هنا .. سجن القوافي !!

لله درها من مبدعه وصح الله لسانها وسلم ذوقك يالخيال
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ
وش يضرك لو على الواتس بايام العياد
لو جبر خاطر مجامل بعثت معايده

ما كفاك الصمت من دون سبه والبعاد
القطيعه يا بعدهم لمثلي كايده

هل بعد هــ الصد والهجر للفايت معاد
او حرقت كروته ونعتبرها بايده

الجووهره ,خيال مطير معجبون بهذا

حصه بنت غلاب والدة الشاعر بندر بن سرور الله يرحمهم




ياونة ٍ ونيتها ثم فاحــــت العـــــــين
ماونها مثلي ياكود الحــــــــــزيني

واطيري اللي عقب ماضف الجناحين
ورحل بجنحان السعد للشــــــــنيني

جاه القدر وامسن خواته محــــازين
وامه تصفق بالشمـــــــــال اليميني

تقنب قنيب مجوعات الســـــراحين
وتجر صوت ٍ يفجع النايميــــــــني

يالله ياقابل صلاة المصلــــــــــين
ياللي لبيتك لبو المحـــــــــــرميني

يارب عاوضني بعد قــــــرة العين
يارب ابرد واهسي باليقــــــــيني

الجووهره معجب بهذا

تسلم يالمستشار الخيال الخفير يوما ما ههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
على عجل قبل المسايير ياتون
ياهاجسي وضح سبب ونتةٍ لي

ماهي كما الونات هذي لها لون
لمجمع اوردتي بقلبي تتلي

ذكرت رب الناس وابليس ملعون
وليت حين اوما يوادع مولي

اسمع ولكن ما اعرف وش يقولون
وماء الجفن قال ابشرك جيت كلي
ــــــــــــــــــــــــــــــــــــــــــــــــــ ـــــــــــــــــــــــــــــــــ
وبس ههههههههههه

الجووهره ,خيال مطير معجبون بهذا

.................................................. .....................................

اتفق العلماء على جواز صوم عاشوراء يوم جمعة منفردًا، لأنه من الأيام المُستحب صيامها، فلا حرج في ذلك. كما يجوز صيام عاشوراء فقط.

الجووهره ,ناصر الهواوي معجبون بهذا

ياحي ياقيوم يارب الارباب
ياعالمً بالغيب واللي وراء الغيب

انته من نخافك ونحسب لك حساب
وانت المجيب الدعوتن مالها مجيب

يامنبت الارض الهشيمه بالاعشاب
ومسقي ثراها عقب لفح اللواهيب

عطفك بيومً مالنا عنه مجناب
اليا تبرّت من بعضها الاصاحيب

عبدك وابا توب الك ياخير تواب
قدم المنايا يحكمن المقاضيب

عانيت من دنيا المتاعب والانشاب
ودسيت جرحي فالظلوع المحاديب

وش لون ابصبر واتحكّم بالاعصاب
وانا ضحيه للعنى والعواقيب

في داخلي من صطوة الوقت مشهاب
وفي لحيتي من زود همي نقر شيب

اضحك واجامل ونقل حمول الاتعاب
ولاضاق صدري وقت روس المراقيب

اكضم على اللي في واسكر الباب
حتى مايفرح من يحش العراقيب

اللي يدوّر خلتن بين الاقراب
ولا يعرف الرفقه ولا يعرف العيب

ارفع مقامي عنه من شان الاصحاب
واشيل زلاته وجازيه بالطيب

اما يعدّي فوق في راس مرقاب
ويارد على فرزة قراح المشاريب

ولا على وضعه ومن فعل الاشناب
يصبر على صلو الجمر والمشاهيب

الجووهره ,ناصر الهواوي معجبون بهذا

جزاك الله خيرا ياحضرت المستشار وصح نقلك ودام تواجدك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
يلتج تفكيري ليا رحت مشوار
واسج ما ادري وين انا رايحٍ له

رسل الطواري بالفكر تاخذ ادوار
ما تعقده بالمخ ما اعرف احله

تفتح طرق وتسد الاخرى بالاسوار
حتى اتوهني وانا كنت ادله

منها هواجيسي عدت كل الاطوار
وما ابيه انا واراه ما يسمحن له

حتى الفضولي لو بغى سبر الاغوار
عقله يبي يبطي يراوح محله

اثر الزمن ياحارس السجن دوار
ياما كتم خواطرٍ مسفهله

الجووهره ,خيال مطير معجبون بهذا

انا لله وانا اليه راجعون انتقلت الى رحمة الله تعالى اختى الكبيره لدى اسال ان يتقبلها في واسع جنات الفردوس دعواتكم لها جزاكم لها الله الف خير وستقام الصلاة غدا العصر في مسجد الراجحي الاحد في الرياض

الجووهره ,ناصر الهواوي معجبون بهذا

انا لله وانا ايليه راجعون
احسن الله عزاكم فيها والهمكم الصبر والسلوان
واسكنها فسيح جناته ووسع لها في قبرها وفتح لها من الجنه وثبتها عند السؤوال
ادعو لها بالتثبيت عند السؤوال

الجووهره ,خيال مطير معجبون بهذا