عديت بالنايفه والقلب منلاّعي

عديت باالنايفه والقلب منلاّعي=والرجل مع سكّة الاسباب محفيها
وامسيت افكّر ب مدخالي ومطلاعي=والنفس لي مدةٍ عجزت لارضيها
وقتي عسفني وصرت اليوم مطواعي=وضروف وقتي عنيده من مباديها
مدري متى تعتدل وتزين الاوضاعي=وانساء همومٍ تضيّقني طواريها
ابا اتبدوا واحط البيت شلاّعي=واتبع هوا الوضح والصفرا تباريها
وضحٍ اليا روّحت يندب لها الراعي=من جو مسرِاحها تبعد معاشيها
مادام حد الشمال افجوجه وساعي=ابا ادفع السقس وانزل في مفاليها
باالعين مامثلها ياطى على القاعي=عندي وانا احبها باالحيل واغليها
والبل ترا الوانها من كل الانواعي=محبوبةٍ ياجماعه عند راعيها
مثل الذهب في عروضه عند بيّاعي=تحتار باشكالها والرب حاليها

مساعد نافع الجليدي

عبدالله الصقري ,محمد العواد ,ابوخليل و 8 آخرون معجبون بهذا

صـدووودٓ ,عزاام ,ريوف ,المصممه الوايليه ,روابي ,رحيل ,الملكة ,محمد الغنامي

صح الله لسانك ملايين يالجليدي
ابدعت وامتعت كما تعودنا من سموك الابداع والامتاع والجزاله
دمت ودام مداد قلمك ورقي حرفك الشامخ
تقديري وتقييمي لك
النجلاء

الله الله
مساعد الجليدي
صح لسانك مليون يالجزل
نص فاخر وجزل من شاعر جزل ومبدع
سجل اعجابي وتقديري
ولك اجمل تحيه

صح لسانك مبدع وجزل ونص جميل يا مساعد لا هنت تقديري

صح لسانك مساعد ولا هنت
الله يعطيك العافية على روعه ابياتك
.

مساعد الجليدي .
رائعه صح لسانك ودام ابداعك ،،

ابيات روعه
مساعد الجليدي
تسلم على الطرح الرائع والمميز
شكراً لك

جزلة من راس جزل
صح لسانك و علا شأنك
حماك الله
ورعاك
و أبقاك









تقديري و تحاياي