آخر 10 مشاركات |
|
انشر الموضوع |
|
أدوات الموضوع | انواع عرض الموضوع |
14-03-2023, 12:01 PM | #38105 |
حزب العاصفه
|
يامرحبا بكم كثر استغرابي من حضوركم كلكم بليله
ارحبي شاعرتنا وصح لسانك وبدنك ولاهنتي ارحب يابو منصور وصح الله لسانك ولا هان راسك هلابك يالجوهره وصح بدنك ولاهنتي ودمتي وسلمتي حيا الله حفيدي ومن حضر ما غاب مثل ما يقولون المهم انكم طمنتوني عليكم جميعا |
|
14-03-2023, 12:40 PM | #38106 |
حزب العاصفه
|
جت شاعرة نجد وكديميس والجوهره
من عاصمتنا ومن مدن بضفاف الخليج والصقري ايضا لفا من جده المزهره يعني ثلاث المناطق صار منهن مزيج احيوا بوبل الحضور فياضنا المدهره اشجارها مزهرات وفاح منها الأريج والهجس يادوب عن ماهو يبيه اقهره يقول طعم القصيد بدون ذكره سميج اللي سبا القلب والجفن بجفاه اسهره وحرج على من شراه بدون ذنب تحريج |
|
15-03-2023, 09:12 AM | #38107 |
|
ياصباح الرضا من قاضي الحاجة
للمحبّـــة مــواصــيلٍ نوثـّقـــها وكل نفس ٍ لكسب الـرزق دوّاجة سهـّل الله مساعيـــها ووفّـّقـــها صبآح الخير |
ورا صفحتك يالجوهره ما بها توقيع
انا يافتة تعليقه اليوم ابا الغيها من الروضه الغنا ابا اقطف زهر ربيع وارصع بها عذبات الابيات واهديها لبنتٍ لها التقدير وافي من الجميع لأدبها الرفيع ودمث الاخلاق نغليها صح لسآنك شآعرنا الهوآوي الله يحفظك ويسعدك |
15-03-2023, 09:14 AM | #38108 |
|
هلا بك زوود شاعرنا
وصح لسانك ودام ابداعك وهلا بك شاعرنا الصقري نورت بعد الغيبه عودا حميدا وكل عام وانت والجميع بخير وصحه وسعآده قبل الزحمه هههههههه |
|
15-03-2023, 12:02 PM | #38109 |
حزب العاصفه
|
احط كفي على يسار الصدر ما اعرف ليه
لكن هذا يصير ليا توقعت اسمع اخبار عن مَنْ قلبي إن حل له طاري ينكد عليه هذا ليا جت تسر وكان( لا) عضيت الاصبع يسن البعد ما يحتمل مع الجفا القتال تبت يديه الله يعين القلوب اللي لماضيها تتوق وتحن ياليلة فراقهم مري على يوم اللقاء واسأليه الراي الاقشر عليه املاه مَن ورغبه فيه مَن ان كان ندمان قل ذي طبخة الرفلا وقرصك كليه هذا جزا من يطاوع بـ الخصوصيات هنه وهن |
|
15-03-2023, 03:30 PM | #38110 |
|
صح الله الســــــــــــــــــــــــــــــــــنتكممم جميع ,, وارحب يالصقري منور بعد غيبه
تسليه افهم وصاتي يا عزيّز وأنا أبوك دامك صغير وغاية العلم يقراك تراه ما ينفعك خالك.. ولا أخوك لا صار ما تقضي لزومك بيمناك ورعك إليا بنا الخلل فيك عافوك أقرب قريب لك من الناس يشناك إن كثر مالك اصدقوا لك وطاعوك وإن قل ما بيدك شانت حلاياك للشاعر راشد الخلاوي ويقول أيضأ ما ذكر به حيّ بكى حيّ يا ذيب واليوم أنا بابكيك لو كنت حيّا يا ذيب يبكونك هل الفطّر الشيب إن لا يعتهم مثل خيل المحيّا وتبكيك قطعانٍ عليها الكواليب وشيّال حمل اللي يبون الكفيّا وتبكيك وضحٍ علقوها دباديب إن رددت من يمّة الخوف عيّا ويبكيك من صكّت عليه المغاليب إن صاح باعلى الصوت يا هل الحميّا |
الخط يبقى زمنا بعد كاتبه ،،، وصاحب الخط تحت الأرض مدفون
التعديل الأخير تم بواسطة خيال مطير ; 15-03-2023 الساعة 03:37 PM
|
15-03-2023, 10:45 PM | #38111 |
حزب العاصفه
|
ارحب يا سعادة الخيال وفخامة الخفير وصح نقلك
الا اني ما اقتنعت بنسبة القصايد للخلاوي ويمكن هذا من جهلي ههههههههههه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــ يسعِد مساء من معه يسعَد مسانا ويصبح بخير وكل خيرٍ يمسيه لو هو يزيد ليا فقدناه اسانا نسي او تناسا بس ماني بناسيه ما بين ياليت وعساه وعسانا اضحى الرجا به مشلح الياس كاسيه نبض الخفوق ان سمع همس اللسانا مافيه احد من ما يصيبه يواسيه |
|
18-03-2023, 08:22 AM | #38112 |
|
بين الرجاء واليأس دمعة يتيمه
طاحت على كف الزمان وجرحها باتت من صروف الليالي أليمه والرحم ما مد اليدين ومسحها مسيلها بالخد يبقى وسيمه الستر شرهاته على اللي فضحها ما تستر الضحكه لياجت عقيمه دام الفرح من عالياته طرحها المعذره يا الذكريات القديمه محطةٍ عمر الزمن ما شرحها المعذرة ترى النوايا سليمه بحور المحيط الهايجه من سبحها كله من اسباب الظروف اللئيمه اللي لقت بالحزن قمة فرحها واسفر لقاها حيرة مستديمه الظرف عمره بالفرص ماربحها تبقين حره عند مفرق رحيمه ذنب الضحيه برقبة من ذبحها تسابقت ادموعها تقل ديمه وسم العذاب اللي لها ما دمحها انبت عذاب بالجروح المقيمه وسميةٍ يشبع بها اللي سرحها تبقين يا الشكوى نديم ونديمه ما تنبدي الشكوى على من سنحها لهيلم المويس |
التعديل الأخير تم بواسطة خيال مطير ; 18-03-2023 الساعة 08:32 AM
|
|
|