آخر 10 مشاركات |
|
نصوص شعريه وخواطر من ذائقتكم .. مرسى ملفات الـقصائد والخواطر المنقوله .. |
انشر الموضوع |
|
أدوات الموضوع | انواع عرض الموضوع |
12-03-2017, 06:39 PM | #1 |
|
ابن عون ... و.. ابن جدلان .. و.. السلولي
ملتقى الشعراء
ابن عون ... و.. ابن جدلان .. و.. السلولي إعداد: طلال المسيمير ابن عون للشعر عمالقته وذواقه فعندما يجد الشاعر قصيدة تروق لهاجسه نجده بمشاعره يلامسها بقصيدة مجاراة لها وهذا ما حدث بين هولاء العمالقة، قصيدة يبتدئها الشاعر الكبير عبدالله بن عون ويقوم بمجاراتها الشاعر الكبير سعد بن جدلان، ثم تهيض قريحة الشاعر محمد بن عباد السلولي ويجاريهما. كل قصيدة من هذه القصائد لها طابعها المميز والعذب والذي يشد محبي الشعر، فقد ابتدأ ابن عون بقصيدته في قوله: شعتني علوم الصيف وارقلت للمسناد ولا عاد يعذل واحد طافح شبله آبي عبلة ضافي عليها كما السجاد ديار يرود عدودها من يحب ابله ولا عاد لي من يوم سال الشفا مقعاد عتيبي وداري فوق ونحيتي قبله ما دامه وكد لي سيل وادي قليب عناد انا ويش يحرمني شفا نجد والعبله ابتبع هوى وضحا تحط البيد سناد لها غير زين طبوعها خدة قبله ليا سمعت الحادي نده ندهة الميراد تقود اول الزعجول لول وتقرب له ابيها ترفع فوق عن ساخن الانفاد وتجي في فياح كل مصلاح يطرب له انا في الديار الطامنه في تعب وجهاد على كثر مرعاها مداخيلها خبله عساها يساقيها المطر ديرة الاجواد ولا بيها لون ثمامها ينقلب ربله @ مجاراة الشاعر سعد بن جدلان للقصيدة في قوله: شعتني قصيدة شاعر عذّب القصاد ما حد يستلذ السالفه لين تنسب له علومك يابو نايف قراح على الاكباد لكن تجر قلوب مع الوضح منهبله مواليف وضح كنها وضح بن عبّاد لا شافها راعي الدبش طيرت شبله تواغض مع الريضان كنها خيام أسياد لونها بعيد بادي الرجم تقرب له أو حمّى مغاتير مقاديمها شراد هريب السحاب اللي تواليه منسبله قبلها ليا من المناره سناها زاد قبل الاشهب المرشوش لا فضوا اصطبله عنقا مارق نسنوسها سودها منقاد مع طول خدتها خراطيمها سبله شناح طفوح شبلها دايم خداد لونها مع ذود ابن عمي خذيت ابله لا ضاقت براعيها الوسيعه بكل بلاد يحوّم وكبده من اهل المدن مندبله لا منه نطحها عصر ولا هجد مهجاد ليا شافته قامت ترازم ترحب له هذي تنطحه تبغى تقبّله جد عماد وهذي تنهب شماغه وهذيك تلعب له @ ومجاراة الشاعر محمد بن عباد السلولي لا تقل عذبة مما سبقه وجمالاً في المعنى حين يقول: جذبني صدى صوت تلاحت به الأطواد يتعّب هواة الشعر بعده ومن قبله صدى صوت عراف لشعر الأدب رواد منابع عيون الشعر والكلمه الذبله تلاحوا على وضح عليها العيون حداد ولوف على صوت الموده تراقب له دقاق العنوق اللي خراطيمها ورّاد على حب راعيها شغوف ومنجبله تقدم لها بن عون في وصفها نشاد وشعا الاكلبي والاكلبي تلني حبله وانا قبل صوته ماشي في الطريق حياد على ما تقول الناس كل على هبله وبعد زعزع الوضحى فلا عاد لي صداد سلولي وقلبي طاري الوضح يرغب له ابتعب واحاول لو لحقني عاد وانكاد على منهج ما كل قاف يناسب له وانا في هواها مغرم هايم منقاد لو اكثر على اللوم في حبها الابله اوقع لها بالعشر واشهد الاشهاد انه لاعب بي حبها لعبة السبله صحيفة الرياض رواسي نجد خيال~ |
الخط يبقى زمنا بعد كاتبه ،،، وصاحب الخط تحت الأرض مدفون
التعديل الأخير تم بواسطة خيال مطير ; 13-03-2017 الساعة 12:23 AM
|
12-03-2017, 06:47 PM | #2 |
|
يعطيك العافيه خيال
على نقل المجاراه الجزله والفخمه لعمالقه الشعر لاهنت على الطرح تحياتي لك |
التعديل الأخير تم بواسطة خيال مطير ; 12-03-2017 الساعة 07:54 PM
|
12-03-2017, 07:01 PM | #3 |
|
خيال
يعطيك العافيه انتقاء رائع لكبار الشعراء على الساحه الشعريه شاكره لك وجودك ومجهودك تقديري لسموك النجلاء |
مصممتنا المبدعه والمتألقه رحيل الف شكر لك ع التصميم الرائع |
12-03-2017, 08:41 PM | #5 |
|
نقل رائع
يعطيك الف عافية خيال . |
فِــيَ صَــمَــتــيَ كْــلآم ْ.. مَــآ يـَـفــهَــمَــهَ كِــلْ إنــسَــآنْ وفـِـيَ شِــمَــوَخِــيَ مَــهَــآبــَه تِــعَــدَت كِــلْ الأوَطَــآنْ !! |
13-03-2017, 01:28 PM | #7 |
|
الله الله
ابداع وجزاله غير مستغربه على شعراء فطاحله رحم الله الميت وادام الحي خيال مطير سلمت ولاهنت على النقل دمت بخير وسعاده |
|
|
|