الله من قلبٍ همومه تحده

الله من قلبٍ همومه تحدّه
حد الظوامي عن غزير الحياضي


ليا امسى عليه الليل هجوسه تهدّه
تكويه نارٍ في مخاطر اعراضي


خيل الندم بغاراتها مستبدّة
قدح الحوافر كنها برق ناضي


كنا بزمان الجيش وقت الاشدّة
يوم المواقف والوقوت المواضي


يا شيب عيني من وليفٍ نودّه
بسبة غيابه حاجر العين فاضي


واللي انكتب بالغيب محدٍ يردّه
امرٍ مطاع ولا عليه اعتراضي


يالله ياللي فارجٍ كل شدّة
ياللي فرضت الدين بالنور ياضي


تفرج لقلبٍ بالشقا باح سدّه
امسى عليه الليل والجاش هاضي


عاشق الحماد

عبدالله الصقري ,حمد الحربي ,محمد الغنامي و 4 آخرون معجبون بهذا

رحيل ,عبده حكمي ,شموخ الوايليه ,عالية المقام

صح لسانك ولا هنت شاعرنا
نص جميل وراقي يعطيك الف عافية

،
،
،

صح لسانك يا عوض مبدع وجزل دايما

تقبل مروري

الله عليك ياعوض

تميزت وابدعت
في عزف حرفك
الذي طرز جمال مشاعرك
وروعة احاسيسك
باذخ ومتميز بكل ماتعنيه هذه الكلمة من معان انيقة
تقديري لك وتقييمي

يا شيب عيني من وليفٍ نودّه
بسبة غيابه حاجر العين فاضي

الله يرحم كل من رحلوا ويرد كل غائب

أبدعت شاعرنا المتميّز عوض الرويلي رغم ماحملته القصيدة من ألم

صح الله لسانك حتى ترضى
دمت بهذا التميّز

الشاعر عوض الرويلي .
صح لسانك الا مالا نهاية ع هـالدرة الرائعة ..
لا هنت ابدعت كعادتك وامتعت ..
ختم التميز + تقييمي والفايف ستارز ..

قصيده جزله وأبيآت رآئعه

صح لسآنك ويعطيك العآفيه

على هالرآآآئعه

أيّا عاشق الحمّاد
هلمّ بها هنا
.
.
.
http://www.r111n.com/t33804-13.html