مرسى ( هاجوس فكري ) الرواسي

ما بين وارد وصادر من يرد الخبر
لعل الاسباب خير ولا يطول انتظار

و ان قلت للمنتظر ربك يجيب المطر
يفز قلبي كما فزّت غصون الخضار

مع هجوس الشعر كم طال التفاهم والنزاعي@
لو هل الشعر الحقيقي فنهم عشق و صبابه

شايب و كم شاب طفلٌ توه بسن الرضاعي@
يا عتب ما عاد لك بحلوق خلق الله طلابه

و يا مشاريه الغلا ما عاد للشرهات داعي @
كل شرهه يقتفيها لوم ( يا مكثر عتابه )

نافخٌ في قربة شنه لها خروقٌ وساعي @
مخطيٌ فيما فعلت و ضاع جهدك و المهابه

قفل ابواب العتب يا اللي لبذل الجهد ساعي@
لا تحسب ان المبادي لأكثر العالم تشابه

احتسب ما تفعله بإقبال والا ف الوداعي@
و ابتسم والصدر خله من رحابه في رحابه

و واكب امواج البحر و لمركبك فل الشراعي@
كل موجه تنكسر ف الشط من زيف انسيابه

يسري بي الهاجس اللي ما صفا جوّه
و انا على طارف الذكرى و الاطلالي

يا نجم سامر سهِيرٌ تتقد ضوّه
بين الحنايا لهبها يشعل اشعالي

و ان قال للهجس هوّد قال له توّه
ما كل ما قلت هوّد صار يحلا لي

و الذاكره من مداره تاخذ القوّه
ما بين روح و تعال وذا لك وذا لي

تبيان شطرٌ كتبته و انت تدري به
و تكميلة البيت تبقى داخل ضلوعي

يا بلسم الجرح ليش تمن بعلاجه
و كنك تقول ان طبه كيف يعنيني؟

شفتك مقفي معَ طلعت كرى و تلامس الغيم
و اقفيت مع خط جده و دي بشاطي بحرها

لا تحسب القلب سالي وحبي لك خداع
اشهد اني صادقٍ بالغلا ماقلت زور

انت قلبي مرتعٍ لك فيافيه الوساع
صار محمي لك لحالك عن الغيرإمحضور

اسقي ازروع المحبه وحذرى الانقطاع
كل زرع ليا انقطع ماه يبدا بالضمور

و العهد من بيننا كل سر ٍ مايذاع
كن مابيني وبينك تبادل للشعور

للمشاعر فالحنايا من اسبابك صراع
لا تقولين ان ودي تجاهك به فتور

يزورني طيفه و ازيد التراحيب
و موثقٌ عهدي معه ما انفصليّا

و ارسلت مع نجم الثريا المناديب
وصلوا ولا وصلوا ولا لي وصليّا

و احرق صلو ناره ضلوعٌ محاديب
ما تنطفي يا كود وصله حصليّا

و ان كان ما عنده لوصلي مواجيب
قولوا له انه يلحق النار صليّا