ديوان الشاعر / عبدالله الصقري

الشِّعر





الشِّعر صغته من محبَّه و من غُلب
و من ألف شيٍّ في ضميري أدسَّـه

نصفه من عيـوني و كلَّه من القلب
و اَبعَـد من اللي شآيفـه أو أحـسَّــه

ما ننـكـرَه لو تُسلَب عـقـولنـا سلب
ما يغتني لو ما يـجـسّ و نِـجِـسَّـــه

و الريـح مهما غَيَّـرَت مَعلَم الصَّلب
ما ضَيَّعَـت قــآفٍ بـالاعـمـآق حِسَّـه

رحيل ,ملكة الرواسي ,الجووهره معجبون بهذا

يلبَّا قلبك القآسي عليَّه
ما يِحِنّ الاَّ شوَيَّه
يوم يغرقني بحبَّه
و دووووم يتغلَّى عليَّه

رحيل ,ملكة الرواسي ,الجووهره معجبون بهذا

يا صاحبي هي تجربه و امتحان
أوَّل نتـآيجهــا خسـرت الصـديق

رحيل ,ملكة الرواسي ,الجووهره معجبون بهذا

رهين الصمت




باهديك يا جرح الأحاسيس لفظي
(أغليك) ما هي مثلما قيل (لفظـه)

طيفٍ بنوره مطفي ولاجله افضي
أقـولهـا و قلبي على الرب حفظه

إحتـرت مين آزَعِّـلْ ومين أرضي
وانا نبـات ٍ ما سقى الحب أرضـه

الوقت جـوره حـآكـم ٍ لي ويقضي
وآنا رهين الصمت وآطيع فرضه

لاما حَـكَـم بالحق .. ما ردّ بعضي
لاما كفــاه الـظلـــم فيني و برضه

أتْـهَـمْنـي و مـا فــآد ويَّـآه نقضي
حَكَم بـ شرب الهم طوله وعرضه

يـا عـزِّتـي والقلبــــ خلّيــه ملظي
في نغمتـه مأسآتي و منك نبضـه

لا شك انا غلطان محتـاج وعظي
لا صـار حتّى الوقت خالَفْه بعضه

اللي يريب الروح بالسَّآع مقضي
و مصيبتي ما احسنت لله قرضـه

ذي حكمته و المبتلى منه مَرْضي
عقبآه من نوض الأحاسيس يقظه

لولاي اميِّز ما اقتنيتــه و عرضي
ليصيربين الموت والموت غمضه

دام الجـفـــا يفنيني بغـيــر أرضي
ليـه الـوفــا بنيــآن لا بــدّ نقضــه

و الله لـولا هَـبَّـة الريــح لـ اقضي
و اموت مـا لآحت لعينآي ومضـه

و والله لو ما نَصْـدق الحب نمضي
و ان عمَّرَت قفر المساطير نهضه

رحيل ,ملكة الرواسي معجبون بهذا

ليت عيني يومهـا تبكي جفـآك
بـآكيـه من خشية الربَّ العظيم

الله اكبــر و الله الـعـآلـم غـلآك
وش بعد هذا الهيآم اليوم اهيم

رحيل ,ملكة الرواسي معجبون بهذا

من أجل خآطر قلم بـ اكتب على الصفحه
و اقول .. ياليتني ما صرت ابـد شــآعـــر

رحيل ,ملكة الرواسي معجبون بهذا

حسن انطباع




وآدِع و لكن . لا تقول الوداع
يا كبر هـ المعنى لو حـروفــه اربـع

خلّيِه يعكس عنك حسن انطباع
لا فرحـة مفـآرق و لا جـود مـدمــع

هذي . غلاق الفين لحظة وداع
نسمع بـ ناس و ناس ما عآد نسمع


16/5/2010

رحيل ,ملكة الرواسي معجبون بهذا

سروج


سريت ب ليلـةٍ دهمـا من اعدآد الليالي العــوج
و رسّـتنـي بـ شـطّ ٍ نسمتــه تـستــلّ آهــــاتــي

على ذاك الشعاع اللي تناسق به ركود المــوج
جلست الملم اشـتــات ٍ تـبعثـــر في مسـافـاتي

جلست وكنّي المسحور ادوّر في النجوم بروج
و اجمّع بين نجـم سهيـل و سهيـل ٍ علامـــاتي

و اخطط في مسـاليك الفلك مسيار لي و نهوج
تجمّع بين تصميمي . و ضحكاتي . و هفـواتي

غريب ٍ يا مسار الحول . قسّمت الركيب دروج
بـ فصل ٍ تزهي ثمـاره و فصل ٍ هي سقـيـمـاتي

أجيك بوقتك اللي به تهآدى خطوتك بــ غنــوج
أبي تهــدأ معــاك خطــآي لو بــالرجــل عـلاّتي

واجي لك والغمام معـتِّـم و ما في سمـآك فروج
أريــد ضيـــآك لا صــار النظـــر آخــر مطيَّـاتي

أبـ ارقى لك و انا عآتب عسى مابالليال سهوج
وابـ ازهم في صحآرى الروح لوما تآصل اصواتي

وابـ آنآدم زوايا الفكر واشعل بـالعتيـــم سـروج
و اسآفــر لك وادري ان الصبــر كلّـه محطّـاتي

رحيل ,ملكة الرواسي معجبون بهذا