هنا .. سجن القوافي !!

هلا بكم
شاعرنا الهواوي
شاعرتنا المبدعه
وخفيرنا خيال
وصحت الالسن والاذواق
وكل عآم وانتم والجميع بخير.
وتقبل الله منا ومنكم صالح الاعمال

خيال مطير ,ناصر الهواوي معجبون بهذا

اقتباس:

المشاركة الأصلية كتبت بواسطة شاعرة نجد

كل عام وانتم بخير مقدما ورمضان مبارك
واستودعكم الله,واعتذر من الجميع ان حصل مني خطأ وانا مدري
يشهد الله عزيزين وغالين اخوان واخوات
أسأل الله لنا ولكم القبول والعون على طاعته بالوجه الذي يرضيه عنا

لنا لقاء بعد رمضان ان حيينا ن شاء الله,’’

وانتي بخير وصحه وسلامه شاعرتنا
تقبل الله منا ومنكم صالح الاعمال
وما شفنا منك الا كل خير يالغاليه
الله يحفظك ويسعدك
ونشوفك على خير
بعد رمضان ان شاء الله

خيال مطير ,ناصر الهواوي معجبون بهذا

باقي ثلاث ايام عن موسم الخير
‏شهر رمضان اللي عسى الله يعيدة

‏تسامحوا عن كل زلة وتقصير
‏ترا حياة الناس ماهي مديدة

‏والمخطي اللي ما يسوق المعاذير
‏ماهو مبشر بالحياة السعيدة .

خيال مطير ,ناصر الهواوي معجبون بهذا

صبآح الخيرآت والمسرآت
ومبآرك عليكم الشهر
جعلنا الله واياكم من صوامه وقوامه
وتقبل الله منا ومنكم صالح الاعمال والدعوات

خيال مطير ,ناصر الهواوي معجبون بهذا

اهلا بالجميع شاعرتنا وجوهرتنا وخيالنا واحبابنا الغايبين
الله يبلغ الجميع رمضان ويعينهم على صيامه وقيامه ويتقبله منهم بفضله ورحمته
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
من القديم يقال صوموا تصحوا=وصوم الشهر(لله) ينجي من النار

والصوم لله حسب قوله والحوا=عليه بدعاكم مع اوقات الاسحار

وعن الخطايا ياجماعه تنحوا=ومع الامام ايلين يقنت بالاوتار

وبما تيسر عندكم لا تشحوا=اعينوا المحتاج مع غلي الاسعار

ومروا على زلات اخوكم ومحَّوا=عددتهن لو هن كثيرات وكبار
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ

الجووهره ,خيال مطير معجبون بهذا

من الارشيف
بقلم المبدعه الجووهره
من قصآئده رحمه الله

يصور فيها الرفقه الطيبه والطلعة البريه اللي تنومس البآل


لي ضاق صدرك واشغلتك الهواجيس
حـــــذراك تنصى واحـــد دون واعــي

أختــر صديق مثل فــــرخ القـــرانيس
يدوس بــــالأقــــدام روس الأفـــــاعي

واركب على جيب يشــق الطعــاميس
واضرب دباديب الـــزراج الــوساعي

واليا زرهج الجيب والبنص له ديس
خــلك للفـــــات الـدركســـون واعــي

الله يجيرك من صـــدوق العــواكيس
لي قام يلعب مع طمــان ورفــــاعي

وابعد عن وجيه اللصوص النواحيس
اللي مثل شكـــل الضبـــــاع المقاعي

حتى تجيلك صيـــهدٍ ما بعـــد حـيــس
نـزل زهــابك فيه وابــن الشـــراعي

ما جاه قبلك من الخــــلايق مناويس
الا مواطي ضــــاريــات السبــــاعي

ودن الدلال ودن جـــــوفـا محـاميس
لي ساح في نومه قصير الـــذراعي

واشعم لها رمث جرومه ميـــابيس
لي ما سنا ناره يجي له شعــــاعي

واحمس بها بنٍ يزيل الحواسيــس
من شم ريحه جاك بالرجل ساعي

وأن كان في رأسك بقايا رساريس
ترى النجر صوته يزيل الصــداعي

سجه بـروض خــــالي ما بعد نيس
محدن وطــاله من المخاليق قاعي

روضٍ زهــوره لاعبتها النسانيس
ريح الخــزامى من دماثيه فـــاعي

يزيل عنك امراض هالك الدواعيس
والمكيفــات اللي هــواهـا صنــاعي

والعلم جاك وخــل عنك الهــــلاويس
أضعاف العقول اللي تلاها الضياعي


الشاعر / عبدالعزيز بن صالح المقبل

رمضان مبارك كل عام وأنتم بخير. كل عام وأنتم بألف خير بمناسبة حلول شهر رمضان المبارك. كل عام وأنتم ومن تحبون بألف خير بمناسبة شهر رمضان المبارك، أعاده الله عليكم بالخير والرزق. أسأل الله أن يبارك لكم في شهر الطاعات والرحمات وأن يرزقكم فيه الدرجات وأن يختم لكم فيه بالصالحات.