مصافحة اولي واول كتابه للشعر

مصافحة اولي واول كتابه للشعر وقابله للنقد والمجاراة


ياطير لاضاق الصدر واقبل الليل=فاح الخفوق. وشتت الفكر والبال
مدري من الاشواق جاله غرابيل =والا وليفٍ صد وانقطعت امال
مغير اهوجس واسرج القاف واشيل=واطلق عنان الفكر. وانقد بالاجزال
قمت اتوجد واذكر الشوق وماقيل = وحكاوي العشاق في القلب شلال
اجاري الخافق . مع العدل والميل =واصدق احلامي .على كل الاحوال
اترجم احساسي بجملة وتفصيل = وفصاحة التعبير والفكر همال
وكل مايضيق الصدر بشعل قناديل = واسري مع الهاجس . والاشعار مدهال

مرور وصح لسااانك لين ترضين
لي عوده بالكلام النافع والقب الحديد

صح الله لسانك ياعاشقه
مصافحه جميله بجمال وروعة حضورك
دمتي ودام مداد قلمك وفيض مشاعرك العذبه
تقديري لك
النجلاء

اقتباس:

المشاركة الأصلية كتبت بواسطة محمد الروقي

مرور وصح لسااانك لين ترضين
لي عوده بالكلام النافع والقب الحديد

الروقي
الله يحيييك والعين اوسع لك من الدار
وانتظرك ياسيدي

عاشقة القصيد
صح لسانك ملايين
مصافحه وبدايه رائعه تمنياتي لك بالتوفيق ان شاء الله
دمتي بود ومحبه

صح لسانك عاشقه
بدايه جميله جداَ ننتضر جديدك القادم بشوق
دمتي بخير وسعاده دائمه

ياطير لاضاق الصدر واقبل الليل=فاح الخفوق. وشتت الفكر والبال
مدري من الاشواق جاله غرابيل =ولا وليفٍ صد وانقطعت امال
مغير اهوجس واسرج القاف وشيل=وطلق عنان الفكر. ونقد بالاجزال
قمت اتوجد وذكر الشوق والقيل = وحكاوي العشاق في القلب شلال
اجاري الخافق . مع العدل والميل =وصدق احلامي .على كل الاحوال
اترجم احساسي بجملة وتفصيل = وفصاحة التعبير والفكر همال
وكل مايضيق الصدر بشعل قناديل = واسري مع الهاجس . والاشعار مدهال

لم اجد فيها ماينقدها
حذفت حروف الالف الزائده فقط يعني لا غبار عليها
صح صح صح لسانك وهذي بدايه طيبه
اسمحيلي ان اطلب منك الثانيه
ولا تكونين بخيله ترانا نستاهل

اقتباس:

المشاركة الأصلية كتبت بواسطة النجلاء

صح الله لسانك ياعاشقه
مصافحه جميله بجمال وروعة حضورك
دمتي ودام مداد قلمك وفيض مشاعرك العذبه
تقديري لك
النجلاء

صح بدنك وقلبك وكلك يسعدني حضورك ياسيدتي
وياهلااابك