ما يطلبنه
خلافهن بالليل شبن مقابيس= والليت قدم نحورهن ولعهنه
وقبل تنوش الشمس قرنين لبليس=والصبح شال امشيلح الليل عنّه
قد عقبن بالسر حمر الطعاميس=وساعه ونصف طويق قد عقبنه
والظهر لوهن حول ديرة كديميس=ما ناحرن للديره الا يبنه
رحب وهلا واقرشن المحاميس=وصاح النجر يدق هيله وبنه
يمناه ما اعتادت على ذبحة التيس=ذبيحته لمه مع الذود حنه
صحيح ما ضيفان ربعي مفاليس= هيلٍ وحيل ولازرق العود خنه
تريحو في مشرعات المجاليس=والعصر مافي نشر الاخبار منه
قولوا تحريناك بشهور اماليس=ووصل الرحم مفروض ماهوب سنه
المنتدا ما هب لك به نسانيس=ونوحي لعسعس من تحريك ونه

الجووهره ,عبدالله الصقري معجبون بهذا

اقتباس:

المشاركة الأصلية كتبت بواسطة الناقد/عبدالله الروقي

الله يسلمك ويبارك ياريم الفلا
حقيقة سعداء برؤية الشاعرة الفذة ومثلك مكسب للشعر والمنتدى
وأتمنى ألا تكون آخر الغيبات أيها النبيلة
ماعاد كتبت الشعر عقبك، لعل لك الفضل بعد الله في تحريك الواهس فلا تحرمينا من إبداعك!

وصحت ألسنة جميع الأفذاذ في هذا الصرح النبيل
وتقبلوا فائق التقدير جميعا ،،،،

ياهلا والله ومرحبا الاستاذ الناقد عبدالله الروقي
الحمد لله على السلامه واخر الغيبات ان شاء الله
نورت الرواسي بوجودك

الجووهره ,عبدالله الصقري ,ناصر الهواوي معجبون بهذا

السلام عليكم
مساكم الله بالخير
صح الله لسانك يابو عبيد
وصح لسانك يالصقري
خيال دام وجودك ويعطيك العافيه ع التسالي الذوق
جوجو يسلم ذوقك الراقي ياراقيه

الجووهره ,عبدالله الصقري ,ناصر الهواوي معجبون بهذا