جيتني ندمان

السلام عليكم ورحمة الله وبركاته
أقدم مالدي لكم مع فائق الأحترام
قصيده للشاعر ( مشعل بن دريع )

جيتني ندمان مـن بعـد ماطـال الغيـاب
تعتذرلـي والحقيقـه تـراهـا تجـربـه
ياحبيبـي صـدّق الكـذب قـدّام الجـواب
عقلك اللي جـاب قصّـه عجيبـه مكذبـه
عارفين الصدق لو حال من دونـه ضبـاب
وانت مثلك يحظـب الكـذب والا يحظبـه
كنت اصدّق بالهوى لين جا فيـك انقـلاب
عقبها كّذبـت مـن مشرقـه لـي مغربـه
والله انيّ اقربـك بـس مافيـك انجـذاب
كل مـا مدّيـت حبـل الهـوى ماتقضبـه
تحسب انيّ ماعرفتـك ؟ اعرفـك بقتـراب
مثـل بـن وهيـل والوقـت دلّـه تلهبـه
ودّك اتغيّر حبيبك مـن اطـراف الشبـاب
والله انـكّ لـو تـدّور مثيلـي تصعـبـه
تحسب انيّ لا هجرت الهوى بلقا عذاااااب ؟
لا حشا مادرت لـك بـال يومـك معجبـه
من عرفت الحب والقلـب عيـاّ لا يهـاب
مانـذل النفـس لـو فيـه شـيّ نرغبـه
الغراب ! غراب لو بدّلي ريشـه ؟ غـراب
وانت مدري تشبهه او تقـربّ لـك شبـه
فيك من سم الافاعـي تفـرّق نـاب نـاب
وختلط سم الافاعـي بذيييييييـل العقربـه
منتهى كلمه تلـوق ال مقامـك والجنـاب
قلتها واليوووم وجهك حبيبـي اااااااقلبـه




أتمنى ان تحوز على رضاكم