][ مواقف عابرهـ .. تأملها أنتـ/ـي ][

بسم الله الرحمن الرحيم ..

السلآم عليكم ورحمة الله وبركاته ..

أسـ ع ـد الله اوقاتكم بكل خير ..

هذهـ مشاعر وآلآم كتبت على طريقة المواقف العابرهـ

أتمنى أن تعجبكم

.

.

.

أبو ناصر صاحي من صباح الله خير .. يروح للدوام ويرجع الظهر ..
يتغدى ويأخذ له غفوه الى آذان العصر .. وبعدها يطلع للسوق ..
يدخل على محل لبيع المواد الغذائيه يشتري [خيشة رز] ..
يطلع عند المحاسب يعطيه 150 ريال ويجي يبي يركب السياره ..
المصري ينادي ابوي : ياعم فين باقي الحساب !!
يرد عليه ابو ناصر : اعطيتك 150 زي كل مره اشتري منك ..
المصري يرد : لا يا حج دل الوقت الحساب 180 ريال كل شي طار ..
تطير عوينات ابوناصر ويضطر يدفع الزياده ويردد : الشكوى لله !!

سعود طالع من الدوام ويبي يحط راسه ويرتاح .. ويرن الجرس ..
[أبو دحيم] صاحب البيت اللي مستأجره منه عمي عند الباب ..
يفتح سعود .. ويتفاجأ ان صاحب البيت يقوله : الايجار هالشهر ارتفع ..
سعود يرد : يابو دحيم قبل اربع شهور مزود 2500 علينا ..
ابو دحيم : والحين ابزود 2500 ريال بعد .. تخبر الحديد غالي ..
سعود : اللي يشوفك يقول جالس تبني هالعماره الحين ..
ابو دحيم : معجبك والا سلم البيت ..
سعود : ادفع الفين وخمسيمه الشكوى لله ولا اجلس انقل هالعفش .. :badboy:

أم صالح طالعه للسوق تشتري اواني منزليه ..
خذت له كم قدر مع طقم صحون .. تتفاجأ ان السعر صار دبل عن اول !!
تدق على ولدهـ تقول : ياوليدي ياصويلح مر الصراف وجب لي فلوس زياده ..
صالح : بس ياميمتي قبل شوي ساحب لك 1000 ريال
امي : ياوليدي يقولون الاسعار نار ..
ويضطر صالح يصرف بقية الراتب وهو يردد : الشكوى لله !!

هو اللي معروف انه مجنون شي اسمه كت كات ..
دخل على عبدالسلام هندي في البقاله اللي جنب بيتهم ..
واللي تعود يجيه كل اسبوعين يشتري كرتون كت كات منه .. ويرمي عليه 32 ريال ويطلع ..
لكن هالمره يوم طلع سمع احد ينادي عليه : سديييق سدييق ..
هو إلتف الا والله يقصده بقولته سدييق ..
قال : سم طال عمرك يا شيخ عبدالسلام خير ياطير ؟؟
قال : باقي خمسه ريال !!
هوانصدم وقال : أي خمسه ياهوووهـ دايم اعطيك 32 ريال !!
قال : هذاك اول .. الهين كوولوو غالي ..
ويدفع الفرق ويردد : الشكوى لله !!

ابو مشاري شايب مسكين فقير وعنده 10 عيال ومعه ضغط وسكر .. وعلى الله ثم على راتب التقاعد اللي مافيه بركه ..
وابو مشاري ياخذ علاج للضغط وعلاج للسكر في الاسبوعين علبتين !!
سعر العلبه 150 ريال .. طالع يشتري علاجه من الصدليه ..
يتفاجأ أن العلاج صار سعرهـ دبل !!
يعني 300 ريال سعر العلبه ..
يعني بالشهر 600 ريال لعلاج السكر و 600 لعلاج الضغط !!
شهرياُ 1200 ريال .. ينصدم ويرتفع ضغطه ويدفع قيمة العلاج ويردد :
الشكوى لله !!

.

.

.

أخيراً :

ابوناصر وسعود وام صالح وهو يقدرون يمشون حالهم بدون رز ولا كت كات ولا اواني منزليه ولا ايجار بيت
ويقدرون يوفرون بديل مناسب وبسعر اقل
لكن ابو مشاري المسكين .. وش يسوي ؟؟

هذا حال أغلب الاسر في هذه الايام إن لم تكن جميعها !!

مما اعجبني حقا واحبببت مشاركتكم به

بنت العود
مشكوووره غاليتي على الموضوع الرائع والطرح القيم
لاعدمنا جديدك دمتي مبدعه مميزه
احترامي لك وتقديري
تقبلي مرووري المتواضع

مشكوره يا الغلا على الموضوع القيم تسلم ايدك تقبلي مروري بكل الحب والود

طرح راقي ومميز تسلمين على المنقول

فعلاا

بحكمي من اهل المحلات

سويناها كلها غالي في غالي

بس والله غصب لان المورد صار يرفع السعر يقول

من المورد الاصلي صار كله غالي في غالي

بنت العود مروري وتقديري على الموضوع الهادف القيم والذي خط بقلمك الرايع

يعطيك اااااااااااالف عافيه

عالموضوع رائع

موضوع رائع وواقعي فعلااا

الله يعطيج العافيه

تسلمون وربي عالتواجد الاكثر من رائع
لكم كل شكري واحترامي
اسعدتوني حقا