هنا .. سجن القوافي !!

ههههههههههههههههههههههههههههههههههههههه ابداع في ابداع

الطير صح لسانك مليون

ابو عبيد صح لساانك يالمبدع

غشام .. ابك انت من يجاهدك يالبلشه
ونعم فيك وفي لابتك يالسيف ابو حديد

والله انكم ماقصرتو واسعدتونا باللحون العذبه
المهم ان السجن ممنوع فيه الزعل

النجلاء معجب بهذا

الله يصبح الجميع بالخير والسعاده
صح لسانك ياغشام وصح الله لسانك يالطير حوران
وارحب يابو بندر والزعل ممنوع والدعوى مزوح وتسالي ولا فيها مجامله اللي يتضايق من رفيقه ومستحي لايطالبه يرسل له على الخاص
لكن ماهقيت ان الامور تاصل للزعل

هلا مرحبا ياسجننا مع طلوع الشمس=وهلا بالسجين اللي تغيب وزواره
انا من صباح اليوم ابا ابصم لكم بالخمس=قبل لا يبيِّح كل رجال باسراره
ماعاد احتمل دوشه وانا ضاريٍ بالهمس=عن شوك الكتاده ورد جوري ونواره
وابا افطر واحرك موترٍ دق سلفه لمس=عليه العب الطاروق والاعب الطاره
ابا انصى وليفٍ حامسٍ كبد خله حمس=حبيب ووفي وصار به هالسنه باره
على شوفته عيني شفوقه وراسي عمس=ان ما صار بُعد قلوب ياما اقرب دياره
لو غشام شافه يوم شفته عصر قبل امس=تعوذ من الشيطان والنفس الأماره

النجلاء معجب بهذا

ناصر الهواوي
الطير حوران
غشام
ماشاء الله ابداع وجزاله
صح السنتكم ياشعراءنا المبدعين
يعطيكم العافيه

المعذره منكم يااهل السجن مااقدر
اشارك هنا داخله من الجوال
لاني مسافره بس ارجع ان شاء.الله
اشارك معكم
تحياتي لكم

ابو عبيد صح الله لسانك ملايين
صح الله لسانك ياغشام
مهوره معذوره يالغلا رحله سعيده وتردين بالسلامه ان شاء الله

اقتباس:

المشاركة الأصلية كتبت بواسطة غشام

ههههههههههههه كلكم ظلمه انت وابو بندر والهواوي وعايض ههههههه انت ي الطير البارح مستلمني انت والهواوي واللحين تقلبها علي هههه

يابو ساره ترانا مانميل ولا نحب الميل=ولا نرضى الخطا منكم ولا من واحد ً ثاني
مزحنا وابتلشنا في هل التوراه والانجيل=ليا زعلو يجيبون العلوم اشكال والواني
انا من لابة ً فريس اهل شلفا ورمح وخيل=ليا صكت عليك القوم دورني وتلقاني
وانا لي شيمه وقيمه ومبدأ ياقوي الحيل=ترا ماني بمرسولن هنا لـ فلان وافلاني

ههههههههههههههه صح لسانك ياغشام وحنا شياب وتخبر الشياب حشمه على الشباب عاد الله يعينك اما استسلم والاّ اصبر على مايجيك ههههههههه

سواليف النشاما اللي تناقل فوق بين وهيل =لاتزعل من سوالفنا وانا ماني بزعلاني
سواليفٍ تقبلها القروم وصد عنها خبيل=تجيب سمان منا تستلمها خيار وسماني
ألك قدر ومعزه واحترام وفايق التبجيل=قبل لتكون ابن عمي حسبتك حسبة اخواني
من ارجالٍ حلاحيلٍ وراها عقبت حلحيل=على قب المهار تطوّع الاصعاب فرساني

اقتباس:

المشاركة الأصلية كتبت بواسطة المهره الاصيله

المعذره منكم يااهل السجن مااقدر
اشارك هنا داخله من الجوال
لاني مسافره بس ارجع ان شاء.الله
اشارك معكم
تحياتي لكم

رحله سعيده يالمهره وتردين بالسلامه

عاد خفي علينا يالعواده ترانا رحنا وطي عند عنقك اللي طوله ذراع ههههه

اقتباس:

المشاركة الأصلية كتبت بواسطة طير حوران

ههههههههههههههه صح لسانك ياغشام وحنا شياب وتخبر الشياب حشمه على الشباب عاد الله يعينك اما استسلم والاّ اصبر على مايجيك ههههههههه


سواليف النشاما اللي تناقل فوق بين وهيل ... لاتزعل من سوالفنا وانا ماني بزعلاني

سواليفٍ تقبلها القروم وصد عنها خبيل...تجيب سمان منا تستلمها خيار وسماني

ألك قدر ومعزه واحترام وفايق التبجيل...قبل لتكون ابن عمي حسبتك حسبة اخواني

من ارجالٍ حلاحيلٍ وراها عقبت حلحيل...على قب المهار تطوّع الاصعاب فرساني

صح الله لسانك يالطير
كفيت وفيت وبيض الله وجهك يالقرم

طير حوران معجب بهذا