/ كان المُهيب إللي يهز كل الأركان /

الحقيقه أن هذه القصيد كتبتها منذ تاريخ 15/12/1427هـ
ولكن لم يحالفها الحظ بعرضها لكم
ولكني فضلت أن لا أجعلها حبيسة الأدراج خاصه وأنها قيلت بهذا الزعيم الكبير الذي مات واقفاً
وهو يهتف ( أشهد أن لا إله إلا الله وأن محمد رسول الله ) و ( عاشت الأمه عاشت فلسطين )
أي شخص هذا الذي لم تهزه رهبة الموت ولم ينسى أُُمته في أصعب وأحلك اللحظات والظروف ؟
( متى سينجب التاريخ مثله ) ؟ لا أُريد أن أُطيل عليكم
بل أترككم مع القصيدة لتتحدث لكم عن جزء من حياته ومأساة مماته
فـ إليكم القصيده :

يا عيد ماني فيك يا عيد فرحان=وشلون أبا أفرح والفرح مات ويّاه
يوم المصلي يطلب الرب غفران=الرافضه قالوا جملكم ذبحناه
رسالة الشيعه لنا والمريكان=مضمونها جرح الكرامه ومعناه
في عيدكم ياللي تضحّون خرفان=زعيمكم بالعيد حنا قصبناه
وإللي بقى منّه سجّاده وقرآن=مع بقايا المـرجله دوكم إياه
وإذا بكم واحد على بوش زعلان=يطق راسه بالجدار وزواياه
عزاااااه يا صدام يا عز الأوطان=يا حيييييف توا الناس قالوا عـرفناه
مع الفجر تشهّد بعز وإيمان=ترجّل وخلا الجماهير تنعاه
كنّه يقول المرجله صعب تنهان=مثل الجبل ما هزّه الكلب وعواه
عاش بشموخ ومات شامخ ولا خان=وقف على موته ولا خان مبداه
شجاع ما خلا للأبطال ميدان=خذا المراجل والزعامات ويّاه
دون العروبه حارب الفرس بإيران=وصفق له العالم من أقصاه لأقصاه
حتى أرضخوا هلّ العمايم بطهران=وتجرعوا سمّ الهزيمه بيمناه
كان البطل نشوفه بكل الأعيان=وكنا نقول الله ما أحلا سجاياه
وكان المُهيب إللي يهز كل الأركان=وكان الحضيض إللي قبل يكسب أرضاه
يوم المصالح تقتضي دعمة أزمان=ويّاه كان الغرب والشرق ويّاه
ونقول مـن سماه صدام غلطان=صقر العروبه يفترض يوم سماه
محّد تطاول ضدنا كان . من كان=يوم إنها بوابة الشرق بحماه
واليوم قال المعذره وقفّت هان=أنا خلصت وسلّم الّروح مولاه
الموت بعض أحيان رحمه للإنسان=ولا يعيش بذل ويصادق أعداه
يا شعب من عقبه لكم يرفع الشان=يا شعب من عقبه تبون إيتولاه
طاح الجدار ولا بقى شي مـا بان=وبانت أمورٍ كانت الناس تخشاه
أنهد سد وجاكم السيل طوفان=يالنايمين إصحوا ترى الوضع مأساه
الوضع عقبه صار حافي وعريان=من يستره لا طاح عن سترة إغطاه
والله يلو ما ( بوش وبلير ) عدوان=ما كان صار إللي يصير ورضيناه
اللهُ أكبر يا الضمائر والأوطان=بسوق الخيانه والغدر كيف بعناه ؟
يالمسلمين إللي بكم دين وإيمان=ليه الجسد ما يشتكي ساير أعضاه ؟
المعتصم جرّد على الخيل فرسان=يومٍ سمع بالمسلمه كيف تنخاه !
وبغداد له أربع سنوات تنهان=تصيح بأعلى صوتها وااااا سلاااااماه
تصيح مُحتله من الغرب وإيران=عاث الكفر فيها فساد ومعاناه
وصدام راح وصار للمجد عنوان=وأكيد نعجز ما نسوي سواياه
وإذا نسته الناس ما تنسى الأزمان=بكرى يجينا العيد ونعيد ذكراه

* سطام الشمري *